逗利是十式

我只係將聽過見過既拜年招式 集天下之大成 記錄落嚟 招式由淺入深 基本野開始着手

第一式 主動出擊

無論係看更 清潔 侍應都好，一踏入農曆新年，就應該進入戰鬥格。

平時幾懶散都好，都主動獻殷勤，開門，抹𨋢，加水。加句恭喜發財會增加逗到利是既成功率。

一言以蔽之，用服務換取利是。

第二式 移形換影

呢招係公屋見得多，公屋看更年初一坐a座，年初二坐乙座，年初三坐3座。

務求將得到既利是數量極大化。

配合埋第一式使用，就算啲住客見你生面口，都有一定機會率派利是比你。就算打更既見到一家大細等緊𨋢都要主動傾幾句務求r到利是。

第三式 渾水摸魚

頗為離譜既招數，通常知客會劃分幾個area，但唔係檯檯客仔派利是都係你個區度，咁點算呢？

一旦有客仔派利是，你應該放低手頭上既工作，圍住個客仔逗利是。

由於知客放低左佢既工作，所以係賺緊利是既同時，都白逗緊人工。

第四式 偷雞摸狗

呢件事真係我親眼目睹發生係親戚身上，第一次要喝停派利是，甚至blacklist個酒樓。

通常知客渾水摸魚係大眾共識，就算你無服務提供，我地都會派埋架。

有次啱啱開檯，開茶個陣派利是，引嚟成班知客圍爐，其中有位知客身形略為突出，由其他位置好明顯咁沖埋嚟我地個檯，拜年喎，咁我地咪都好人知辛苦派埋比佢。

上差不多第二輪野食，有個之前見慣見熟既知客我地又派利是。點知佢又沖埋嚟，仲祝我地心想事成。

老闆，你個身形咁突出，我地唔會認你唔到呀，不過老一輩都諗住一團和氣，再派多次比佢。

到出去埋單個陣，派埋利是比收銀個三位，個阿姐又再嘗試沖埋嚟拜年喎。終於，忍唔住回擊"小姐，我地都派比你好多次啦喎！‘’

佢死口唔認，話我地無派比佢。好心啦，你身形突出到咁，點會認唔到你呀！我地堅持唔派，佢先黑曬口面，離去。

第五式 厚此薄彼

始終有啲人你點逗佢，佢都唔會派利是比，為左比呢班人知道拜年等於打劫，所以要略施小計。我都係唔派利是，所以呢壇野發生係我身上。

我個日去茶餐廳叫野食，個侍應拜年，我一句未結婚打發佢走。 蔥油豬扒飯。

呢個時間啱啱嚟左一檯客，差不多八個人。坐係我面前，親眼見到派利是。

佢地都係叫蔥油豬扒飯，幾碟。

之後係廚房拎個第一碟蔥油豬扒飯，去個檯客到。呢個時間我等左十分鐘。

第二，三碟又拎左出嚟，我等左十三分鐘，都係去個檯客。

咁我眼見唔對路，就搵侍應追追佢啦。侍應係我面前大叫廚房，回應既答覆係煎緊。

再等左兩分鐘，我又搵另一位催單。佢既答覆依然係煎緊。明眼人都知咩料啦。

再過到三兩分鐘，我真係忍唔到，我搵第三個侍應催單，無既我就走。咁個侍應靜左一靜，之後去多次廚房，行返出嚟。

［等多兩分鐘呀，啱啱煎緊架喇。］

呢一句講完之後我真係無明火起，人地連雜扒都拎左出嚟，我個蔥油豬扒飯都未出嚟，痴線架。

件豬扒飯一出嚟，我9秒9食曬佢。之後比錢，頭也不會回就返上樓。

大細超到咁，真係痴線，佢地咁樣簡客一定會留得住啲利是客，啲西客一定會淘汰。

留低架，都係利是客嚟。

有人想睇我再講

我已經到達皇者霸氣格

大家好自然地行過嚟派我利是.

你著住保安衫自然無人𢭃你利是

計數都要跟番定義先計得成

派利是嘅定義係：已婚派俾單身

開工利是就直接 apply reductionism:

senior派俾junior (titles)

過多幾日成間餐廳都執埋

正常三餐最好喺屋企搞掂

咁耐以嚟，後生嘅全部唔做住宅盤

有住客派利是你先驚，

一陣佢唔夠pension問你拎番轉頭

後生唔做住宅？ 你真係好搞笑

我識個啲唔好話發達 叫做3萬蚊月入既看更 做豪宅盤既物管 幾多後生 35歲以下都大把

幫人搬下行李 處理啲野 平日都大把tips

新年利是更加唔少得呀

呢個世界真係越嚟越黐線。

原來樓主開緊吹水大會

我都係走先，費時跣親

新年唔好出街食

一係自己煮，一係學我食七十一叮叮飯無咁嬲。

烏龜寫咗乜睇唔到

不過佢做商廈，冇利是逗。

第六式 同你有親

呢式開始打後個啲全部都痴痴地線

無錯 係上契

就算無上契 平時都痴埋去叫做契家姐契大佬

目的就係平時有茶客照

咁你會問 車 同平時啲mk仔女有咩分別 都係要封老毛啫

咁你就太睇少呢招既威力啦

佢地做知客既 逢大時大節都要賣餅卷賣酒席博分紅

上得契 無理由唔幫自己友買燒架 又消費

通常知客同茶客有上契動作 該位知客多數唔會只係契一兩位 亦即係背後有一大群勢力

而且契得既客通常都係上左年紀 無咩消費 每個月又有生果金長者生活津貼綜援咁

啲錢就慢慢流入佢地手

最重要

佢地新年封利是一定唔手軟 差極都一二百起跳

一封等於你逗十封 問你知掟未

知客上得契都要有實力有牙力既 要枱有枱 食酒席送生果酒水 牙籤任拎任攞 追單跟單做到足

第七式 挾天子以令諸侯

呢招我略有聽過 未遇過 都市傳說來自對上幾次個份工作

首先 個女同事會揸住盒金莎 跟住請目標食粒

一旦拎左佢就會開始主動出擊，然後逼你派利是。

呢招最癲既地方係 初見殺

工作地方係大公司嚟 每個部門都熟口熟面但未必識曬每位

而佢最簡某啲佢認為有派利是既目標落手

據聞個次佢收利是收到件工衣六個袋都袋唔曬

要返locker擺利是同refill金莎

咁就諗下有幾多對像中伏

叫雞話自己係處,就有得收利是計劃通

咁你又唔應該既, 同人話"有事走先, 煎完call我"呀嘛

係見到多客 不過後嚟個啲上先我真心feel到大細超

佢啦咁仆街的。

你應該慢慢食，上網睇埋套戲先走囉。

到我比人起底，你地又唔會幫我架啦

郊登仔一定撐郊登仔！

屌你老味tvb套愛回家 抄我條橋

第八式 新春團拜

見無咩反應本來都唔想再寫，不過開左個頭就寫埋佢。我以前係成三 四千人既大公司度做，單係department manager都兩位數至三位數，仲唔計啲manager對落個班incharge。

做大佬，有靚仔拜年點會唔派。

不過你都要識佢先派架嘛，前公司有單經典事例，隔離部門既新仔嗡唔出個經理既名，以致於經理以*我你都唔識，點派比你呀*為由拒絕拜利是。

於是乎出現左一個奇怪既現象。靚仔團拜。

位於唔同部門既同期生，於新春期間集結，形式一個沙甸魚風暴，螞蟻行軍般聲勢浩蕩。

只要任何成員見到一名白衫，而又認識佢既名字，都會主動上前大聲拜年，其餘隊友緊緊跟隨其後。

*cleaning輝哥新年快樂* *marketing南哥新年快樂* *一柴雞爺新年快樂*

行足咁多個hanger，無一白衫不聞風喪膽，一旦被盯上至少要派三四十封利是，有時唔好彩遇着4，5期團拜，一日人工都輸曬比佢。

所以佢地有啲選擇匿埋，細匿，匿office，中匿，匿pantry，大匿，匿locker。

呢3個地點事前已經黃左，某位英雄成為左出賣耶穌既猶大，親手送左佢地既大佬上十字架。

可惜我點都無法係開工拜年期間搵到我既incharge。無法帶領眾臣攻城掠地。

直到收工，我先見到大佬，按公司文化慣例，收工後唔會團拜，熟人例外。

咁我就逗完利是問佢匿左係邊啦？

*匿？匿咩呀，我一直都係度開緊工。

最正路既地方最安全呀。*

第八式同第三式最大分別係意識問題

我地係有目標性咁集合同管理 而且有啲department manager係一世都無機會合作

透過分工合作係呢班人才手上割左一筆。

我有幸參加第一年既合作，夠我買一部switch主機後，翌年良心發現，並未有再次加入討伐小隊。

由3000幾利是變成得返幾百利是。

第九式 食夾棍

江湖傳聞 食客想比廚房佬啲開工利 一定要親手比 或者至少比入面個大佬派 經經理手有極大機會消失或者錢換錢

呢類無根據只聽過既我本來唔想講 無根無據會被人嘲諷 不過我江郎才盡 所以

重申 只是江湖傳聞

第十式 亦係最後一式 真心拜年

根本派年啲祝賀說話就唔應該用嚟打劫利是

人地派咪派 唔派咪算囉 你相見好口都真心祝福人既啫

我見過有朋友拜年 接近三十歲都好

都好似小學雞咁 一輪嘴係咁嗡係咁嗡 人地派完利是比佢都仲係到嗡

speed x2

恭喜發財萬事勝意龍馬精神一本萬利心想事成花開富貴如意吉祥春風得意事事順境出入平安橫財就手五福臨門青春常駐身體健康恭喜恭喜

無錯 佢係一位i人 同時 佢亦都係一位老實人

佢知道拜年既目的利是係其次

本來既目的係祝福身邊每一位親朋好友

而唔係藉機打劫

個封利是只不過係心意

重點在於人與人之間既互動

我聽完即刻明曬

成年咁多日子你唔祝福 係新年先嗡咁多說話祝福 係因為想大家可以開個好年

而圍繞住利是既攻防戰 只不過係人類自己做多左 忘記左拜年同祝賀語之間既含意

我地不妨係年十四農曆新年可以拜年既最後一日好好反思下拜年本意

我亦在此祝郊登年年有今日 歲歲有今朝 多謝！