極驚險！巴士入錯線 後備女車長公路冒險倒車

近期涉及巴士的意外頻生，令人關注車長駕駛時的安全意識。今日(7日)網上瘋傳一段影片，片中一輛巴士在公路上行駛時，後備女車長因入錯線，但她沒有選擇「兜路」，反而強行在車來車往的公路慢駛倒車，車上乘客感到不安鼓譟外，公路上不少車輛亦按響警告。

據影片的留言顯示，事發於昨日(6日)早上約9時20分，一輛由天水圍駛往上水的276B巴士行駛至新田公路時，因女車長入錯線而在公路上停下及倒車。影片中可聽到不少乘客目睹車長的行徑後，都大感不滿及鼓噪，有乘客建議女車長：「呢度高速嚟㗎，去到上水先兜返嚟啦！」但女車長堅決拒絕，更回應道：「兜返嚟好危險...嗱，後面冇車呀，你放心啦，我睇過晒安全先同你做㗎，你唔好介意。」

隨後，該輛巴士就開始向後退，女車長可能見乘客仍有不滿，她再解釋自己只是後備司機，並稱將近駛至分岔路口，着乘客不要再影響她。過程中，不斷聽到公路傳來車輛的響按聲警告，但女車長依然置若罔聞。

不少網民看過影片後，都感到憤怒：「投訴啦，佢咁樣得一次，一定會有下次！分分鐘害死人」、「癡X線，咁樣倒車都得？個腦留咗喺屋企？」有網民更指該段公路本身就已經很危險，「呢條路超級多(貨)櫃車，好危險」、「高速行錯路倒車...一出事就大X鑊，攞乘客條命嚟博」。

又係女司機

而家坐巴士真係搵命搏

黐線

大陸人？

可能個司機都驚入到去唔識路兜返啱