18年開始經歷無間地獄 最終煉成究極的香港人

序言

到底前世做過啲乜野，

導致今世投胎做香港人。

若然能係香港呢個無間地獄生存，

工作並達到法定退休年齡後，成功退休，

這必將為一個壯舉，其偉大程度能跟將事蹟記載入香港名人堂，即是網絡大典，此事相提並論。

非不為也，實不能也。當年佛陀割肉餵鷹，本來就係一個教化人心既故事，

但若然佢有一個香港人既上司，

恐怕會變成被上司用一種特別刁難既態度，指責為甚麼佛陀長不出肉再餵鷹。

千萬不要誤會，佛陀這故事本來就很感人，亦都做得好啱，我只係想指出，香港既工作文化係幾咁本末倒置。

做得香港人，你唔返工邊有代表性，

香港人同外國人返工好唔同，

外國人既節奏係work life balance,

香港人既節奏係 訓醒＞開工＞收工＞訓，

基本上，係無盡既返工華爾滋。

而一個盡責既香港人，愈係對得住自己身份既人，就算遇到惡劣天氣，地震天災，香港人身份所帶來要返工既決心，係唔會熄滅。

所以今次呢個短篇故事，係改編自眾合我與身邊朋友既經歷，希望日後能以傳記形式留念港人既開工歴程。

事不宜遲，即刻開始！

LM睇故

大陸新加坡個個996重癲, 低處未算低

一鍵留名

事不宜遲，即刻開始！

2018年9月15日，下午一時，隨著天文台認真審視颱風山竹對香港既威脅，正式發出未來會改掛8號既預告，飛機維修區某間大公司，正式發出防風安排，一眾工友嚴陣以待，迅速將飛機拖入有蓋基地後，把閘門牢牢緊扣，未能進入既飛機，只能泊在外面無蓋的停機位置，簡單在每隻LANDING GEAR綁住四噸鐵躉，以作應對。

其餘工作梯之類未能進入有蓋基地的，只能以粗麻繩圍邊，綑綁在鐵躉上。一切都準備就緒。

下午六時，屬於無加班既放工時間，由於飛機已經無野做，公司亦唔願意比員工白逗人工，所以全員提早放工，只留下一隊名為風隊既颱風應對小組，而呢個故事，亦都正式展開啦。

第一章 屋漏兼逢連夜雨

先簡單講解下有蓋基地同出面既劃分先，有蓋基地，俗稱為棚，合共三個，每個棚最少容納到3架大型飛機，最多能容納5架大型飛機，視乎機種以及安排而定。

三個棚並排而立，一棚要經二棚才能去三棚，步行起計全程約5至6分鐘，棚與棚之間平日有4個出入口，打風期間只會閂剩天橋既出入口，該天橋並非為密封狀態，只有兩邊欄杆以及及腰既擋風板再加個頂蓋，出面啲飛機engine run緊係感受到個陣味，大風些小上面啲人係企唔穩，而天橋位於二樓位置，意味住係比風吹走係有可能發生，天橋約三四十米長，四五個箭步就過到去。 出面唔係今次重點，唔多講啦。

風隊，基本上係應對八號風球而成立既小隊，係八號風球下，當飛機維修區有咩特別事故就要去處理。根據過往經驗，飛機唔係入左棚就係綁實曬，棚入面既，閂曬所有出入口，理論上係無咩特別野要處理；出面既，一定綁得好穩陣，由其是啲UA機，機主會親自檢查，所以都無咩特發野。唯獨是工具梯，數量太多容易漏留，大多數都綁好曬，間唔中都有一兩條梯仔飛左出去，揸架車出去執返好又係搞掂。其實係無咩野做架。

風隊係颱風下工作會獲得三倍人工，所需人數少，一隊早一隊夜，約十二名員工，所以做得風隊既，唔係接近權力既核心，就係擁有一定工作經驗同時其能力備受信任，用人話講就係，一係就老屎忽，一係就執骨。

我師兄，阿淫，佢有車牌又勤力，同啲大佬又有兩句計傾，所以成功加入到執骨既行列。

*本故事部分純屬虛構 如有雷同 實屬巧合*（戴返定頭盔先）

山竹之勁，天文台早有預告，所以十二位師兄準備係公司訓，阿淫都唔例外。

阿淫同另外三名風隊係二棚既會議室守候，以應對突發事件。冷氣太舒服既緣故，眼訓係再正常不過既事，自自然然進入左夢鄉。

呯，伴隨住呢一聲巨響既係霹靂啪嘞既雨聲，係阿淫心中，打風會落雨係再正常不過既事，而落雨行雷又好正常呀，所以無咩理會，繼續訓。

唔係喎，聽真啲，啲雨聲似係愈打愈近喎，好似仲有啲誇張喎。

呢一刻因思緒不定而醒左既阿淫終於出去睇下咩狀況啦。

「嘩屌，咩料呀！」

眼前既境像係，成個二棚既棚頂飛走左一半，兼且啲雨水湧緊入二棚到。

屌你 懷疑你用個人經歷度出嚟

今次呢個短篇故事，係改編自眾（編按：綜）合佢（原文：我）與身邊朋友既經歷

Pro [adore]

摩牙

好彩都有會然識字

有人寫咪係咁意睇下囉

阿淫面對眼前景象，便立刻叫醒他們，隊員見狀便知事態嚴重，趕快出去。

平日飛機的hydraulic hyjet油等，或多或少會污染地板，就算用乾布抹去油污，刺鼻的氣味也會殘留在地上，經過日積月累，地板所吸引的日月精華，通通一口氣爆發出來。

據事後阿淫所說，以往嗰啲，都無咁撚臭，佢係以一種澀眼，鼻涕眼水流唔停既狀態下工作。

某位隊員見狀隨即打開部分出入口，意圖先散走部分氣味。

在平日關上所有出入口時是十分有效，因為氣味散走之後便會好起來。可惜這次的情況並不適用，除了因為地板所吸收的份量，不是換一條油污喉的量可以媲美外，另一個主因是棚頂與出入口形成一個對流風，把氣味往室內推送，使刺鼻的氣味充斥於全棚，更令情況惡化，避無可避。

此時阿淫意識到另一個重要問題，到底機翼和機身所有外殼，是否密封完整。

一般來說，入得棚的飛機，會根據各自飛機公司要求，進行維修、測試或更換零件，由於hanger是室內，所以並不需要擔心零件外露，或者曝露於雨水的問題。

而且，知道將會有颱風的工友，習慣性會把外殼裝上，以防有特發意外出現。

理論上是沒有問題。

理論上，是安全無誤。

一般工友的手尾和習慣是值得信任。

問題是，七八月進入了一大批剛畢業的新入職，由於他們還未有掌握任何技術和知識，公司一般只會有一個工程師，安排他們進移除飛機外殼這些技術性較低的體力勞動。

工程師在得悉有颱風來臨，有沒有叫他們把外殼組重新裝好呢？會唔會被室內沒有日曬雨淋觀念影響，大安旨意唔裝呢？

在經過短暫商量，他們決定兵分兩路，檢查所有在地上看不到的細節位，包括機翼面，直尾面和橫尾面等。

其實有好多野我想寫細啲，但無畫面你地好難想像，單野好癲，癲到唔係我啲粗淺既文筆寫得好。

係咁架啦

你估寫小說咁易呀

你覺得你自己去到金鏞嗰個level?

你見我無再寫烏大龜小說就知應該要收手

推

平時條樓梯已經窄，再加上被雨水沾濕，濕滑既樓梯就此形成，所幸既係樓梯位置處於對流風既死角位，唔洗食風咁爬上去。

上到去，先着起具備獨立救生繩既安全帶，之後一手將一大幅綠色膠布握好，綠膠布是為左應付有未裝好外殼情況，也可以暫時封好外露部分既措施，非正式，但比起冒住危險拎panel上去裝嚟得合理。

另一隻手扶住欄杆，一邊慢慢緩步走出延伸出去的平台，一邊觀察飛機既外觀。

平時行曬三個飛機，仲要觀察外圍，大大話話都要半個鍾，今次情況咁惡劣，行左成個鍾先睇得曬。

飛機啲外殼完整，只係因為太大風，吹到成個emp郁，stabilizer掂到曬平台，要收返曬啲platfrom。

如是者，執頭執尾，前後搞左成個半鍾，先叫做處理好啲善後工作。影埋相，記錄曬成單故事，夾好口供，等啲大佬問起都識答，跟住落返去訓。

成單野搞到啲工友索曬氣，無咩野都唔會再出嚟。

第二章 屯門牛心惶惶逼巴士

本故事乃部分真事與部分虛構而成 如有雷同實屬巧合

2019年香港發生左重大事件，無論你係藍絲，黃絲，中立，中國人，香港人，南亞裔，歐洲人也好，只要你當時身處香港，就不可不選擇。

如果第一章既山竹襲來係天災，呢次事情就絕對係人禍，當一個決定做出與部分人既自身利益與安全出現矛盾，自然會引發對立。

處理得宜，可仿效宋太祖既杯酒釋兵權，一個夜晚解決未來數十年既隱憂，出力最小，成效極大。

處理不宜，就仿似何進引入奸臣董卓，面對問題只懂亂石投林，引狼入室，引發另一個問題，牽連大波，為漢朝寫下一個句號。

2019年偏偏就似後者，一個殺人犯既問題，引伸出無數劫難，無數劫難引發出更多紛爭，環環相扣，簡直好似有劇本寫好曬咁。

該年7月22日凌晨四點，阿芷凝視住電話螢幕，面有難色，反覆思量住今日香港既發展。

佢平日作為一個不理政治，只為三餐既香港勞工，對於近日新聞都不聞不問，示威浪潮不理，有輕生者徇教不理，甚或於政府官腔回應亦置之不理，只要有工作，能工作，好多野都可以充耳不聞，視而不見。

一位凡事均不聞不問，只為工作既妙齡少女，何以會在凌晨時間，思考香港既發展？

莫非係午夜夢迴，撫心自問，反省自己？

非也。

貫穿整個故事線，引發起工作狂阿芷為香港擔憂，呢件事件既開端，僅僅只係一個訊息，

由一個久沒聯絡既中學同學班群聊天室發出，

唯數不多工作以外既聯絡人，所發來既一個訊息，一個一分三十秒既語音訊息，逼使阿芷不得不面對香港呢個局勢。

「獨家消息，獨家消息！啱先元朗某個阿嫂受襲，搞到啲大哥好慶呀，聽日元朗黑社會大哥吹大雞，六點鍾會係屯西出發，誓要劈死屯門黑社會大哥呀乜哥，無咩野聽日唔好係屯門逗留啦！」

一向事不關已既阿芷，聽完後面色一沉，皆因佢住既地方就正正係屯門，而六點鍾係撞正佢放工時間，無論如何都會影響到佢。

不過，佢好快就嗤之以鼻，不相信一向生活安穩既香港，會容許黑社會如此明目張膽地公開自己既犯罪行為。

正當準備要再補眠的一𣊬間，佢心內始終有啲忐忑不安，無理由呀。空穴來風，未必無因架。

「google下啫，google完就訓。」

阿芷一邊安慰自己一邊search 相關字詞。

元朗站直播，港鐵月台車箱發生暴力事件，影片，新聞等資訊源源不絕進入眼球。

不可思議既事情真係有發生，呢個消息唔通係真既，呢度真係香港嚟既？點算好......

咁我聽日仲返唔返正好？

放半晝，呢個係勤工獎最後既底線。

不過要搵齊啲經理簽名係勁麻煩既事。

射波，sick leave保平安。

不過呢排我要爭升職，唔可以比佢寫花我份appraisal。

咁點呀，咁可以點呀，報警得唔得呀。

分分鐘比人話浪費警力添呀。

公司可以點樣幫到我呀。

look