考急救牌指南

勞工處立咗例，基本上要返工，考急救牌一定走唔甩。我St. John同紅十字都考過，各有千秋。現簡述考牌攻略。

首先講下最簡單嘅紅十字。上四日堂緊接第五日下午即考，基本上無乜溫書時間，而且pass咗要攞牌要自己上奧運站隔離個總部磅50蚊。報名就申請帳戶，可以信用卡交錢或自己上總部磅現金。上堂第一日就pickup自己訂過的物件，包括急救包、急救手冊同DVD。

紅十字嘅考試係好hea，但如果你無煲熟隻DVD所有包紮固定片段，到考實習試就好易肥。考試分4個PAPER: 筆試、CPR、純包紮、純固定。全部PASS哂先攞到急救牌，是旦一份PAPER肥佬就要即場磅水安排一次補考，再肥就要重讀課程。

紅十字筆試30題MC，急救手冊有齊題目俾你溫習。實習試方面，一包急救包4條三角巾已經好夠駛，因為佢唔似St. John咁要準備超多塾料。做齊DVD片裡面啲STEP就PASS硬，做多STEP(例如模擬洗傷口)唔會有BONUS MARK，所以唔好捉蟲。

紅十字有好多分店，你可以揀最就腳嘅分店，報名時要留意自己上堂地點同考試地點有無分別。

St. John方面，除了麥當勞道總部，其餘分店都好偏僻，而且考試地點全部統一喺總部，全世界夜晚7點半考。由於新巴12A巴士一到夜晚6點就20分鐘一班，所以千萬不要遲到，否則考都無得考。

兩間野報名同pickup情況差唔多，報St. John堂費用連急救包大概係$408。佢唔會俾DVD碟你買，要睇片自己上YouTube, 課室亦有QR Code俾你嘟住嚟睇片溫書。上完4日堂等2星期再考筆試。

St. John考試分3 part：急救，CPR，綜合包紮及固定。急救手冊無模擬試題，全部30題MCQ要靠你上完堂自動波背熟書，而且個個考生都唔同題目，想操練試題就自己上第四日下午堂。

上堂4日夾埋30小時，St. John寫明上堂前要預39小時預習，考試前要預至少100小時溫習 所以唔好諗住考天才波。

St. John寫明上堂前要預30*小時預習

紅十字同St. John考試要自備手套、原子筆、急救包同塗改帶。紅十字上堂會派一張呼吸道具喺CPR用，而由於疫情關係，St. John CPR考試唔需要貼住個嘴做人工呼吸，但綜合包紮及固定需要大量墊料，要自備至少2條沖涼毛巾用嚟對摺，一條手臂前後加埋咁長，一條腳臂上下加埋咁長。

CPR考試有份3種：成人、兒童、嬰兒。考試無得揀。考St. John的話要嚴格跟足台詞同動作，托顎搓心口必須做得有明顯深度，否則即肥。

包紮和固定基本上抽卡。紅十字分開2個試抽卡，St.John抽situation cards, 要自行判斷受傷部位同受傷種類，同時即場向考官報告做包紮先定固定先，抽完卡即場計時，超時即肥。

考試全部合格，3星期後St.John會寄個牌俾你。俾你等得一個月後放榜打電話查詢考試結果，多數肥硬是旦一份卷，每份卷要分別預約補考時間，費用為大概$150。

BTW, 如果上堂撞正打風，導師有機會要求你喺公眾假期出席課堂。留意出席率必須為8成以上方能有資格應試。唔想出席率不足導師要重讀成個課程，自己必須向上司安排好請假安排。

唔想出席率不足導致*要重讀成個課程

每個課程大概容納20個人，而且日日都會有實習。導師有機會飛書要自修部分課題。留意的是，分娩唔考。

考實習試要跪喺度做，建議自備腳墊。

急救手冊每幾年就會改syllabus，而急救牌持牌人必須每3年讀1日制+ 1日考試課程續牌，考試模式同仔完全一樣，全部考試合格先續到牌。

有人會拎2011舊書考2021嘅 St. John筆試，這是不行的，因為急救標準一早喺2016改咗，而且未來必然keep住改。舊版急救手冊對hysteria的急救指引，同2016新版已經完全唔同。用舊標準考筆試同綜合實習試，肥硬。

模式同新*仔完全一樣，