內向令人痛苦

由細到大都唔係好鍾意講野

次次見家長都比老師話係咪有自閉症叫我睇醫生又見社工又盛

可能無其他人咁有自信咁積極同人交流

好多野好努力去學多D記多D

但最後得出黎既結果 其他人睇到我有努力有花心機 但只會覺得我努力方向錯

做唔到其他人期望咁

已經認真盡全力去做 都係得到「聽唔明人話」之類既評價

聽到人咁講我都會唔開心 覺得唔洗講到咁盡

但唔同既人都咁樣同我講 可能係有間接咁同我講我sense唔到所以要依個程度我要明掛...

真係好攰

明明我都想做到其他人要求(至少高於平均)

但唔係增加知識同技能就有用

有時都幾難受

唔覺得內向係一種錯 但如果我可以外向D可能更適合依個社會

依種感覺同人講只會比人覺得無病呻吟

惟有試下努力D演好D

完全唔明點解社會覺得內向一定就自閉

自閉就一定係有問題有病唔正常？

標題同重點錯咗

理解力同內向外向冇咩關係

雖然兩樣都係天生整定

亦可以靠努力嚟修正到你理想嘅水平

職業gamer都唔係天生就有讀心

嗰啲莫名其妙嘅讀心都係後天訓練練出嚟

除非醫生都話你唔得就當我冇講過

咦憶仔

再進一步講。即使社會覺得你有病，但你都可以當個社會／其他人發噏風

知道樓主辛苦，但樓主一定有好多人哋無嘅經歷同諗法

所以我唔會可憐，甚至唔會同情樓主

一切只係命運嘅考驗！

樓主mbti應該都係infj

我以前都係咁諗

但經過比唔同人咁講之後開始覺得可能佢地話得岩?

雖然佢地睇到覺得我某D行為點點點(可能唔夠為人著想)，

但其實我本意真係無咁既意思...

然後D人都知我唔係想咁，只能講我聽唔明人話...

做網上TEST好似INTJ/ISTJ

個PERCENTAGE差唔多

講唔care就易，但我係會care

甚至沖涼睡覺都會記住

唔係我想內向，而係內向我會舒服

但就要比人講比人問，有問題既係內向性格咩？

有冇咩例子呢？好奇一下

唔好活係別人既期望之中

我都係會記曬所有評價入心

明明內向又唔代表無用，但外向D人會欣賞好多

tbh啦 istj應該係對人極度sensitive 段估唔係啦

intj 同infj 都係以introverted intuition為主 我當我自己估啱啦

introverted intuition思考來自於同現實生活嘅掙扎

一日覺得唔駛煩 果日開始你就停止思考 雖生猶死

不過我都係拋下書包 再結合下我自己infj嘅經歷9up下

前排去左做算係服務業/零售業既工

所有產品資料/程序/文件野我基本熟過本身係到做緊既同事

但每次考試(HR扮客)都比人問候/Serve客又做得唔好 營業額塾底

佢地見到我有用心想做好

但話如果淨係要詳盡資料咁D人自己上網搵都得 唔洗搵你講

話我唔識睇人心諗咩再同佢吹水 出曬D正確但唔岩用既資料都無用

一開頭入職個陣上司甚至直接講覺得我能力可以做其他工好D，唔洗係到做

再之後有時甚至係feel到比人嫌棄 開始直接比人話kam/唔識聽人話

我都唔想架...

性格內向唔緊要，依啲嘢天生嘅，唔愛講嘢唔愛交流都唔係錯事，只要唔好有自私傾向就得

亦都唔駛太過在意人地點睇自己，因為你冇可能完全符合晒依家依個價值觀已經變得扭曲晒嘅社會風氣

係個社會風氣削弱咗你嘅個人自由意志，你做好你自己問心無愧就可以

因為內向唔出聲比人感覺難捉摸唔知你點諗

相反外向仔興趣習性大大小小會同人分享所以啲人都鍾意同外向仔玩

但唔代表靜=自閉，內向=有問題喎

我覺得社交攰，我鍾意自己諗下野唔鳩得

一定要同人傾啲我唔想知既野就叫正常

同意上面講係2個問題

內向嘅問題，唔洗理啲人up乜，內向係好正常，佢笑你係佢地on9同心地唔好

理解力嘅問題，試下問清楚人地想你做乜先，唔問清楚好易做錯方向，問多幾次好快人地一句你就get 到

你無某啲skills唔等於你廢，你會勁係其他地方

人愈大愈內向好正常

知道天外有天，就自然會有自尊意識，

唔想同屋村師奶阿伯呢類指點天下嘅麻瓜相提並論

內向化係一種成長過程

尤其是自己經歷過行Mount Stupid後跌番落地，

就自然會好好部署自己行番Plateau of Sustainability

樓主要做嘅野好簡單，就係搵自己專長然後慢慢進階

例如自己熟introspection嘅話，可以練下寫blog

樓主最大問題係generic skills唔夠

不如自己審視下自己soft skills 定hard skills出事

正如一個專業社工自身係ESFJ經常出口傷人就係inept

做得J就即係做判斷多過自己盲目接收資訊

要搵solumate一定係搵P

自己係N就搵番一隻S，T就搵F，vice cersa

ENFP同ISTJ通常就係INFJ嘅對手（foe）

前兩者心理功能同後者恰好調轉哂方向或模式

ENFP dominant extraverted intuition

ISTJ dominant introverted sensing

心理功能互相顛倒，同水溝油無分別

ISTJ應該搵嘅學習對象係ENFP 呢類 companion

正如我係ENFJ都同ISTP特別好傾

Vice versa*

BTW, 女人經會埋強人堆，對象性別異同亦如是觀

正如你識睇相就會有大把女人走嚟同你Exchange

機會是自己爭取，世上不存在屎坑雞口中啲懷才不遇

女人總*會埋強人堆

如果樓主好介意別人嘅評價，

我諗佢同我面骨都係差唔多，

一係顴骨不外露，一係顴骨生得高

後者顴骨微露則掌權，前者易得罪人或離婚

講到呢度，樓主大概會知道餘生條路點行

天生每個人生都有長短處，所以唔洗太過介意。重點係你有冇心去做。

有問題可以搵個方法去解決。

有啲大型福利機構好似明愛之類，記得好似有啲人際溝通技巧嘅課程，試試八下揾下去上個堂。

btw 你可能因為緊張所以 get 錯意思。

如果覺得緊張時可以試下慢慢深呼吸， 咁個人就會放鬆啲，跟住就慢慢聽慢慢講。

之後自己再去諗諗請楚人哋講咗啲乜，唔明就問多一次。

Gooder都可以參考下

係唔緊要嘅，但內向嘅人，係呢個社會氣氛下，一定唔會攀得上社會上層。

成功人士要素：自信，presentable，善於交際

利申：test過性格 90% introvert

內向型 好多都智慧卓越

根據MBTI邏輯，

Extraverted Feeling = Introverted Thinking

Extraverted Thinking = Introverted Feeling

Extraverted Sensing = Introverted Intuitive

Extraverted Intuitive = Introverted Sensing

以上八大心理功能所有人都會用到

就咁用內向同外向去一維度概括人格，有違辯證精神

What a crap

改變唔到人咪改變自己

可能依個先係問題 - 點解你introvert去做零售呢?

大致明白你啲同事嫌你啲咩

你努力錯方向，客唔需要一本說明書同佢講野，佢地需要一個能夠回應客戶需求既叮噹

好難搞

個情況係你有能力但強項唔喺呢行

講白啲就係你幫到手嘅部份唔係賺到錢嗰部份

最後你跑唔靚條數結果俾人嫌棄

騎牛搵馬應該係唯一出路

或者有時間可以再去進修下

睇你仲想唔想再做呢行嚟決定讀啲咩

待客嗰啲唔係咁容易要面皮幾厚先搞得掂

10000% agger

做啲唔洗咁多同一人交流既工你會開心好多

因為諗住對賣個類野比較熟悉

(然後發現好多亂up既同事...)

好似識既野要用到都要搭d對人

另外有諗住去琴行教野

但一黎唔識由頭教個人(仲要因應性格喜好能力施教)

二黎我驚我激死然後摙死d細路仔上頭板(講笑)

想試下但好似已經見到結局

part time開始教先囉

同意 x2

教你啦，如果你仲想撈既

首先你要知個客需要乜野

再用啲比較有趣既講法去說明

再井多小小其他資訊，如果個客好

禁快左小小

如果個客有興趣 你可以試下比個折佢

例如 你好呀請問你係咪想揀遊戲機？你係鍾意玩開咩類型既遊戲呢？H game係咪？我建議可以買PS5，佢睇H圖特別清晰因為係支持4K架，如果你有興趣的話我可以井多小小同比個折頭你架，我屋企都有部一定唔會後悔

之後就買左了

利申冇做過呢行

喜好熟客先有用

陌生客問佢買俾人定買俾自己

如果嗰啲人識貨會自己搞掂

如果唔識自然會隨住你問佢跟住問返你

買俾人嗰啲你先俾建議佢例如邊啲受歡迎

或者根據佢講嘅對象嚟介紹

本身佢有嘢想買就唔需要太多嗲