【日文】想做個簡單統計

呢度幾多人N1舉手或者指佢出黎

今日終於考咗, 一直諗住唔考都冇所謂, 但係有次畀hunter問起點解你覺得自己有N1程度又唔考N1, 覺得唔甘心所以今日去咗

如果肥咗就好笑

其實都等咗好耐

唔駛安心上路都考到試

你唔係好多年前已經考咗咩？

我記得幾年前你喺舊膠登話過考咗，定係我記錯

淨係考過N2

好似冇講過考N1定係我報大咗數

搵返張紙, 原來都9年前考136/180分

N1肺炎冇考到

所以咪等到而家先考

我唔得閒考

N87

無考過

唔知自己去到咩水平所以就一路無考

我當初考N2係喺官網試完例題就報名

本來諗住考N3, 點知試做N2都啱到八成, 所以一黎就去咗考N2

想試真啲咪做佢成份例題

無錢無時間

其實程度一早過咗N1嗰個位

N1放落歐盟制都係去到C1左右

試又準備過，係冇入到場考

又唔係要拎黎搵野做

都冇乜必要去考

N1只係入門, 唔係要黎搵工又真係證明唔到自己程度

而係教科書入面嘅嘢基本上唔會夠用

學學下就自然會多過考試範圍

例如標準語入面唔會教你方言

但你會同人交流嘅時候就會學到好多課本個框框唔住嘅嘢

呢啲嘢亦都冇得用考試去量化

咁咩語言都冇可能淨係跟課本跟syllabus學嘅

當然知識係廣過考試範圍, 但係都唔代表考試範圍嘅嘢都識晒

如果語言能力同日本人同等嘅人應該唔難拎170分以上, 我就肯定自己拎唔到咁高

如果有心機我想試吓2級漢檢, 不過而家未有心機住

我而家應該低級都未得

日文語言試另外仲有個business 級嘅試

會考埋口語

另外最難考嘅係日本語教育能力検定試験

每年得十幾％人考過

有興趣可以研究下

另外香港教日文冇肉食

啲日本仔過來香港教好多都係賤價俾人賣豬仔

去日本教廣東話

郊登勁多人識日文

都好難搵到人想學廣東話

香港又冇晒文化輸出, 以前都話有少部分人鐘意港產片

而家啲人接觸香港機會就係得資訊節目同bad news, 更加唔好話接觸廣東話

以前連動畫都成日有香港, 而家真係冇乜

Elon Mask都講日文啦

Elon Musk

n年前裸考拎過N2 cert

冇乜特別工作或者留學需要所以冇考上去

日本frd話我去考N1一定pass到但係我覺得N1考嘅內容同我平時上網同埋同日本frd傾偈用嘅日文好唔同，裸考我都冇乜信心

自學開唔係跟正規課程，學得冇系統，所以有啲人哋認為好基本嘅嘢我未必會識，有啲冇乜人識嘅嘢我又唔知點解會識

都係視乎自己平時見／聽到咩日文多，如果見／聽唔到就冇機會學，所以好睇自己平時接觸開邊一範嘅日本文化圈

以前我都有過你呢種諗法, 差唔多一模一樣

考完之後我嘅經驗係

考唔考到N1視乎你平時接觸幾多層面嘅日文, 但係真係日常程度就夠, 好似我咁, 最主要來源都只係動畫/漫畫/遊戲/少量小說/少量新聞/聲優radio/youtube/Vtuber/twitter/5ch etc., 全部都係鐘意嘅嘢有興趣嘅嘢先睇

話就話N1範圍包含咗啲唔常用嘅文法生字, 但係嗰部分佔分唔多, 始終佢出題唔會一面倒揀啲冇人用嘅內容出題

考過N2你都知, 呢度60分拎19分就過到, 跟住就係閱讀同聽力, 呢兩part唔會出咩好脫離日常嘅嘢

閱讀卷嘅文章甚至乎會有註解, 所以呢份卷係睇兩樣嘢, 一係你平時有冇睇開字(夠唔夠快), 二係考你理解能力

我嘅程度如果舉個例, 就係可以用日文字幕睇講法文嘅youtuber

我見好多同我哋呢類裸考嘅人唔同嘅考生會死喺閱讀卷, 但係佢哋"溫書"同"操卷"嘅量一定唔夠我哋裸考呢啲日常睇開日文嘅多

聽力都同樣道理, 越聽慣越有利, 聽力難係難在你要同時聽同諗, 佢唔會畀時間你思考, 你係要從佢講一次嘅說話判斷佢呢句說話係咪同個ABCD選項一致, 所以冇乜時間畀你做腦內翻譯, 越日文腦就越好

N1"合格"可能比你想像中容易, 當然我浸咗15年個體感同你又有可能唔同, 反而漢檢我先覺得完全冇信心

有時都柒到唔係好想提，但係當年listening我係成個section亂做，因為唔識用佢個收音機聽唔到

不過JLPT個合格門檻鬆過西隧點都會pass到，嗰陣唔開字幕睇日本youtuber（Fischer's / 物理エンジンくん / ラムダ技術部之類）都聽得明8成光明正大咁去做n2份卷都唔會有咩問題

我諗我自學都係同你差唔多年歷，不過我嗰陣係on and off咁學，而家直頭冇乜點學

近年都係浸英文多，因為睇多咗學術嘢淨係得英文先多resources，同埋始終係國際語言想識唔同國家嘅人都係焗住要用英文

日文方面，呢幾年覺得5ch悶咗好多幾乎冇再上咁滯，新番又冇乜心機時間追，youtube又係睇英文多，班frd又少咗聯絡，結果就係日文生疏晒。咁我本身記性又差，好多字以前明明識但係而家都要查完又查，就算覆frd都覆得吃力咗，好多位自己都冇信心啱唔啱，驚自己記錯，結果要瘋狂用google做proofread逐個位執，搞到一篇1000字左右嘅email都可能要40 mins先叫打字執完可以send出去

而家咁嘅情況裸考唔到n1啦，當年仲好熱衷日本嘢嘅我就可能得，不過我呢啲自由西都唔係太擅長adopt考試嗰種strategies

亂做都pass都好高難度喎

我同你最大唔同應該係我生活真係完全融入咗日文嘅環境

就算搭車食飯, 隻眼同耳得閒嘅時間都係對住日文

雖然好似你咁融入英文嘅環境先係best choice我都想

其實唔難

就算計總分要過一半先合格到，其實文法同讀解嗰2 parts做好少少都已經夠數

所以我成日都話JLPT真係為咗張cert，除此以外就算考到n1都冇咩好自high，合格門檻鬆到咁

衰少少講句只要你有錢，一個唔識日文嘅人一年入去亂撞兩次，撞多幾年好彩嘅話分分鐘都可以合格行返出嚟

我嗰時都差唔多，日日聽日文歌，上日文網，睇日文youtuber，同日本人text/ 寫信（仲有人嚟到香港想約我出街不過我唔敢去），一季追4~5套新番，有字唔識只會用日日字典甚至癲到會睇日文blog研究語源同nuances，連買日本零食我都會睇埋佢包裝後面寫嘅字

只不過呢段日子真係好多年之前嘅事，而家已經洗走咗好多咁解

對我嚟講呢段時間最難忘嘅得著唔係自己睇過幾多嘢或者識講幾多日文，而係遇見過嘅日本人

學嘢呢方面邊有best唔best choice，知自己想要咩咪就係你嘅best choice

唔講商業價值就算你而家同我講你想學越南文我都會尊重你

我都認同，其實唔難

N1文法有個問題係佢有一部份係好書面或者係好學術情況下先會用到嘅字

如果你正常純ACG 嘅人嘅話，

俾到你有睇開輕小說/有玩開Gal Game都好都未必會接觸得到，

莫講話純動畫/漫畫

呢一PART仔要望下係乜黎囉

漢字JLPT基本上主要係記住邊啲係啲中文係唔會咁同用法嘅字就得；讀音用得多就識

聽力我依家好多時都兩倍速睇日文片

閱讀係睇語感，都係量嘅問題

Database夠大就自然考得過，我又唔覺得好需要好執著

反正五舊水炒咗咪再考過

另外原來日文試依家都幾多款，要鑑定N1以上可以研究下

我係相反

U grad之後就冇再進修過英文

雖然我個人依家喺英國

但我唔認為我嘅英文喺呢十幾年黎有乜進步

啲同事話我講得好咗但我唔係好認同

反而日文呢幾年會玩ONLINE GAME 同啲日本仔吹水轉數快好多

當然同喺日本生活或者打日本仔工有啲分別

以前日研個教授講過

聽講讀寫以外其實應該要加埋「諗」 Think in a langague

而我唔認為N1 2 3 4 5 會考到考生呢樣野，起碼寫同講佢都冇考先

所以點解有時啲人會話N1 出到黎都唔係好識日文

其實就係講緊佢考嘅就得 Input 冇Output

我覺得每個人對「講得好」嘅定義都有少少唔同

有人覺得你日常會話keep到個flow就叫做好；有人覺得你表達到自己諗嘅嘢就叫做好；又會有人覺得你識好多local先識嘅slang phrases就叫做好

冇乜一個標準，不過人哋讚你其實都唔需要諗咁多，當係一種鼓勵囉

你講嗰樣嘢咪就係語感，語感包埋咗對一個語言嘅logic同構造嘅理解，熟練到一個程度練到一種reflex，唔洗諗都知咩expression對應咩概念，又可以由語素推演返一個民族嘅thought process，咪就係think in a language，不過其實唔洗做到呢樣嘢都可以講到日常會話程度嘅日文。都係嗰句，視乎你想要乜同埋想點應用呢種語言，又唔洗吓吓都咁高要求嘅

我覺得上堂學生好難練到呢樣嘢有時候唔關佢哋事嘅，事實係好多日本老師嘅質素都好參差，就算你係native japanese speaker都唔一定代表你係一個好老師，衰啲講句好多老師都係跟課本照讀得閒答吓你問題，唔會點去諗有咩教學手法可以增加學生嘅理解同吸收能力，又或者淨係為操卷而操卷唔幫學生補充textbook範圍外嘅知識

同埋練語感係唔可以有學習偏食，有啲人畀錢上堂就會覺得你奉旨要教晒我所有嘢，我唔洗點出力水，但係就算有上堂自己其實都要幫自己規劃學習進程，落完堂都要繼續練聽講讀寫，香港學生係練聽讀多，講寫唔係冇機會練而係冇信心

有啲人畀錢上堂就會覺得你奉旨要教晒我所有嘢，我唔洗點出力水，但係就算有上堂自己其實都要幫自己規劃學習進程，落完堂都要繼續練聽講讀寫，香港學生係練聽讀多，講寫唔係冇機會練而係冇信心

香港有一類人太叻走醒面，嗰類人係學唔到語言，語言學習同其他學科最大嘅分別就好似你所講咁，冇得人哋餵到埋黎

擘大個口就食得，好多位要自己去摸索，自己去練，要練得快就要搵到 Native 去陪你練；依家有APP 甚至係AI 其實容易過十幾年前我讀書嗰陣好多了，每日花幾分鐘去練，持之以恆就已經會進化得好快；同埋上堂學野嘅人亦都有快有慢，但係香港人又鍾意同人比較，初初學嘅人好多時啲人一急或者過咗個熱衷期就會開始放棄，所以終究都係要搵個方法/搵個原因俾自己繼續行落去

香港人出名功利主義，即係咩呀？即係效益最大化囉，我畀咁多出嚟就要攞返咁多回報

呢啲人本身當語言係一種工具，唔理佢哋用嚟搵食又好旅行又好，同單純出於熱情去學係完全兩回事

佢哋通常都會有個好明確嘅目標，例如旅行識睇路牌識問問題就夠，或者操到pass n1做到相關行業就夠，永遠唔會學多

因為佢哋根本都唔係對個語言本身有興趣，冇興趣又點會有追求，同佢哋講要點樣去學一樣嘢都係捉錯用神

呢啲都係睇自己preference啦

事實上VARK model提出過主要有4種learners: visual / auditory / kinesthetic / verbal，並非只能擇一，同一個人可能有多於一樣嘢溝埋

所以每個人適合自己嘅學習方法都唔同，好難話one size fits all

我遇過有啲人真係自信心極低，極驚俾人笑，又或者有social anxiety同返香港人講嘢都已經勁大壓力，咁同日本人傾偈呢個方法就未必啱佢哋

即係in general咁講，唔好話學日文，學所有嘢都係，學得快唔快有冇效率都係睇你有幾了解自己

between，交友app未開始普及嗰陣其實坊間已經好多交友網（正經）可以用，我都喺上面識過好多日本人，咩背景咩職業都有，就係年齡偏大

同埋當年日本有個大型網上社區叫做mixi，唔記得咗限日本電話定係email address先可以開account，有個日本frd畀咗佢後備電話我去開account玩，我記得上面好多group可以討論又好易識人

出咗成績畢業

恭喜

過左n2 12月考n1

加油

我好快就N1

弓起弓起

餓咩爹多

原來我個分係排全體考生嘅頭2.5%

公起公起

好勁點做到

用時間浸返黎, 冇正式上堂讀書