我要幫美斯講好話

過咗幾日沉殿, 再睇埋今日日本場波(睇咗最尾嗰廿幾分鐘+12碼), 有啲新睇法

本身我就覺得講咩合約有冇寫明幾多分鐘, 講咩畀唔畀夠錢係離晒題

而過埋今日, 好明顯講咩傷患點點點, 合約有寫帶傷唔駛出賽點點點都係多餘

另一個post我都提到, 呢支就係球星美斯隊, 冇佢就唔會巡迴世界開足球版演唱會

係人都知入場就係睇佢, 球會唔會傻到帶美斯落機睇完波就下一站

球會都係做生意, 要講商譽, 要講形象, 如果你畀到個signal人哋美斯係唔會落場, 人哋一係就唔同你做生意, 一係就加條款約束你, 講到尾就係煩到自己

但係香港呢單好明顯佢哋願意(或者球會就係唔情願都無可奈何畀美斯話事)放棄形象, 放任畀全世界傳媒鬧一餐都要落香港面

而且一做就做全套, 由落機開始到完場扭過晒班官就唔駛再講, 連落場hea兩分鐘交吓功課都唔做, 蘇亞雷斯做埋假動作(熱身), 美斯連衫連鞋都唔換, 擺明要過香港一棟

做到有咁衰得咁衰, 真係明知會罵聲不斷都要做到盡, btw如果唔係香港有生命危險都似

諗到呢度, 我唯有支持佢

同時我當然亦都好同情畀咗錢嘅球迷, 同埋希望佢哋回到水

最後帶個頭盔

都唔能夠排除其實只係美斯同港方喺洽商過程產生咗個人恩怨嘅問題嘅

柒出國際

咁國際普遍都係鬧美斯同Miami嘅, 始終要拉上香港政治個問題就好複雜好遙遠好難消化, 同埋外人角度只會係陰謀論

呢件事要講柒都係Miami柒咗, 而我呢個post就係講佢願意喺全世界面前用柒去換取奚落香港呢個成果

如果有西媒再打聽報導件事就好囉!