侏儒紀世界又換代喇 少量劇透但都無劇情架喇
07/07/25 01:29
今集黑寡婦做女主角，同黑人軍佬friend，加埋商家佬同平民家庭等人一齊上島，故事結構同上集星爵一樣，講述主角團去與世隔絕嘅恐龍島做任務，貪錢嘅僱傭兵從中發現真善美，決定拯救平民家庭且帶佢地上恐龍島，最後仲為咗佢地犧牲自己，成班探險隊，包括科學家、軍人同商家佬，就只有平民家庭一家大細平安，傷口都無。
導演為咗令觀眾感受恐龍世界平淡生活嘅一面，決定用嚟一半時間嚟開會同揸船，亦都大膽安排黑寡婦以文戲為主行行企企。同啲恐龍大部份都變種/雜交 已經認唔出係咩，又蠢又慢，追幾個無受過訓練嘅平民都捉唔到，所以大部份恐龍場面都唔刺激，其中最創新係安排平民家庭喺瞓着嘅暴龍面前打開逃生艇，叫醒暴龍追自己，最後因為暴龍咬唔穿橡皮艇而全員逃出。
07/07/25 01:32
07/07/25 02:25
聽聞話某啲恐龍跟返新研究嘅設定.
07/07/25 03:13
喎要睇有嘅恐龍，唔要基因改做怪物。
利申未睇