【重大蕭析】蕭若元開腔講HMV：我無能力完全挽救蕭定一嘅生意
【重大蕭析】蕭若元開腔講HMV：我無能力完全挽救蕭定一嘅生意
2018年12月20
1220 19:19
HMV香港零售店清盤，HMV數碼中國（8078）股價大跌，蕭定一因而陷入困境。其老豆蕭若元以「從HMV講起 做好家人的後盾」為題發出11分鐘最新蕭析片段，對外回應。
蕭若元講到，「我並不以蕭定一呢一次挫敗為恥，當然蕭定一既挫敗係嚴重，佢渣嘅股票市值唔見十幾二十億，但呢啲係數字遊戲。」
對於兒子的HMV生意，蕭若元亦感無能為力，「我可能無能力完全挽救佢嘅生意，但我有能力係完全照顧佢哋生活，或者再幫佢哋東山再起添。」
蕭若元分析HMV清盤，「作為實體店係經營係非常之困難，香港租金咁貴呢。第二就係買CD呢啲生意當然係跌得好犀利…一盤生意做到拉閘結業，唔係第一次喎，我都試過幾次…當然（蕭定一）有錯誤Decision喺入面，亦有執行不力喺入面，亦有大經濟環境入面，呢3個月香港經濟情況不斷惡化，HMV就喺呢3個月啫。」
蕭若元重申之前講法，「我覺得個仔都三十幾歲，你要畀佢Make獨立Decision，如果佢乜嘢嚟緊問過你，咪就係你嘅Decision咯。等於香港嘅自治咁，如果乜都問過阿爺嘅話，香港就冇自治啦。除非佢主動嚟問我，我就唔會問佢，所以我係近月先知道。」
對於蕭若元自己感受，「我做嘢永遠唔會後悔，因為你冇得返轉頭…後悔你就將自己Keep喺好低沉嘅Mood入面，個Mood會令到你免疫能力降低，有時會導致你生Cancer，所以我做嘢永遠唔後悔。」
對於食花生的網友，蕭若元片中開頭提到，「喺網度有啲敵視我嘅人話，講吓HMV啦，講吓你個仔啦，好似捉到我痛腳咁，首先我係一個事無不可對人言嘅人，任何嘢都可以公開我嘅睇法。」最後則提到，「幸災樂禍嘅人，你哋會絕對失望，我唔會因此令我唔開心…我覺得你哋好似狗吠一樣，我唔會因為隻狗吠而唔開心。」
燈~
從HMV講起 做好家人的後盾 〈蕭若元：理論蕭析〉2018-12-20
登死hmv
又一個回憶消失
做得商人，唔會輸身家掛🤔
蕭定一一定燒出事
幾時到老燒仆街
對於蕭若元自己感受，「我做嘢永遠唔會後悔，因為你冇得返轉頭…後悔你就將自己Keep喺好低沉嘅Mood入面，個Mood會令到你免疫能力降低，有時會導致你生Cancer，所以我做嘢永遠唔後悔。」
咁都有得燈
佢既處世態度幾值得學習，之前黃子華上黎講自信個part幾認同