私は、神田はるかです。

前文：

Tracy：終章

私は、神田はるかです。

Tracy同我分手之後，雖然佢冇block我，但係大家都冇再互相搵對方。亦到好少喺網上面見到對方嘅動態，頂多係一啲風花雪月無聊分享。

但係，今日就突然之間見到有個叫「Haruka Chan」嘅人。但係我印象之中好似從來冇add過一個叫「Haruka」嘅人。

這一個Haruka寫道，她明天就要出發去日本工作，對香港的人和事都顯得不捨得。

撳多幾下，我先發覺呢個Haruka就係Tracy。

唔知幾耐之前開始，她冇再用Tracy呢個名字，改而用咗「陳芷遙」中「遙」字嘅日文拼音。

漸漸地，她適應咗喺日本嘅生活，更喺當地識咗個男朋友。聞說，佢男朋友係土生土長嘅日本人。亦都為佢由橫濱嘅員工宿舍搬去東京同佢同居。

佢哋一齊咗3年，有一日，佢宣佈會同佢結婚。而婚後佢亦都改名隨夫姓，叫做「神田はるか」。佢應該亦都係正式準備入籍日本。

睇係佢結咗婚幾年，佢哋有咗自己嘅小朋友。睇嚟，佢已經正式喺日本落地生根。

——

落咗機之後，我第一個收到嘅係嚟自Eva嘅message。

「我下星期結婚啦。」

而之前，佢係從來冇同我提過呢件事。我開頭以為佢係咪搞大咗，但係又唔係。

「係愛呀，哈利。」

雖然我唔係第一次嚟日本，Passport上面嘅貼紙都痴咗好幾頁，但係係第一次處於咁迷惘的狀態——自己一個開始喺日本生活、Eva結婚、新工作嘅衝擊⋯⋯我快要吃不消了。

距離training尚有幾日嘅時間，或許可以俾我冷靜下。

——

「+81-90-5221-4985」一個日本的電話號碼突然WhatsApp打給我。

「喂？」

「喂？」

「我係Tracy呀。」

自從我哋分手之後，一直都冇再搵過對方，但係亦都冇block到。要搵嘅話，其實係隨時都可以⋯⋯但係點解會係到今日先搵？

「做咩突然之間搵我？」

*

平成30年10月15日（金曜日）

其實平日收工之後都冇乜嘢搞，都係自己一個返返去宿舍。

喺香港都仲可以見下Eva同其他朋友，但係而家Eva已成人妻，再加上一個人身處東京，感覺特別孤獨。

我不斷喺電話簿碌嚟碌去，搵到一個可能會聽電話嘅人。

*

「你知我過咗日本哦呵？」

「知。你而家都唔叫自己做Tracy啦？Haruka。」

「係⋯⋯」

「其實我早排先去完日本，之後你先過去⋯⋯」

「我知，仲要去啲好僻嘅地方。」

「你啱啱嚟到應該好忙啦⋯⋯」

「係，我聽日要去睇樓，喺橫濱嗰邊。」

「横濱？你好似喺東京返工喎？」

「無計啦！東京租貴呀嘛！」

就係咁，我同佢傾咗半個鐘。相信可以令佢暫時心情好啲？暫時。

——

呢度嘅租金都係維返港紙5000幾蚊左右，一個人住就其實啱啱好嘅，行去磯子站都係大約10分鐘左右，返到公司都係一個鐘咁上下。

睇完樓，都係黃昏，又唔想咁早返宿舍⋯⋯於是落咗Akiba行下⋯⋯

我都唔係第一次喺電氣街站口出閘，但係覺得前面嗰棟綠色的大廈特別鮮艷奪目。

冇錯，我又諗起佢。

琴晚嗰個電話。

Leo。

佢話佢行過呢一棟大廈，仲靜靜雞喺入面影左幾張相俾我，仲問使唔使買啲手信俾我。

我話唔使，因為⋯⋯

我已經決定同佢分手。

二嚟，入面賣嘅嘢令我好難為情。

或者，行入去可以令我⋯⋯

我原本入去諗住只係參觀姐，但係最後竟然買咗⋯⋯

我將佢放入背囊，始終咁嘅嘢好難為情。

雖然我都知自己有咁嘅需要，Leo亦都曾經好好咁⋯⋯

又提起佢⋯⋯

同佢分手之後，我都係自己解決，用器具都係第一次。

進入的一剎，我似乎搵返當年嘅感覺。

但是，佢唔係Leo，只係我手指嘅延伸。

——