日台BL記綠

- 奇蹟

好耐冇睇台灣BL 呢套竟然咁高質

每集都有台腐BL CP客串

主CP有chemistry又靚仔

艾迪 is a mood啲衫靚到

同埋睇親佢同陳毅劇情果時個燈光靚10倍

除左打戲好假同劇情快過火箭之外都唔錯

- 體感預報

難得有高質日腐好日式style既故事

邊緣人同學霸相愛（但又唔講比對方知） 睇睇下好似美しい彼

導演編劇都做得好好 （相比起某啲low bud日腐呢套真係好睇好多）

睇到第7集應該就黎完 希望結尾都keep住個quality

兩套我都排咗會睇

奇蹟琴日唔小心開左第8集

點知原來係偷跑 第9集要等2星期

點捱

2個禮拜

不斷重睇捱咗嗰14日年佢

等緊奇蹟新一集既同時趁打風終於睇左那一天

話說一直覺得黃雋智唔靚仔 但笑起上黎又OK 同埋劇封面個樣靚仔過真人

演技唔錯覺得呢度既宋偉恩好戲過奇蹟演張騰少尷尬

那一天有成20集咁長篇幅所以可以好詳細咁寫感情線

佢地兩個點樣由一開始對立到項豪延狂追于希顧最後終於一齊

于希顧告白個幕好感動

有幾個scene都跟住佢地眼濕濕

基本上後半都係虐 屋企人反對 但中間夾啲拍拖sweet moment中和下

但最尾個BE真係

HIStory3真係呢個系列高峰

4 開始就冇眼睇

圈套太耐之前睇（應該係我頭幾套睇既BL劇）所以都比較唔到邊套好啲

但係我鐘意圈套啲歌多啲

睇完體感預報

好甜成套劇

頂我都手痕開咗奇蹟

原來仲有2集先完

奇蹟真係近年高質台BL

原來本身呢個故都係history 3但最尾冇拍到

佢兩個好似紅左IG勁多人follow

睇埋越界 終於補完history123

一個短短既故事

夏宇豪個角色寫得好好 點樣逐步鍾意左邱子軒

網前個kiss好經典

副CP就少尷其中有個啲演技好唔掂

好彩佢地其實冇乜screen time

同埋又玩stepbro線老老豆豆有啲cringe

history系列硬傷都係集數太短 得8集20分鐘

個故本身應該可以最少拍10集1個鐘

感覺開左好多條線但收唔返

加埋有排球背景 又話要一齊攞冠軍又盛 我仲以為會有多啲打波劇情

同隊友爭主攻位 對面隊雙胞胎 邱子軒個排球夢

都有好多條線可以講

依家時間所限淨係打左一場友賽

搞到個排球setting有啲多餘 好可惜

絕對佔領

你問我我都唔知睇左啲咩但輕輕鬆鬆笑下派下糖就睇完一集

如果套劇係講日文我會以為係漫改

總經理唔夠靚仔 秘書仔靚仔啲但成日擘大眼扮弱智

最後兩集on9仔人設冇左 突然成熟左 睇到笑出聲

好啦呢套真係唔應該用腦睇

奇蹟

拖左好耐終於睇晒！！

前半段講白范故事為主

後半段就陳艾完全搶晒戲

戲外好似陳艾仲多人討論過主CP

姜典演技真係好好 完全表現到晒艾迪既心情

後面陳毅追艾迪既劇情又瘋狂錫錫 睇到姨姨不行了

呢套劇勁多客串幾乎全部台腐CP都出晒 係時候開出黎再煲返

我都係後半段鍾意副CP多啲

真係好多驚喜客串

one room angel

一個30歲渾渾噩噩既呀叔 突然遇到天使而人生發生改變

幸紀生命出現左對自己重要既人 慢慢搵到生存既意義

其實呢套劇有少少舞台劇feel

場景大部分都係果間乜都冇既白色四面牆房仔

劇情就係兩個人係房入面既相處

上杉柊平演技太好啦

完全演譯到中年大叔頹廢感

就算個故事setting咁天馬行空 一路睇都keep住投入感

最尾幸紀發現天使真係存在過個下痛哭 睇到同佢一齊心痛

天使睇得出演戲經驗比較淺 但同大叔對戲都唔會太尷尬

同學仔A君短短幾幕都做得幾好 睇黎之後有機會繼續拍

呢個檔越做越好 支持

情色小說家/靛藍色的心情/劇場版

想睇好耐終於一口氣睇晒

總結 財叔好正

竹財輝之助演活左小說家呢個角色

舉手投足(加埋把聲)都好有魅力

有種脆弱美人既美感

如劇名NC畫面呢啲一定有

但冇諗過連讀佢小說劇情個時都有畫面lol

有次ff自己個大學friend做小說主角 睇到笑左

覺得老師同編輯CP感重好多

無論劇情定演技上編輯線都吸引啲

佢地兩個點樣相識慢慢變成互相依賴

編輯明明拗彎左又唔認既掙扎

都最後都係決定做返「平常人」結婚生仔

佢兩個CP感強烈到劇場版編輯得幾幕出場都搶晒戲

可惜靛藍色的心情既設定係前傳 故事注定兩個最後係唔會一齊

呢套真心唔錯

但為咗木島幸福 真係久住先俾到佢

鬼束千尋嘅主題曲 插曲都超好聽

正負之間

正副CP個樣都係我杯茶

正CP可愛靚仔副CP文青風長髮

鄭大狀成日襯飲醉就錫人 醒左就係度兄弟兄弟 勁仆街

傅生又真係鍾意人十年由得佢係度玩弄自己感情

但係最後認清心意一齊都係sweet既

副CP演技差少少 啲對白又勁文青咁 有時少尷尬要努力磨練下

然後見好多人傳鄭傅CP真人一齊左

睇劇外互動係sweet既 但台腐營業咁猖狂

當事人唔清楚咁證實我係唔會信既

我的牙想你

台灣啲牙醫咁得閒返工成日幾個鐘唔洗睇症得閒去溝仔

劇情係咪有啲老土一個就細個既心理陰影成日發作 另一個就呀爸反對佢地一齊又打又跪

但一開始各自對對方又愛又恨既tension演釋得好好

係街行個段一鏡到底好正

副CP都算幾襯

但佢地係完全冇screen time既

年下攻設定幾好呀

一個講pink lady另一個答gin tonic笑左

周予天演技...可能冇乜對白都係好事黎

無邪

難得既精神病題材

因為細個既創傷而有分裂人格既人

遇到一個肯理解同愛自己既人

因為愛而慢慢走出傷痛得到幸福

全劇得4集20分鐘但個plot其實可以拍做full length劇

不過應該係唔夠budget

以一個咁短篇幅黎講算係講晒所有重要野

副CP得一個scene係做乜鳩?其實咁少時間可以唔洗有多一個pair lol

傳緊真 唔係化

不過唔多信 台灣有營業期

過多排仲有交集先算

台灣營業起上嚟可以好癲

喺Twitter見到唔知邊對

直接喺綜藝節目kiss埋

好似好興官方宣傳活動個時kiss?

只可以講好敬業

BLドラマの主演になりました

久違的尖叫之作

漫畫浮誇喜劇風格 但年尾就係要睇呢啲輕鬆搞笑既劇

攻扮cool掩飾實際係受死忠既反應 加埋佢啲內心OS太好笑

受眼仔碌碌勁得意

經理人條線都好正

一路睇個反應同導演姨母一樣 都係嘩嘩嘩嘩咁樣

我好興奮呀.jpg

His──我沒想過會墜入情網

電影版幾年前已經睇左 但最近先知有電視劇前傳

講返兩個主角高中時期既相遇

話說不嬲都幾鍾意今泉力哉啲戲 又想睇下倉悠貴 所以開呢套劇之前都有啲期待

故事地點又係江之島 但今次唔係夏天而係乍暖還寒既春假

青澀既學生哥愛情（加埋青澀既演技） 又意外地幾啱feel

成套劇個feel都係平平淡淡 中間交錯幾位主角各自暗戀既心思

有幾個scene都幾鍾意

渚偷偷聞迅頭髮

一齊抹窗果時渚透過霧氣睇對面既迅

同埋最後告白「我從第一次見你就喜歡你了 我和你相反 相處越久越喜歡你」

頭四集都好有餘韻 但最後一集好似趕收工咁 好似無啦啦跳起BBQ咁就完左

同埋劇情主要講渚點解鐘意迅

但冇乜點描寫迅個角度 搞到好似miss左啲野咁 （定係草川直彌太屎戲睇唔出lollll）

然後睇完劇再諗返電影版既感想係 渚好似人設崩壞

高中版同成年版既演員個氣質都好似 點樣可以做到咁似

Seven Days/星期戀人

一開始冇諗過會睇啲咁舊既戲

始終BL都係呢幾年先多人拍 年代太久遠既質素有啲擔心

但見呢套好多人都推所以開左 睇完係冇失望既

師兄無論人設同個外表都真係好cute

完全唔明咁呆萌點解冇人要 冇人要我要

師弟個造型...只能講我get唔到lol 邊度黎咁多人追

雖然故事個時間線得7日 但雙方個感情推進拍得好好好

keep住有好多心動既scene

互相試探對方 愈黎愈鍾意但又唔敢告白 果種feel真係好正

如果佢地一早講清楚就一齊啦

睇到最後一日以為真係玩完 又要出N年後先埋到尾

但好彩唔係 最後都係sweet sweet ending

唔好既位係

- 髮型習慣就好

- 可能太耐之前既戲 冇source睇所以睇到下半part變左144p

- kiss scene冇真係kiss到lol 同埋係最冇演技個part太可惜了

overall係一套之後有機會再開返黎睇既戲特別前篇 真係睇到心跳加速

只想永遠注視你一人

繼續睇倉悠貴

同his比只係過左幾年 演技就進步左好多 好驚人

但呢套個造型搞唔掂明明平時兩個都靚仔

水澤林太郎個髮線高到呢

好可愛既一套文藝風小品

夏天高中生既戀愛

好朋友變成戀人 唔係咩轟烈既戀愛而係平平淡淡既幸福

係暑假之前每日同你做一件你鍾意既事

好鍾意第三集去露營

四個人玩詞語接龍個時趁機表達自己既心意

圍埋講鬼故但個個都借啲依曬恩愛

係營火前表白

除左主CP 同學同老師個兩pair都好可愛

一路睇既感想就係 啊好青春

呢套真係睇得好開心

呢段笑到仆街

perfect propose

我睇左啲乜野成套劇冇劇情架喎

一路睇一路長期出戲狀態

社畜受太廢一早就應該要離開間垃圾公司 呢條線拖足咁多集

然後攻個look太MK直男 黑衫黑褲highlight頭加閪面扮cool真係搞唔掂

第二次戀愛才完美

第一集好睇年上演技唔錯 帶動到2個人之間個張力出黎

導演係拍愛在記憶凍結時果個

期待～

啱啱遞信無耐睇呢套劇竟然有共鳴

覺得自己好可悲

恭喜晒

唔洗o咁多t即係又多啲時間睇劇

This post is gay

This post is GREAT

呢套真係近期最好睇

loop完套劇又可以loop埋首ED

around 1/4

唔是BL劇但其中一條線係BL

篇幅極少 唔想睇BG線可能睇cut好過

（利申睇晒 其實還好 不過男女主唔靚好似嚇走左好多人

同埋呢啲開頭勁大尺度既深夜劇 最後都係超純情走向 然後探討咩係愛情之類

一開套劇就估中左）

講返BL線 因為篇幅短有好多留白既位 反而成個故事好有餘韻

有佢地兩個既scene chemistry都好強

阿久津仁愛真係好正 今次算係做攻 但依然係好charm

--劇透--

雖然BG群像戲既BL線結局99%都係BE

但點解條條線都HE得直己要孤單一個

你兩個做咩唔搵對方明明知對方住邊 聯絡對方有幾難！！

第4集

好癲 好撚正呀！！！

以為第3集已經夠好睇點知第4集再超越左

好耐冇試過on檔追得咁貼咁睇再瘋狂loop到下個禮拜播新一集

（上次咁癲應該係美麗的他）

今集係miyata表演時間

講佢點樣認清自己心意接受senpai

Miyata傲驕好正一邊鍾意到出晒面一邊係咁講「我唔會同你一齊架」

笑死 唔好再呃自己好冇

Iwanaga puppy eyes 個幕睇到心臟停頓

NC scene唔算好露(? 但好香艷

臨尾kiss前個對望氣氛一流 好似中學puppy love feel咁

導演功力深厚

以為已經post左添

第5 6集對比1-4集有啲失色

真係好可惜第1-4集本身係神劇lv

最後兩集先講師兄身世太趕了

內容太多冇左好多火花同笑位

同埋係都要臨尾分開下 去到最尾再復合睇完第5集心諗

但大結局去返鄉下 兩個重聚細個去既河邊同車站 做返一樣既野 講細個講過既對白

sweet到呢不反了

劇外真人都有糖食

robin去睇makoto隊野concert 然後話自己係去睇男朋友出show

仲成功係大合照搵得返自己 真心cls

開新劇睇

25時赤坂見

又係拍bl劇假戲真做 不過我鍾意

今次冇BL劇主演咁歡樂向 似係成人版?

然後明星仔又係以前就暗戀人...淨係講過一次野都記得對方

故事發展大致估到 係睇之後點樣推進

so far第一集是唔錯的

有他的生活

青梅竹馬大個重遇既故事

其中有個主角個feel好似singto一路睇一路出戲

睇落好似進度幾快 唔會拖到最後一集先表白

暫時都會追落去

但唔知點解畫面啲色怪怪地

打燈定調色出左事拍到兩個主角黑黑灰灰咁

About Youth/默默的我，不默默的我們

首先唔get個劇名係點解但應該係成套劇最大記憶點

劇情好似有好多但實際係無既

每條線都係開左少少就爛尾

劇情同對白都好跳脫

兩對CP都係唔知點解就一齊左 以為自己skip左一part冇睇 R晒頭

有個隔離班搞事同學其實係做乜鳩每兩集出30秒鳩up兩句就收工

好既位係4個主角都靚仔Ray傲驕好得意

心動位都係有既

演技就無期望就無失望都睇得落去既

總結係唔洗用腦睇 8集短短地好快過

關於未知的我們

好睇 高質每集體感5分鐘

角色描寫好立體 就算配角都有血有肉

每個角色都想寫一大段感想可以寫萬字文

「我這一生的軌跡用魏謙兩個字，就能貫徹始終了」呢句勁感動

睇過幾套兄弟BL黎講呢套係唯一唔cringe既

可能同本身兩個主角根本一啲關係都冇 只係大哥執左細佬返屋企都有關

好欣賞呢套劇故事線冇極速飛到大個 而係用左好多篇幅講兩個主角成長經歷

兩個點樣互相依靠到成為對方人生不可分割既一部分

令到兄弟條感情線合理好多

幾鍾意有關黑社會既scenes 樂哥演技carry

細個打拳比賽同後段俄羅斯輪盤兩場戲都好重要

反映到兩兄弟對對方重要到連自己條命都可以唔要

樂哥真心有情有義 由始至終都冇諗住為難魏謙 兩次都放生左佢兩兄弟

最尾講我地以後唔好再見勁似分手 其實魏謙係佢最鍾意既手下

成個故事都幾沉重壓抑

但間中無預警會爆啲無厘頭笑位出黎 每次都笑左

呀妹三胖條線同埋次次醫生出場都可以準備笑

有啲位一家人既interaction都好sweet

少少唔鍾意既位係

NC scene碎上 見到有人剪返個正常時序版合理好多

tag歌tag得太密 有啲位真係唔洗起歌環境聲或者instrumental已經夠

BTW

醫生睇左N個scene之後先認到係永遠的第一名個高仕德 完全唔同樣

三胖哥睇完先知原來演員真人係韓國人啲中文咁勁 作曲填詞都掂 好癲

呢套我都追完

算係典型日系BL

麻煩嘅助攻 大家族背景

因誤會而分開 因覺悟而喺返埋一齊

首尾呼應收尾算完滿

日本拍呢啲劇情無得輸

床戲碎上我睇兩次自己拼返啲時序

仲係覺得大哥意識自己鍾意細佬嘅著墨太少

回流返嚟嘅曖昧多返少少就更好

黑社會大佬真係

同醫生傾完最後走嗰刻身影好瀟灑

我都估唔到林子閎個樣滄桑咁多 嚇一嚇

原來三胖真係韓國人

唔怪得睇時覺得韓仔Feel好強烈

我覺得其實係有show到大哥係鍾意細佬既

細佬flirt佢果時啲反應好明顯

至少由細佬去左外國之後 大哥一直都知自己係鍾意細佬

大哥個掙扎位係唔想/唔敢認鐘意細佬呢個事實

反而我覺得係大哥接受細佬個位好突然

明明係梳化同三胖傾計果陣都仲係話要考慮好多野

轉頭下一個scene同細佬行左出屋就一齊左

我認我被泰劇縱壞咗 唔夠糖尿

可能人生苦短

衝入黑社會嗰次死過返生

仲有自己又要做手術 唔擔保百分百成功

所以叮一聲諗通

25時赤坂見

同類型既故事黎講成為BL劇主演好睇好多

覺得麻水唔夠靚仔

呢套中間太拖戲 有幾集睇完個故係完全冇progress

同埋主角既火花好似差咁啲

劇情冇乜show到雙方曖昧既情感

好可惜

不過捱到最後一集都有糖食既 算係咁

有他的生活

唔小心落左flag 結果成套劇個flow勁慢

劇情就係兩個大學生日常 真心小悶 符合劇名

總結唔啱我口味