諗緊係咪唔應該將D野睇到咁重要

有D野睇得好重睇到好serious，去到結果就搞到好緊張好焦慮咁

例如係追學業做assignment依D

將全副心機擺晒落去，寫每隻字做每一步都好似拆彈咁

最後個結果符合理想就覺得理所當然，結果差就非常挫敗，睇到失敗好似好嚴重咁

可能個心態放鬆少少，對自己好D平衡返D壓力反而會令個人行得長D

睇得冇咁重既時候都唔使做一樣野擔心依樣果樣搞到拖延症發作裹足不前，可以放膽做

甚至一放鬆寫野做野可以天馬行空有創意D唔使搞到個思維咁窄鑽死係一個位，雖然跳出左個框依樣野對grading黎講都好冒險，但表達到自己既idea而唔係一味跟佢要求去做反而可能會多D滿足感

因為今朝聽個friend講，佢識人讀UST

以前undergraduate果陣已經追成績追到好撚勁，可以直升讀phd

但就係讀phd果時壓力極大搞到最後係hall自殺

我諗緊假如樣樣野都整到咁疆咁認真會唔會有朝一日自己都頂唔順

我發覺自己好大部份既自信都係放左去學業到，但當入到大學見住D人幾乎爆4自己只係得3.頭，仲要以前識落既大部份高過我時，其實幾挫敗

我有諗過反擊，想衝返上去整好睇D，但拖延症完美主義依D好似反而拖慢腳步

最重要既係當我身邊同系果班個個上到大學都係求pass，果D groupwork都係當做左就算冇諗過做到好完美，我自己要求高但企唔夠硬，又冇精力同自信可以一人carry，最尾又比佢地同化左搞到一組做果D都好可能派唔到好grade

我而家想改變既，唔係話想全部野都輕鬆鳩做，而係將個成敗得失唔睇咁重，得就得唔得就再努力，個心態甚至係人生方向會唔會行得比較好

Sor9 亂打左篇千字文心聲主要都係for打出黎自己問自己，唔知有冇郊登仔肯比下意見

我突然諗起小學一件事

話說有次默書我坐第一排，個miss發覺我一隻字都默唔出

之後佢好似睇穿左我咁，覺得係因為我緊張，然後調左我去後排坐就自自然然記得返晒要默果D野

或者個原理同我而家面對既差唔多，睇得咁重反而增加緊張同焦慮感最後拖低表現

最緊要自己覺得幸福

唔好迫自己

Be kind to yourself

我都好易緊張

啲手汗多到自己都頂唔順

一出手汗 我係唔會想做嘢

但多數會頂硬上

盡左力先算

認真努力然後失敗就會有挫敗感

輕鬆面對然後失敗又會覺得自己唔夠認真唔夠努力有罪疚感

挫敗感vs罪疚感自己揀

不過學阿爸阿媽講過到人過到自己咁就得

如果萬一唔努力令自己覺得痛恨同後悔係好唔抵

同時如果壓力迫到自己抖唔到氣迫死自己又係on9

所以我揀嘅話盡力做完唔唸結果算鳩數

出嚟一舊屎都對得住自己個心先

仲有學習嘅嘢千祈唔好簡單複雜化

要喺人哋規矩內交最細份嘅嘢

咁做出嚟嘅嘢先得精簡

複檢嘅時候先有時間再改

同意

輕輕鬆鬆冇煩惱

最緊要平常心，就好似平時飲水咁去做

Same

本身就唔覺自己會有幾長命

亦都覺得第時應該唔會有咩人要我照顧

所以索性今朝有酒今朝醉

一係諗首自己鍾意既歌然後跟住首歌既節奏去做

我又係唔失敗得，結果乜都唔做就唔使失敗

多謝大家肯比意見我

我而家想做到既係盡力去做，成果好定差都睇透晒佢，最重要對得住自己

但迫自己做唔想做既野我覺得係必須

因為要為自己將來前途做打算，如果唔係將來好難可以向上爬脫離做窮撚既命運 (仲要自己係獨生子遲D要一個人撐住頭家)

如果完全依照自己心意，我會變左Quit U朝早輕鬆炒散夜晚/放假就做自己興趣，睇書畫畫作小說玩下樂器咁

依D當然係我想過既生活但現實唔會咁理想，首先都要整張沙紙先然後又要刷靚CV再搵D人工比較高但做到死狗咁既工，之後捱十幾二十年試下做唔做到財務自由，然後先可能有機會忠於自己想做既事

我好似為左生計同前途迫住做自己厭惡既事咁，埋沒自己真正內心需求

而我發覺最厭惡既係處理人際關係

好多時自己想做一樣野都會令其他人唔合心意/利益有衝突

我知道點樣溝通同談判係現實社會好重要但依樣野對我黎講比任何野都難

所以我一直prefer individual既工作多過groupwork

前者係自己負責好易control，後者真係好難砌到一份靚既野，隨非本身好有默契或者一條友做晒

A又話唔得閒唔見左人，B又話覺得咁做唔好，C就全程跟唔上做緊D乜好似windows98咁hang機，D最後又交成pat屎出黎要人執

感覺而家自己要盡量積極咁捱吃力不討好既事

我可能都會keep住打依個post當日記咁寫吐下苦水，唔係既話未必頂得順