名店排半粒鐘先食到

深水埗漢發 (似乎九成都係港人幫襯)

一半揸車嚟一半walkin嚟

例牌要食豬膶麵

全港最正豬膶,湯頭係帶紹興酒味(我反而鐘意維記嗰傳統薑湯)

另外豬手,炸鯪魚球都係一絕(好大份無四,五個人唔好亂叫要打包)

身為搭枱仔講下見到乜,我見一家人兩大一老一細可能見名店難等位又加上同枱有其他人.

嗰位女士似想表現嗌得就嗌嘅豪氣.

叫完四碗麵又加雞寶又餐肉蛋,之後又豬手又炸鯪魚球,店嗰位姐姐都事先問定佢係咪嗌外賣.

小妹食量唔大,一碗豬膶麵+可樂已夠.

笑料就嚟啦!啲食物上枱佢哋把聲都變晒,嗰老公已經就住就住抱怨,佢老婆望到碟碟份量唔細又唔想瘀到出面,想氹小朋友食豬手(小朋友邊會食麻鬼煩豬手),結果兩公婆狂質飽自己.

我埋單走先