(劣食自煮)番茄蘿勒大啡菇長通粉+鐵板蒜片蝦

因為餓住嚟快煮，今日煮得好樣衰

講返煮法先

長通粉極簡單

滾水落鹽橄欖油烚熟

時間睇包裝，一般我會跟包裝時間減一至兩分鐘。

煮好瀝乾水撈橄欖油。

跟住熱油落蒜爆香，落切片大啡菇炒

炒到香同少少縮水就落醬。

醬係現成番茄醬，炒熱之後熄火，落蘿勒撈勻。

醬同意粉撈勻就食得。

鐵板蝦都簡單。

蝦用生粉捽完過水洗，一定要洗到蝦白色乾淨。

跟住索乾水，用鹽醃一陣。

切蒜片，落橄欖油，油要蓋過蒜片

煮到蒜片金轉色就落辣椒煮一陣。

跟住落蝦，蝦兩面轉色，就落啲黑椒粉/鹽調味，再落番茜、少少番茄乾就ok

想食

啲蝦

Btw點解要用生粉捽？

幾時上香討開Post ?

可以去除蝦嘅黏液同腥味

令蝦身白啲

就算急凍都可以令肉質爽口

$？

好難計錢，全部屋企搵出嚟嘅廚餘

唔係專登買，係雪櫃/廚房有咩就煮咩

Thx bro

下次試下先