[不定期更新] 山口縣Hae遊

早幾年PLAN嘅山口縣之旅，今日卒之成行

福岡落左機就快快手去左北九州市

原因只係因為慳左交通時間

所以今日得呢個圖

酒店附近嘅街

行過一兩條巷先到，好多無料案內所

我驚嗰道影相會俾極道打鑊

之後記得就再UPDATE

Openrice有得book餐廳

依家先食完7仔野當晚餐

一個人去餐廳食有啲尷尬。。

去得玩對自己好啲，食得正式啲。

對自己要食好啲,最多幫你係六本目book高級晚餐,幫你發板.

郊登有愛

有冇組

無

得百恵

長州藩

啱，雖然東城同近江解散咗，福岡呢邊係要小心啲

我快閃旅行都只係去過小倉同埋門司

我最後兩日會再去小倉

今天行程不太豐富

無情情酒店個鬧鐘勁早響

所以我就早左起身坐車去第一個正式目的地

長門市

但天氣不似預期

然後第一個擔心嘅問題都無咩事發生

因為話上年豪雨嘅關係

佢重修復緊啲電車路，於是我就要坐接駁BUS

由厚狭去長門市

好在帶部單車都上到

一早上車大部份都係學生坐去美祢市

我影相嗰道已經差唔多到長門湯本温泉（長門市南少少，之後應該會去一去）

到站。。。。

成條街都無人

果然唔係大城市嘅 “市” 都係咁

然後太早嘅關係。。。。早到酒店reception都無人。。。有個阿姐話15點先可以CHECK IN。。（我Googoo translate問佢嘅。。）

咁所以我就唯有放低個單車，再出發去觀光一下啦

第一站係道の駅センザキッチン （喺仙崎，長門市駅東北少少，行都可以到，不過我坐左小巴，得我一個客。。。）

呢間野係其中一個我見到比較多人嘅地方

［另外兩個係Youme Mart 南仙崎 (24小時超市）

同フジ長門 (街坊商場，即係得一兩三層有超市有啲衫褲電器賣嗰啲）］

然後去左食個好HAE嘅雞白湯拉麵 （太HAE，無影相）

食完就去左游船河 （青海島観光汽船）

今日係赤瀨コース （50分鐘）

（佢睇情況同季節會有唔同航線同價錢。。。今日呢個普通左啲，好睇嗰啲會穿過啲海蝕洞）

咁其實就幾大風嘅，去到最尾，突然間部船就好拋

都有啲擔心沉船

依家我就重FING FING地。。。

長門市DAY 2

玩命咁去左 萩市

單車上上落落Elevation Gain加埋700m

攰到人都癲左

差唔多到萩市

去左睇啲城下町咁

睇左陣就回程了

因為驚天黑返唔切去

嗰邊啲郊區無燈

市內都勁暗

所以快快手走馬看燈咁就回程了

中途去左一個道の駅

さんさん三見

食左個HAE 海景LUNCH

同一個好正嘅酥皮 鯛焼き

然後踩到仆晒街咁返去酒店訓左3個鐘晏覺

之後去左搵野食

咁一入去個餐廳都算FULL

佢地叫左我坐BAR檯

咁隔離就有個樣子OK的日本女子

開頭可能佢覺得我唔識日文（咁我又真係唔識聽，睇嘅話都勉強明）

就日文加少少英文問我明唔明

咁咪同佢講我睇個餐單OK嘅

不過聽就唔識

然後佢（同我）就用翻譯APP同我傾左陣計了

（又俾日本妹撩，一定會俾人話我MK）

然後DAY3

因為，day2太攰

所以我就決定今日唔踩車了

唔踩車咁去邊，就梗係再去遠少少

就係去秋芳洞

（下面個POSTER只係參考用，因為我10號已經唔係喺呢頭，但係POSTER我係入口附近影嘅）

咁一早得6度（refresh rate問題影唔到）

坐左個幾鐘巴士就到（尾站，可以訓）

入口位就無影相

但拍左片

入面就影左少少

因為太暗。。。

有特別嘅鐘乳石佢先會打燈

咁呢道都要行幾耐嘅

都行左差唔多大半個鐘

行晒就原路走

然後就又有問題了

因為佢啲巴士時間可能預你行到好仔細（e.g.會上埋去行秋吉台）

所以原車走要等到12定14點先有車

（我9點50已經行完。。。）

咁等等下唔係辦法

然後我就諗起左大波波的好女子

（胸の大きいいい女）

咁所以就臨時改生程，去宇部市

首先因為部巴士係去新山口，所以我由新山口出發去宇部市中途就會經過一個叫常盤嘅車站

而佢附近就有個ときわ公園

而公園入面呢。。。。。

就會見到7米長嘅ロンギヌスの槍

（夜晚先有紅燈射紅佢）

咁影完就再坐巴士去宇部新川駅了

呢個站有咩特別呢

其實對普通人就無咩嘅

但你諗下，喺道等緊嘅時候，有個大波波的好女子喺後面請你食波餅係幾爽

（有拍片/錄電車埋站聲）

長門DAY3完

清你好 MK

威望 +10

長門 Day 4

長門市（及周邊）最後一日

會去一個出名嘅Landmark

元乃隅神社

途中係沿住海邊咁去

天氣又好

然後就去到目的前最大嘅障礙

上山（因為淨係拍左片，所以再CAP返出嚟）

要上圖入面左邊座山，之後再去山後面

（睇單車APP就話200米高左右）

上山嗰段2-3KM左右

大部份都係5-10% 斜度

咁上山過程就唔好提，根本踩唔到咁滯

頭幾百米踩左陣已經扯晒蝦

之後我推上去都攰攰地。

然後上完就落

係全程落

5分鐘左右就到左目的地

咁睇完呢個，就又上山又落山

再返去酒店PACK行李/單車了

途中就經過左一間海景嘅cafe

飲左個啡（幾好飲）

然後就

食左尋夜晚餐 （請出出面搵返嗰個POST睇）

DAY4完

清是咪用GoPro?

無

個高舖粒電死左

又唔想買

所以無帶，本身個頭盔有GO PRO個mount

威望上升中 +5

岩国 DAY 1

完左長門之行

就一早向岩国市進發

電車沿住海邊走（無影）

到左目的地

又係由於太早嘅關係，所以又係放左行李喺酒店就出發觀光了

第一站係去錦帯橋

（上面兩個圖都係車站附近地方影，不是錦帯橋附近）

咁呢邊嘅樣就同嵐山有啲似

不過就少人好多

環境感覺係乾淨左 （可能因為人少左）

同埋岩国見到好多外國人

我喺長門過嚟嘅時候都見到對加拿大華人母子（仔係MIX）

咁個老母就係香港移民嚟

個仔就喺岩国附近教英文

傾左陣計

個阿媽就好開心話有人同佢講廣東話

咁傾都係講移民，旅行嗰啲

咁呢個係我去錦帯橋前嘅事

講返行程

條橋幾分鐘就行完

於是就去橋左嘅另一邊睇其他野啦

其中一個展館係 岩国シロヘビの館

入面真係有白蛇嘅

咁睇完又摸完（唔係摸生嘅，佢有塊剝左嘅俾你摸）

就再去睇另一個展館

柏原美術館

咁啱呢期係戦国

入面就有啲武将嘅兜同甲冑重有啲武器咁睇下

但唔俾拍攝，所以無圖

文字我只可以講，有啲兜好得意，有兔耳兜同福耳兜，重有個好似ゲルググ頭頂一塊野咁樣嘅兜

太刀嗰啲就有幾把重要文化財睇，啲手工真係好靚嘅

咁睇完兩個，就差唔多夠鐘返酒店CHECK IN

同埋組裝返部單車，預備第日去宮島（厳島神社）

岩国 Day1完

---------------------

Day2 ＠ 岩国

尋日組裝返部單車

咁就由岩国踩去宮島口駅 (廿日市市）

來回40KM左右

大部份平路，所以唔太辛苦嘅

中間無影相

上到船就影下

咁入面就無影相喇，今日太多人，我走馬看燈咁睇完就返返去預備本日重點

去一個叫いろり山賊嘅山賊主題餐廳

由於呢間野個位比較隔涉

所以無踩車去

咁間野呢，就多數都係LOCAL先知

成個場我懷疑得我一個外國人

同埋星期日晚飯時間18點左右係要排隊嘅

（前提重要係揸車，或者JR站行上嚟先嚟到。。。得我一個JR站行上嚟。。。）

咁入去之前就要寫低食咩同自己個名先 >

然後排隊俾錢拎餐劵 >

之後再入去入面自己搵個位坐 >

交餐劵俾職員 > 職員上菜會大叫你個名

你應機 > 有野食

入面環境係特別嘅

我淨係拍左片，所以貼唔到上呢道了

有興趣就等下我返XG之後再UPLOAD 上YOUTUBE吧（其實都唔少日本人有拍片放YOUTUBE）

我食野個位隔離個長檯就放左啲炭喺道燒

（中間有啲細路喺個炭爐道取暖，個職員阿嬋又同佢傾計，感覺真係睇日劇啲山區情節咁）

我自己個位就暖暖檯，好開心

叫左四樣野食：

餃子（ 73.981/100)

山賊焼き （雞胸加翼，66.2210332/100)

一口うどん （62.3557/100)

皇牛ミニロイン （medium, 150g) (83.7994/100)

其中份牛扒係一個MINI SET嚟，包沙律同一個清酒杯SIZE嘅紅酒 （或果汁，可能果汁會大杯返）

食完，發現時間同JR班次唔吻合

唯有睇下手信先

睇睇下，見天開始黑，唯有走先

因為行返去JR段路係完全無燈嘅

咁我喺JR站等左一個鐘車。。。

返去就沖涼PACK野，預備DAY3行程

岩国 DAY2 完

山賊燒好似名古屋名物？

當年

唔係啦

山賊焼（さんぞくやき、「山賊焼き」とも表記）は、日本の鶏肉、特に鶏もも肉を用いたご当地グルメ。大きく分けて以下の2種類の料理がある。

長野県中信地方（塩尻市・松本市等）を中心に食べられる揚げ物。

山口県岩国市を始めとする各地で食べられる焼き物。

悲報

今日本身係我成個TRIP最期待嘅工場夜景遊船河

但可惜船長話太大風，所以決定取消

（因為係坐漁船，可能無觀光船咁穩定）

Sor  上次係去左松本

不過食唔到 上高地果間好早收舖

🍊🍊🐖

岩国 day3

去左広島

咁去呢道就得一個目的, 就係睇Oppenheimer

然後本身無諗住入, 但最後都入左去睇O既平和記念館

入面都係講核爆O既前世今生, 同埋當時平民O既慘況

睇完會有D 無力感, 見有D洋人個樣直情謝左

跟住發現自己去岩国O既目標已經做晒

於是見到外面又有部船去宮島

所以又去多次

咁去完就又返去酒店pack野去下個地方.

岩国Day3 完

-----------------------------------------------------

徳山 (周南) day1

又係一早坐左個幾鐘JR 去周南市　徳山駅　(市中心)

去到個車站好新好靚, 有圖書館+書店+Starfucks O既一個讀書位, 好有文學味咁

外面重有個新起O既商場/office complex (睇返係今年春季先正式開, 真係好新)

但除左呢兩樣野, 一望其他就知係好鄉下O既城市 (記憶中只係見過一個泡人, 其他外國人都無, 有都係O係7仔定LAWSON收銀 O個D)

一早都係去到酒店放低D野然後出去行

第一道要去O既係睇第二次世界大戰, 日本使用O既一個痴線武器

咁就要坐船去睇O既

上面O個個係徳山港外面O既一個複製品

船程26-44分鐘左右 (睇你坐到邊部, 佢有幾部唔同時間出發O既船)

目的地係大津島

又有另一個名

咁回天是什麼黎呢........

係日本海軍用九三式魚雷改造, 變成一個人控制O既自殺式魚雷

我去睇O既就係呢個回天記念館 (入面唔俾影相, 因為有軍人O既遺書遺照)

入面有更加詳細O既講解呢個野設計出黎O既目的同訓練方式

同埋話一般魚雷最多係0.3-0.5ton 炸藥

呢個係會帶1.5ton, 所以對大型艦船更加有效

睇完之後就穿過一條整備隧道過去訓練基地O既遺跡

唔入得 (但見俾人剪左鐵絲網...)

睇完就坐船走了 (不過D船O既班次好怪, 連當地人都唔太明....因為我問左一班應該係過去做工程O既人, 佢地都R頭話可能係呢個時間啦.....咁)

然後見到呢部船D 船員出左黎, 就問下班船返去係幾時, 佢就話呢部係了

咁就上船等左陣佢先開走...

上左去之後留意到有D奇怪野 (起碼我覺得係)

就係頭先我問野O個幾個工程人, 佢地有好特別O既距離感

3個同事, 會分開O係船O既兩邊+ 前後 (隔左3-4行) 咁坐.

到底係日本真係好尊重個人空間, 定係其他原因....咁就唔知了..

返到去就無野做, 所以去左圖書館道睇下野...

之後check in再坐左陣, 就去夜飯了

餐廳叫 Minatoe 198

野食幾好, 環境ok

咁嚴格黎講, 我成個旅程已經去晒要去O既地方

因為 徳山 day2 本身係預左去坐漁船睇周南工場夜景

點知就因為強風, 所以船長cancel左

徳山之後去返北九州市純係為左買野同Hae回氣

所以已經無特別野睇同做......

無左夜景船係有D遺憾, 唯有等下次有無機會再book去睇

人呢

邊有

有