加盟店致富

10蚊杯檸檬水點撐起16萬月租？石門蜜雪冰城女店主完美示範咩叫「蝕到入肉」，連個舖位都要網上招租搵人頂手，以下幾點拆解呢單商業慘案：

1) 10蚊檸水大戰16萬租金 石門京瑞廣場個舖位得千零呎，月租竟然要16萬。簡單計數，就算當你一杯賺8蚊，每日都要賣成660幾杯先夠交租，仲未計人工水電同加盟費。喺香港做生意，租金先係大老細，忙足一日原來只係幫業主打工。

2) 醉翁之意不在酒，在於身份證 店主Tina係深圳港漂，開舖原來係為咗續IANG簽證，博拎香港永居。佢本來諗住蝕少少當交「身份證手續費」，點知香港租金太兇狠，蝕足半年蝕到頂唔順，終於要搵人頂手止血。

3) 總部必賺方程式 蜜雪冰城母企半年賺多44%，因為佢哋其實係賣原材料嘅供應鏈公司。加盟商要焗住同總部入貨，你賣唔出係你嘅事，總部照樣收錢。呢種模式下，加盟商變咗幫總部輸送現金流嘅微血管，隨時失血過多而亡。

4) 水土不服嘅平價策略 蜜雪冰城喺內地靠平價同人多贏，但嚟到香港面對高昂租金同人工，呢套玩法即刻撞板。

5) 創業定做水魚？ 對於想加盟網紅店嘅人，簽約前真係要諗清楚，你係為自己創業，定係同時被業主同加盟集團夾擊？

※無錯我指係母公司致富,傻仔做下線(衰過7仔)杯杯都賣十元八塊

By threads BusinessFocus

母公司做埋上游又賺加盟又賺原料連定價同優惠都要跟母公司你點玩

有八達通唔用，幹什麼？

是但啦屌，眼見間嘢中國南深圳分店嘅店員都係操純正北深圳話

即係做唔掂搵水魚接手， 免頂手費都唔會考慮囉。