黃世澤：HK Watch Benedict Rogers被保守黨踢出參選名單

Benedict Rogers 被移出保守黨國會候選人名單：有無搞錯

martinoei 黃世澤

Benedict Rogers 收到英國保守黨通知，佢被移出黨內候選名單，但成件事最恐怖係， Benedict Rogers 被移出名單前，據 Benedict Rogers 所知，中國駐英大使曾打電話俾保守黨主席，跟住 Benedict Rogers 就被移出候選名單，應該選唔到MP。

Benedict Rogers 出唔出嚟選關共產黨叉事？

作為英國保守黨普通黨員，我自己聽到呢個消息第一個反應係火都嚟。 Benedict Rogers 係唔係保守黨候選人，係我國保守黨內部事務，關你中國共產黨叉事。唔怪得有啲中國人可以囂張成咁，我作為英國保守黨黨員，我覺得成件事係十分之令人困擾。

而保守黨俾 Benedict Rogers 嘅理由，簡直係黐線，喺書面申請度，Benedict Rogers要寫番佢過往幫保守黨嘅經驗，但黨以佢寫唔夠三百字而DQ佢。黐線㗎，依家考GCSE O Level。我聽到呢個理由，我完全唔相信自己對眼？乜話，保守黨咁都得，我入咗乜嘢黨？我以為我過往喺香港公民黨嘅經驗，已經夠晒荒謬絕倫。

講真，如果唔係Jeremy Corbyn 廢到一個點，同左到變Red Corbyn，俾我真係會嬲到交出保守黨黨員證，改投工黨算。我依家都要諗，係唔係要投向 Liberal Democrat 。當然，我同意 Benedict Rogers 所言，政治係價值問題，唔係參政問題，所以我會留喺保守黨。我未到好似當年喺香港公民黨嘅情況，對內部情況接受唔到，所以不得不退黨。雖然公民黨有無處理我嘅退黨申請，某程度上都係一個謎嚟。

只不過，如果中國駐英大使可以干預英國執政黨嘅內部運作，喺國家安全角度，我認為係極度危險，保守黨內部係必須對全體英國國民有清楚交代，依家中國干涉英國內政程度，遠超過當年中國干涉印尼內政。中國干涉印尼內政，最終結果就係我變成難民之後。咁搞法，真係就算BNO平咗權，都仍然危機重重，因為我作為British Citizen，仲要係保守黨黨員，我都認為極唔安全，甚至最終係唔係香港唔係歸英，係歸歐至可以解決問題？ (我依家咪明，有人咁驚我住喺德國喇，我係唔係應該攞張FDP嘅入黨表格咁？)

我相信，英國輿論呢次點睇 Benedict Rogers 被中國迫退事件，係可以睇到英國內部捍衛英國安全嘅決心，依家無理由由一個火坑跳到另一個火坑，拒絕咗果啲IS新娘重返英國，但英國上層社會竟然變相被中國共產黨控制，豈不是仲恐怖過當年KGB擺Cambridge Five入MI5？同埋，我唔認為美國對呢件事無睇法囉。

後話：英國都可以咁，我係唔係非要攞一個EU Nationality不可？

黃世澤入咗保守黨，今次堅料啩

英國都可以咁，我係唔係非要攞一個EU Nationality不可？

stop making stupid people famous! please!

世柒

May姐

世柒走火入魔.........