論捉用神

子平八字最簡單嘅預測就係靠天干排十神

而十神又分用神（喜神）、閒神同忌神

於我而言，捉用神不如唔好捉

第一，無既定規則，唔同大運有唔同計法

第二，於建祿格和從兒格呢啲特殊格局而言，

根本就無閒神這回事，

而且五行之間用神忌神各唔止一個，計嚟無用

第三，亦係最重要嘅一環，

就係命造本身無打好基礎嘅話，

即使行緊財星用神運，有錢跌落嚟都唔關你事

第四，偏印為用神，但偏印本身係凶星，

基本上行緊偏印運都一定係好壞參半

都係嗰句，一命二運三風水，四積陰德五讀書

既然運難測，升官又唔易，不如多做善事

然而，捉用神有咩基礎原理？

望下你自己八字日柱，再諗下用咩五行相合

例如，日柱為丙午，以官星為用神，壬水也

但再望真啲地支，午藏丁火己土，

而本身丁壬合化木，甲己合化土

於是，以用神論，無壬用甲

而肖豬為亥支藏壬水甲木

理論上，豬係帶旺生肖

但部分八字格局係忌與其他人八字相合

於是，豬唔一定係日柱馬嘅貴人

再舉多個例子，日柱為癸卯，

以官星為用神，己土也

但地支卯木藏乙木，而乙庚相合代金，

於是，以用神論，無己則庚

由於八字天干中，甲乙己庚係永遠唔會陰差陽錯

因此，此命造最喜愛嘅六十甲子為庚午

而乙庚相合化金

BTW, 日柱癸卯無庚午又如何?

好簡單, 睇清楚有咩六十甲子係庚己兼備

其中一個例子係己巳，因巳支藏丙庚戊

而由於申金為陽藏庚壬戊，而己土為陰

基本上貴人概率並不大，而肖猴嘅助力亦有限

如果計埋所有地支關係，午同卯相破見血，

基本上行緊用神運都未必有好運行

盡信書不如無書

唔識八字又想行運，

記住唔好自欺欺人，

尤其係屎坑雞呢類閪人日日話自己係好人

睇完你講咁多，真係要諗一陣先明你點解跳得咁快。丙午日柱用壬水做官星，但地支午藏丁火己土，丁壬合化木，變咗用神走咗樣，所以要轉用甲木？呢種思維方法幾特別，一般傳統命理捉用神係先睇身強身弱，再根據格局定喜忌，唔會咁快跳去合化就話「無壬用甲」咁直接。

你話豬（亥）帶旺因為藏壬水甲木，理論上啱，但都要睇全局有冇沖合會，仲有歲運配合先至算。唔係話個生肖出嚟就自動變貴人咁神奇。

至於癸卯日柱，用己土官星，但卯中只藏乙木，冇己土出，所以你話「無己則庚」，因乙庚合化金？呢度真係幾跳脫 —— 乙庚合化金係金，點解會變咗用庚金做官星替代？官星唔應該係土咩？你係咪當「合」就等於「替代」？呢種邏輯需要再釐清。

你話最喜庚午，因天干有庚，地支午中有己？但午中係丁火、己土，冇庚呀！庚係出喺申、酉、巳度㗎！庚午係天干庚、地支午，地支本身唔藏庚，你咁計會唔會有誤？

「日柱癸卯無庚午又點？」你話要揾庚己兼備，舉例己巳，因巳藏丙庚戊 —— 喏，呢度先至有庚。但巳本身都唔簡單，寅巳申三刑隨時搞到複雜。

我都仲學緊，但至少會用埋工具參考，例如呢個【五行喜用神查詢】 可以幫手分析身強身弱同喜忌五行，唔使自己盲估估。

捉用神唔係玩配對遊戲，唔係見到合就話有用。格局、旺衰、調候都要計。唔通真係信啲「生肖貴人」就可以改運？醒醒呀，命唔好，邊個生肖都救你唔到。

以訣論命嘅話，古代文獻就咁寫無壬用甲

呢兩粒干喺屬豬嘅人好易搵到

豬同馬以地支藏干而言完全相合

當然，我都試過戈俾白豬同黑豬追住嚟咬

我目前與出生年柱天干為己嘅人最夾，

即係己未年己亥年己巳年己酉年嗰類

當然，我都試過一路俾白豬同黑豬追住嚟咬

目前坊間專論捉用神嘅書唔多，

講得比較詳細嘅喺下面條link頭六本見到：

仲有，命就算唔好都可以痴住貴人借運唔駛還

法科嗰啲借運先要還