見到有人問獨派係咪宗教，講下我對香港前景嘅睇法

其實多年嚟個睇法都冇乜分別，反而好似好多人轉嚟轉去，個立場都唔知係咩

（特別係教主、國師信徒嗰啲）

香港人有能力憑自己嘅實力反抗到中共，呢樣嘢我都冇奢望過

根本可以做嘅，都係為支爆一刻做準備

好似曾經俾蘇聯直接或間接統治嗰啲中東歐國家咁，都唔係憑自力收蘇聯皮，但時機一到就第一時間走人

（以上觀點係直接取自林忌嘅）

所以見有人笑獨派係信仰，不如話有咩唔係，加入港共發大財咪夠實在囉

民主黨入中聯辦，傾到五個直選+五個超區咪實在囉，唔通民主黨唔入中聯辦就會有普選？唔好發夢啦

當然見到呢句可能又有人發癲話我撐泛民啦，求其啦，諗下如果自己咁諗，又同泛民有咩分別

本土對我嚟講，係一套以香港人為本體嘅價值觀——呢套價值觀可以有好多變體，例如唔同人可以對香港人有唔同定義（但唔好忘記「民族」／「國族」呢樣嘢從來都冇明確嘅界線，覺得問完人「係咪九七前嚟嘅就係香港人，九七後嘅就係蝗蟲」就係駁咗嘅好戇鳩）——但覺得本土就係反泛民真係莫名其妙

當然，泛民有好多反本土嘅言行，你用呢啲嘢去屌佢哋當然OK，但講到同泛民傾兩句（例：當年黃台仰去咗個泛民活動嗌咗兩句咪，就要死死上My Radio認錯）就要踢出本土派，呢種係黐撚線嘅行為

（當然，咁你可能問：唔通港共撐本土，你又會支持？港共就係本土嘅最大敵人中共嘅直系部下，本質上就同本土截然相反）

而近日見到一種更黐線嘅言論——根據我嘅觀察，由無神論者的巴別塔帶起——就係「XXX係中共底線，所以要求XXX係鳩做」（例如：每日150人係中共底線，所以要求取消係鳩做，因此應該引入大陸醫生），本來以為得佢一個噏，但見到lihkg都開始有人附和

（無神論者的巴別塔雖然成日屌泛民同埋好有心機睇立法會會議去揭泛民偷懶罪狀，但就唔代表佢係本土派——正如馮檢基同泛民反面，唔代表佢就變咗泛民）

呢種講法簡單嚟講，泛民過泛民，簡直係幫政府維穩

講到呢度，又想講另一個話題，就係文宣嘅作用

其實論政文章，有兩種唔同嘅功用

一係一啲正論大道理，呢啲係畀「無知大眾」睇嘅，目標觀眾唔係我哋（蘋果啲論壇版成日都係呢啲文，望兩眼都冇心機睇埋），呢啲嘢無聊，但一定要有

例如150人就係咁，係就係好難反對到，但係一定要日講夜講（定係因為中共唔會讓步就唔可以講？打完呢幾隻字我都笑啦）

二係一啲陣營內部嘅意見探討，呢啲個目標觀眾就唔係「無知大眾」，而係陣營內部嘅人

雖然我哋一般睇嘅都係後者（因為前者啲嘢都係阿媽係女人），但其實好多時都係塘水滾塘魚

（當然，前者寫咗一百篇都未必感化到一個對家，但呢啲嘢一定要有，唔係「無知大眾」接觸到嘅就更加得番TVB之類）

打住咁多先，暫時諗唔到有咩想再講，歡迎駁斥我

Too long 

好多野都係宗教

資本主義 自由主義 共產主義都可以話係宗教

就算獨派變左個宗教都唔代表乜野

你冇回應？

都冇咩好講啦

自己而家都少留意本土搞成點

真係想講嘅就係好多人都係二元對立思維

我覺得對以後本土嘅發展係幾大嘅問題(淨係郊登都大把人辦)

郊登（冇人）OK啦，lihkg先至

唯一做到嘅準備就係文宣

但係獨派冇文宣

冇文宣點樣喺適當時候搞公投獨出去

一班大中華會願意離開咩

唔係潑你冷水

事實係而家嘅獨派唔爭氣

有聲有話題嗰啲坐緊

冇咩力量嗰啲負責倒米

點樣吸納到啲人信依樣嘢

我好疑問倒米嗰班係唔係當咗獨係一種信仰咁朝思暮拜

都係嗰句啦，苦撑待變。

即係日本侵華期間，中華民國苦苦支撑到出現重大轉變（即係美國正式出兵打日本）。

夠叻仔嘅，就學邱吉爾咁，用計拉埋美國落水。

首先需要嘅嘢唔係寫一堆文宣放喺倉，而係日日數中國不是，同埋強化香港人嘅身份認同

例如而家將150人講到大家琅琅上口

至於咩民族自決定民主自決呢啲學術問題又真係冇乜用

教主成日叫人讀多啲書，讀完撐韓國瑜咪又係嘥氣

我從來都認同㗎，但中間喺度玩批鬥嘅人就不可取

泛民抵屌嘅嘢，都包括係呢樣：連死撐都唔出力撐，求其嗌兩下就算

數臭日日都有人做緊

但係點樣令人脫離大中華思想

啲人邊屌邊上大陸玩試問咁又有幾大作用

目標應該係放喺有公投嘅時候如何令人票投向獨先係現在必須做

例子喜茶抖音淘寶bilibili…

俾人全面滲透生活

數完班人咪繼續用有咩分別

我同意你個目標

孫大炮講極都畀人少、唔怕。有軍佬buy佢、最重要係佢有錢錢錢買軍火買人命⋯⋯

如果香港有李＋X之類嘅富豪出資、建國可期囉

令到班奸商覺得件事有投資價值

佔中

逃犯修例

有樣野而家一定要堅持

真係唔好再就咩路線大台左膠問題內鬥啦

而家不論戴妖又好、村長又好、GPhone又好、天琦都好，4個路線有好大差別，呢一刻全部收監

見到網上(膠/郊/連登 etc.) 到左今日仲有派系內鬥真係無言

華人DNA 門口狗

內鬥不斷 死要面 為d瑣事都可以鬥一餐