《車公顯靈》亞太鐵路大會前夕撞車 港鐵後日教人換訊號系統

亞太鐵路大會前夕撞車 港鐵後日教人換訊號系統

港鐵尋晚測試新訊號系統，居然搞到有列車相撞。雖然撞車呢啲嘢，幾時撞都唔好，不過港鐵今次撞車就真係撞得非常唔合時，因為一年一度的亞太鐵路大會，聽日同後日就會喺香港舉行。

呢個亞洲鐵路盛事，匯聚全球鐵路行業精英，港人熟悉嘅JR東日本、台灣嘅台鐵、法國嘅SNCF、德國嘅DB Bahn等都會出席；內容包括介紹最新產品嘅展覽，仲有一系列講座同研討會，討論行業最新發展。

而香港作為東道主，港鐵當然係大會嘅頭號贊助商，行政總裁金澤培聽朝一早就會致歡迎辭，然後同幾位行業領袖進行專題訪談，主持嘅係奧雅納嘅全球軌道業務總監周大滄，即係2014年因為香港高鐵醜聞下台嗰一位。除咗金澤培，多位港鐵高層都會悉數上陣，例如今日解畫嘅劉天成，後日會討論亞太區鐵路嘅嶄新科技；客戶體驗拓展總經理梁靜雯就會講點樣喺數碼時代了解顧客等。

不過最矚目嘅，應該都係由項目經理（訊號）羅志沖、以及前總訊號工程師（車務）王惠明主講嘅「更換訊號系統：最佳實踐（Resignalling: best practices）」嘅研討會，內容會討論點樣將更換系統時對服務影響減到最少、大規模更換系統時要避開嘅陷阱等等。

王惠明雖然啱啱喺舊年年底離職，但而家仲係港鐵嘅工程顧問，而且會為港鐵學院提供新訊號系統CBTC嘅訓練。今次試車撞到咁甘，連國際媒體都有報道，兩位到時都唔知點教啲行家咩叫best practice喇。

--------------------------------------------------------------------------------------------------

呢次真係耕石田

真尴尬。

不過有實例去同人交流，係唔係開心返啲呢？

支那人

笑撚死人，炒到咁甘仲敢教人換系統

遲下轉曬支那車就

交流：千萬唔好似我

for example ……

Best practice 就係唔好用 Alstom 同 Thales, Siemen 又咁貴, 咁唯有用支那貨

黑暗兵法

錯誤示範都係示範…多謝大家!

寶貴案例

全世界都讚緊我哋

專登撞整案例出黎教人

捉蟲

教大家點炒車