[含劇透] 恐怖片接駁靈聲討論

劇情大概係男主角嘅朋友同埋附近嘅細路相繼被拐子佬捉走 總共被拐走五件 全部死撚曬 跟住男主角被捉走 男主角同佢個妹識得通靈 男主角被困住嘅地下房有個電話 男主角可以收到鬼打俾佢嘅電話 啲鬼就教佢點走佬同埋反擊 而個妹可以斷斷續續咁收到耶穌嘅報夢 個妹俾線索搵差佬搵人

我覺得呢套係一套懸疑片多過恐怖片 恐怖嘅畫面唔多 另外 我靠劇情電影係推斷唔到會唔會出現恐怖畫面 佢嗰種恐怖 係好似Killer Joe咁樣無啦啦嚇你 eg.男主角個阿妹踩踩下單車 忽然五隻鬼喺出前面出現

個人睇完呢套電影好多諗唔明嘅地方 點解拐子佬俾男主角除咗面罩就好驚 驚到俾男主角係咁打都唔識旭 但拐子佬個兄弟發現拐子佬喺地下室收埋失蹤兒童 個拐子佬冇驚攞把斧頭一下斬死佢 另外一點 男主角個老豆知道咗男主角阿妹嘅耶穌報夢超能力 叫佢唔好用 會有副作用 暗示當年佢老母用呢個超能力 下場係要獻身成為天使 但個細妹狂用呢個超能力 去到電影完結都冇後果

呢套電影嘅劇情真係好簡單 上面已經講過 係冇乜令人喜出望外 而且場境好少得 主角屋企 兇手兩間屋 學校 同埋警局 懷疑係導演因應疫情唔想搞咁多嘢所以限制個場景