段估沖繩快閃遊記
今次係23年11月嘅沖繩遊記
去咗三日兩夜
其他遊記可以睇呢度
【爛尾預定】段估日本遊記 (東京(完)、京都(23年第一次)(已爛尾))
段估日本遊記（年尾版）(京都(23年第二次)) (完)
段估熊本遊記
如果今次唔爛尾(應該)會寫埋24年2月四日三夜帶兩老去福岡
Day 1
話說又係執到UO特價機票
今次係去沖繩 不過加咗行李都差唔多2000
最dup春係買兩日HX做特價千五六包行李
七點半機要坐NA車4點幾去機場
JCB卡除咗公廁Plaza Premium之外仲可以入呢間Sapphire Lounge
六點開門 Counter checkin完入埋禁區行埋去都差唔多
新開啲嘢都幾舒服
早餐有啲基本嘢咁 QR code可以落單雲吞麵
咩種類嘅位都有啲咁
其實好近 兩個幾鐘已經到
第一次嚟沖繩 不過第一眼已經好鐘意呢個綠色嘅海
可惜天氣唔好 本身有諗住坐船出下海睇吓魚 同埋玩滑翔傘
我又冇車牌 三日兩夜去唔到遠 都係喺那霸附近
結果變咗行街食嘢之旅
半個幾鐘已經入咗境拎埋行李
一入境就已經有一盤盤蘭花
過咗呢度門 就係首里城復興応援広場
咁啱呢日有個歌手喺度彈三線唱民謠 坐低聽咗一陣先走
周圍都係蘭花
當地嘅vtuber
四圍都有仆街芒
沖繩目前唯一嘅鐵路 ゆいレール
因為實質上留得兩日 一張48個鐘pass已經滿足到交通需求
酒店喺美栄橋行8~10分鐘左右 15~20分鐘到國際通
而家放低個行李先
附近行極都好似冇嘢開咁 唔通疫情執曬
之後夜晚返嚟先知係夜繽紛酒吧區
不過上到房又聽唔到下面嘈
終於搵到間食牛扒嘅
算幾好食 好juicy多汁
街上面好易見大紅花
花 全部都係花
之後嚟咗附近嘅波上宮
求得小吉
拜完神就搵路上天橋影相
呢條龍柱唔記得邊個中國城市送過嚟沖繩
仲有啲時間先checkin
去埋附近嘅対馬丸記念館
記念二戰疏散千幾個細路同平民去本土途中 被擊沉嘅対馬丸
Day 1 待續
蘿莉島
正呀
威望 +3
richer than richard
威望+3
fk又去
Day 1 續
Check In
今次住呢間係Premium Double Room
大間啲同多一張按摩椅
呢間酒店有大浴場
舟車勞頓完整頓一輪
去浴場浸一浸之後瞓咗一陣先再出街
Dinner去咗呢間魚屋直営食堂 魚まる 食魚生飯
赤嶺站落車行十分鐘左右
而家發現冇影到相所以係偷圖嘅
海鮮丼DX 記得好似二千五百幾yen
加¥50轉醋飯
鋪到滿曬 又新鮮冇雪味 真心大滿足
要講嘅話魚生冇香港嗰啲咁肥嘅 不過咁嘅價錢冇得挑剔啦
之後去咗
iias沖縄豊崎入面嘅DMMかりゆし水族館
搭沖繩巴士去 短啲路線架巴士delay到無咗影
上咗另外嗰架路線上兜完大圈去咗個resort先去呢個商場 坐多三四個字
變咗食飽飯遊車河
唔知點解近車站嗰個係出口 兜咗個圈先搵到入口
俾人喺大水槽上面行 幾過癮
另外呢邊俾人摸下啲海洋生物
又另外一邊廳有啲動物睇下
睇返原來係餵食區 日頭嚟先有得餵動物
之後落一層
珊瑚魚
花園鰻
出口位都有一池金魚
細細地嘅水族館 行曬影下相放鬆下九個字到一個鐘左右啦
出返嚟行咗商場一陣就搭巴士返赤嶺站
之後去咗小禄站嘅 Aeon那霸
買下衫 行下¥100店 仲有間village vanguard
最緊要係開到10點定11點 落雨好去處
行到夠皮返酒店
樓下啲bar都多人拉客 唔理就得
Family Mart 買埋宵夜咁就一日
Day 1 完
Day 2
標準嘅酒店自助早餐
朝早去おもろまち 呢邊係沖繩新都心 啲樓都相對上高啲
沿住中間個公園一路行
去到呢座好似碉堡咁嘅就係沖繩縣立博物館・美術館
睇返原來係用沖繩嘅城做設計原型
我淨係去咗博物館嗰邊
入面自然 歷史 文化都有得睇
仲有做緊倭寇特別展
外面都有啲當地傳統民居睇吓
行完博物館去咗附近間電器鋪買咗隻ANC earphone
之後嚟咗郵局寄postcard
之前嚟咗縣廳前去國際通
上咗animate 咁啱有holo x
仲有個パトラ立牌
然後繼續沿路行搵飯食 原來已經行街行到兩點幾三點都未食lunch
Day 2 待續
Day 2 續
行行下又大雨 見到呢間食沖繩料理嘢就入咗去喇
一場嚟到冇理由唔試當地菜
(冇影到門口 又係上網偷圖)
兩點四入去就同我講話 兩點半last order 三點午市完 o唔ok
ok就埋位坐
平板落單
咋咋淋叫咗個lunch set乜都有嘅先
一開始唔知 跪咗喺度坐 店員提返我枱下面有個窿放腳
(偷圖)
裝修幾靚 後面又有流水 好好feel
我唔係好飲酒所以冇叫泡盛
咁多款嘢食 最鐘意中間個ゴーヤチャンプルー 沖繩苦瓜雜炒
本身都唔食苦瓜 但係食落一啲都唔苦 仲要甘甘地 超好食
食飽俾錢之時 忽然聽到外面有樂聲
原來外面有marching band 啱啱表演完操走
咁就跟住佢哋一齊行返去街頭
之後又返咗去酒店放低啲嘢同休息
傍晚嘅行程同噚日差唔多
又係去赤嶺食海鮮行街 之後去小祿aeon
原來呢個碑嗰站外面 噚日冇影到
今日就叫咗鰻魚飯同中size魚生船
我記得都係around二百港紙左右
一樣正
食飽就去咗沿路嘅マンガ倉庫 那覇店
好大間好似乜都有啲咁
好大嘅啤牙
ham sup卡通公仔
主席
去埋aeon買嘢之後 又去咗國際通donki買手信
今日成晚都係買買買
又中bug屎 up唔到圖
所以出住咁多先
Day 2 待續
Day 2 再續
酒店樓下真係夜繽紛 入夜先越光猛
酒店lift 口有枕頭bar 軟硬高低自己揀
兩日瘋狂買買買 塞爆20kg
呢兩隻鯨鯊係喺國際通抽嘅
有一間美ら海水族館嘅紀念品店 ¥1000一次
一條係3奬一條係5獎 抽中再大啲真係唔知點拎返香港
鐵三角ANC 呢幾次坐飛機都靠佢
都算幾多holo嘢買
執好晒喼準備聽日走了
Day 2完
夜空メル
Day 3
1200機食完早餐沖個身就要check out去機場喇
其實機場都唔係好夠時間行
只係喺御果子御殿買多咗啲嘢返香港
呢邊個廣場又係四周圍都仆街芒
Checkin就火滾 前面一group六七個人全部拆散逐個去霸曬所有counter搞一大輪
又唔係唔知那霸安檢得兩個 排隊排到on99
搞掂呢班唔知做乜嘅柒頭皮 地勤即刻加速放曬啲人去排安檢
12點飛我11點3先入到去禁區
去完廁所 淨係行到喺閘口隔離嘅兩間duty free就要上機
四圍都係蘭花
走呢日最好天
睇吓幾時再嚟沖繩真係出海 同埋去埋美ら海水族館睇鯨鯊
Day 3 完
~段估沖繩快閃遊記 完~
我想要虎鯨
正呀
威望 +3
小心海嘯
津波