以你的心詮釋我的愛系列

一口氣睇曬 唔知點解感觸好深

描繪主角間嘅感情出乎意料有層次

有別於大多數表面美好童話式BL劇情

由愛意萌芽到情感困惑

之後雖然確立情侶關係

但因為現實嘅誘惑同打擊

引伸出關係中段段嘅暗湧

最後領悟到最難能可貴同長久嘅關係

唔係建基於所謂虛無縹緲嘅山盟海誓

而係就算人事物不斷變遷

出現各種各樣挑戰同考驗下

兩人係咪可以仍然堅守初衷相伴到老

見到有評論話

第二季用埋啲出軌復合劇情

根本無咁好睇

我反而覺得好寫實

可能劇本表達得比較有深度

迷惘而發生嘅霧水情緣破壞重要關係

苦甜交纏但輸俾個心而復合

咪就係而家好多情侶都會出現嘅情況

一堆睇落老套不過實質知易行難嘅道理

喺呢個速食文化盛行嘅社會

一生一世嘅愛情買少見少

1314

BKPP世一

第一季拍得太好 所以第二季點都冇得比架啦

布吉個靚景都好難超越到

同意第二季好寫實

長大左去到城市就要面對現實問題既考驗

冇得再係童話故事入面

BK個師姐想追演員夢 但比現實擊敗最尾要放棄

Oab做導演為求目的不擇手段 成功之後反面唔認人

呢啲都好真實

總之呢套係泰劇清泉少有高質

講講下有啲又想再由頭煲過

係 啲景拍得好靚

搞到我都想去泰國玩

日常生活太殘酷

好多時都好想逃離現實

劇情雖然偏向寫實

但好多地方美化咗

現實其實有更多遺憾

跳返出嚟睇呢套劇咁成功

天時地利人和全部缺一不可

亦有可能係好多演員窮盡一世努力都未必遇到

諗到呢點突然有啲唏噓