[廢文冧郊登]圍村阿牛

我有個朋友叫阿牛，自細就係圍村長大，聽講佢一出世接生既唔係人，係牛；飲既唔係人奶，係牛奶。

有一日，我問阿牛圍村無馬路，咁係咪唔太懂得交通規則。

「我地圍村人，從來都係目無王法㗎！」

阿牛冷笑一聲，然後就騎住隻牛衝左紅燈消失喺地平線既盡頭，真不愧係圍村人。

新年既時候，我同另一個朋友迅哥去左阿牛屋企拜年，聽講阿牛老豆係村長，利是個零頭自然會大啲，於是我就咁前往圍村。

圍村前炮仗聲此起彼落，殘骸猶如花瓣將成個圍村圍住形成龍捲風既防護罩，睇到咁我已經想返去，但係總唔可以丟低迅哥自己走佬。阿牛示意唔使緊張，然後行到龍捲風面前，舉手大喝：

「雙層牛肉巨無霸，人人食過笑哈哈！」

龍捲風煙消雲散，出現喺我地眼前既係魔王城。大門用牛頭既造型不斷強調牛既存在，事實上真係有兩隻牛用兩隻腳企喺大門左右，阿牛通過既時候兩隻牛甚至對住佢敬禮。

屌！我想返屋企啊！我望向迅哥，迅哥亦都望向我，四目交投，瞬間我地明白對方既諗法。我既電話突然響起，係迅哥！

阿牛轉過頭望住我，目無表情既樣令到我不寒而慄。

「唔好意思啊，我屋企人搵我，我諗我都要返去先啦…」

「咁不如今日就咁算喇！下次有機會先再去過你屋企喇！」

我戰戰兢兢講畀阿牛知，迅哥迅速將我既說話接落去，不過下次你自己去。

「你認為見過我地真面目就想走？就算你地係少主既朋友都……！？少主！？」

守喺大門既牛想衝過黎，只見阿牛一手攔住佢地，低著頭開口：

「既然係咁就無辦法，你地走喇。」

「但係少主……」

「收聲！我話俾佢地走就俾佢地走！佢地係我朋友！」

阿牛語帶寂寞，令我心生愧疚。為左唔好浪費阿牛既好意，於是我開口：

「咁迅哥你去啦反正你都無野做㗎啦死廢青。」

話畢轉身悄然離去。

死廢青

少少事唔好咁啦

兩個死廢青起到嘈喧巴閉

得啦長洲佬

戇鳩

哞！

55ok

的確幾廢

成個阿寶咁