唉 做咗咁多年記者 畀人鬧做鱔稿/廣告都仲係會傷心

只係想呻下，因為睇完啲haters嘅留言

如果真係咁多鱔稿/廣告咁我就唔使咁窮啦，

咁多年都未試過收餐廳錢做訪問

仲有好多係三顧草廬咁去求個受訪者接受採訪

有啲仲自己畀錢去幫襯，又或者買啲嘢食返去公司拍

但一句鱔稿/廣告，就抹殺晒飲食記者嘅努力

話飲食記者好易做，成日飲飲食食搲著數

其實做一條採訪片係要好多人力物力

事前要做資料搜集，之後要同受訪者溝通，再安排要度採訪問題，又要安排成個採訪

拍一間食肆最少都要拍大半日，有啲深度嘅故仔，要拍幾日

訪完返嚟，要由頭聽一次啲bite，如果訪問咗幾粒鐘，就要用返三倍時間去聽+排返啲bite嘅先後次序，仲要markshot，寫文，fact check資料，之後又要打返成條片嘅字幕出嚟

啲人乜都唔知就鬧鱔稿/廣告，真係CLS世界

唔洗咁上心既

都唔想咁上心，

如果係批評內容做得唔好，有畀意見出嚟，其實真係無問題

但一嚟就話垃圾/收錢/鱔稿/廣告

然後諗下自己失業到依家，拍嘅片全部無錢收，仲自己貼錢拍

就覺得好傷心

反正都係咁不如你收錢做訪問囉

定係你收唔起

其實啲餐廳小店係畀唔起錢，拍一條片嘅成本最平係2萬蚊

記者/剪片/攝影師各一係最基本人力

至於時間成本係計唔到

其實係我太真心

只想做記者應該要做嘅嘢

如果係為賺錢就唔做記者啦

因為太多覺得自己既努力先係努力，人地既努力就係應份，唯有同你講聲加油

加油！努力！

加油！努力！

總有人覺得自己目空一切。

事實自己最清楚，把口生喺人哋度。問心無愧真係理撚得佢。

加油。

記者不嬲賤過狗

未最低工資前連文員都不如

$7000蚊一個月都夠膽死開

加油啦

我17年前入行都8K

依家新入行大槪12K左右

正常fresh grad唔係應該20k up咩？

話哂有讀過傳理系應該叫價高才對

記者分好多唔同版面

讀傳理出身好多係入電視台做，佢哋個入行人工當然會高

但一般文字記者，即係做報紙雜誌嘅，未必係讀傳理

讀中文/英文/歷史/政政/哲學/心理學/法律....乜都有

因為文字記者嘅要求同電視台記者唔同

佢哋要係主攻某一個專業範疇，

而近年好多媒體都要求拍片，好多會係讀CM/多媒體呢啲出身

再加埋唔同版面要求又唔同，起薪點都會唔同

但係你嗰行明顯underpaid

工作成明顯多過你份糧

工作成本*明顯多過你份糧

淨係Adobe Creative Cloud 個license都成皮

BTW

樓主點睇呢壇野

我覺得係鱔稿係廣告都無問題，拍得易入口，令人接受唔太hard sell同時過到個客

當然比例都唔好太多，真係靠放YT廣告維生會食風

安溥, 加油!

妓者

霉體

日日散播假疫情

記者會問林鄭幾時搞全民強制檢測

牛牛有愛

以前有公司包底出糧，老細又唔介意年年蝕錢燒銀紙咁做，所以舊公司係唔使記者跟任何廣告嘢，啲廣告嘢係

sales跟，我哋記者好多時調轉頭畀返錢啲餐廳，畀錢食一餐or 買嘢食返嚟影。

至於鱔稿係無錢收嘅，一般係有啲大集團/酒店開餐廳，會搞傳媒招待會/發佈會，咁就會call晒啲Media出席圍訪圍拍，但唔係次次都有得坐底食，同埋影完凍晒又畀大家輪完嚟影，都唔會食。有啲有預算嘅，會請記者去試食，但呢啲唔一定要介紹。

另外好多時啲新聞速news就會收新聞稿，然後寫返出嚟，因為日日都出咁多報導，無可能全部都派人出去做，咁會做唔切。

可能大家習慣咗睇新聞係唔使錢，所以覺得所有嘢係理所當然。想唔使錢睇，但又要求做嘅唔畀做廣告稿收錢，真係叫個記者食風。

額...

但我依家幫舊同事搞嘅channel係完全無錢

我自己畀錢買餸，啲訪問都係免費

只係唔知燒自己錢，可以頂得幾耐

想講有時見到同路channel為熱度走去寫中資藍店就覺得心酸

清水湯底食海底撈低消費做埋美甲都寫一餐

這種被鬧只能講抵死

錢同食風之間，好難取得平衡。

畀得起錢拍廣告嘅多數係集團，背景係中立嘅已經執到，黃嘅多數係小店，佢肯畀錢拍都唔好意思收佢哋錢，同埋拍片真係唔平。

拍一條片記者/攝影師/剪片各一係基本，然後要睇條片時長幾多，

如果一般4分鐘嘅片，大槪需要拍半日，記者寫完畀剪片剪預兩日，來來回回畀客睇片審片改片，

當每人收4/5K左右，一條片15K已經係最底成本。如果係拍8分鐘以上嘅片，最少要拍兩日，做嘅嘢就double。

好似之前我拍咗條講香港蘿蔔約15分鐘嘅片，前後去4個location，訪問3個人，齋拍都兩日半，寫又用咗兩日半

如果真係收錢拍呢類片，要收好貴，因為已經算係半記錄片形式去拍，跟訪啲人做嘢。

錢💰

呢排唔少IG foodie page 俾人踢爆出假食評

佢哋以勒索形式問小店攞錢

出po之前send message叫小店“贊助”

唔俾錢就寫衰啲

但又自稱中立唔賣廣告

成行俾佢哋搞彎曬

個班直頭係網絡黑社會，真仆街。

開頭嗰個好似係沃門人

以前做野接觸過

出名既起碼收人四位數字

講緊得幅圖同幾十字

未出名既就會話免費幫你宣傳

黎試食唔俾錢

一向都有唔少foodie 搲著數，以前出去拍嘢都預過

仲試過有由foodie開嘅PR公司，假借我舊公司名義去呃人，然後畀我哋出過律師信告過

但大家都鍾意睇人，有人出鏡嘅片先有view數，變相係打擊咗真正做飲食新聞嘅記者

迫到唔少記者要KOL化，要出鏡，將個focus轉移咗去人到，報導嘅事變咗次要，同時都令到多人覺得飲食記者唔係專業

但其實要做一份報導唔係只係講好唔好食就完，入面係需要好多飲食知識、大量資料搜集，加埋訪問技巧

先問到平常無乜人知嘅嘢，再好專業咁寫返出嚟

我有次去一個press event，介紹啲新口味雪糕甜品

同場有唔少foodie/iger

其實有一個foodie拎住支竹炭味嘅軟雪榚，拍片講食評

我聽住佢話個雪糕嘅朱古力味好濃，有少少炭火味

我聽到眼都突埋，以為自己味覺/視覺有問題

即係睇多次啲資料，明明係係黑色嘅竹炭軟雪糕

安溥:

成日都聽啲餐廳老闆/PR講

有啲成日不請自來扮friend

仲有啲搲完一餐，只係出一張相，但人大過食物十倍

唔知宣傳咗啲乜

我有訪問時遇過啲一日走幾場唔同event嘅foodie，

早午晚消夜都無畀過錢

仲同我哋講食得好辛苦

我心諗我連早餐都未撚食呀仆街，仲要返去趕稿

網絡駝地

班人根本丐幫

早排CCTV好似有個二打六

你地識架

唔識

但係騙徒手法都係差不多

聽返嚟/自己遇過嘅都有

有啲會同啲餐廳講識邊個邊個

可以安排media嚟採訪

然後幫餐廳影幾張相

砌幾張圖send畀啲記者

就收間餐廳成皮嘢

澳門啲foodie仲勁，好多唔只搲一餐飯

仲搲埋酒店房住一晚，再加第二朝嘅早餐buffet

好幾年前過澳門做嘢時見識過

Foodiengineering is MK Behavior.

好有心冇錢燒恆心真係燒唔到

但無人睇

係咁 好難

搵 SEO tools promote自己個site

無就搵WordPress build

好掛住以前單純做稿嘅日子

YES