林鄭回應深圳駐軍佔用香港土地掉垃圾:大家對邊界有不同理解
內地邊防部隊佔用沙頭角地 中港政府對邊界理解爆分歧
廣東邊防部隊被揭發佔用沙頭角邊境禁區內一幅面積約兩萬呎土地最少6年,並圍封開墾作農田。有關內地人員更自行建橋過沙頭角河,未經出入境程序進出香港範圍。港府連日來也未能交代事件詳情,特首林鄭月娥今早出席立會答問會時,終有較清晰答案,她指港府有關部門昨已與深圳方面見面及溝通,雙方對深圳河界線有不同理解,但由於有人上綱上線,甚至引伸到跨境執法,故為免引起疑慮,內地人員會暫停使用有關土地。
林鄭指,港府已積極跟進事件,香港方面按照國務院命令221號,認為相關地點以沙頭角河中心界線為軸心,根據以往航拍照,以及近日視察,有關土地是屬於香港。不過,深圳方面就認為,2013年沙頭角河道進行過收窄工程,故界線應以改道後為標準。
林鄭稱,香港方面並不知悉河道改道工程,亦未有確認有關「新界線」。她指雙方有誠意溝通處理問題,有需要時會尋求法律意見。國務院命令221號指出,區域界線分陸地部分和海上部分,各由三段組成,海上部分包括深圳灣海域段、南面海域段及大鵬灣海域段。
議會陣綫毛孟靜批評林鄭意圖大事化小,質疑中方以防洪為由改河道及邊界,但港府竟不知情,「防洪唔係小工程,保安局、地政總署冇人知,難以置信……唔好整個輕鬆樣、傾吓其實冇乜好傾,要即時還完」。她質疑港府疏於管治,「唔知係失職失責」。
朱凱廸則認為,中方藉排洪改道更改邊界,單方面行事卻沒有通知香港,是侵犯香港邊界範圍及私人業權,批評林鄭並無站在港方角度抗議,直斥做法荒謬,「單方面食咗你香港私人地唔需要補償、改道後畀啲你、畀啲我?」
朱更質疑林鄭不知情的說法,稱根據地政總署的航空照片,13年後至17年已顯示香港已接受深圳版本,按新河道界線,將2萬呎農地剔出香港範圍,圖中顯示有關範圍於該些年份已變成白色一片,即港府視為香港以外,並指17年圖像特別低飛拍攝,懷疑是針對涉事範圍作考察,「同林鄭版本不對咀」,希望香港盡快交代,勿將問題塑造成雙邊爭議,直斥是中國政府對香港粗暴侵犯。
偷偷割地,出賣香港。
好積極咁耍太極
雖遠必誅
收窄條河啲土地可以畀中國佔有
咁填埋條河咪可以冇咗邊界, 原來就係咁簡單
上綱上線
收窄條河啲土地可以畀中國佔有
咁填埋條河咪可以冇咗邊界, 原來就係咁簡單
上綱上線
好
一於就用垃圾填埋條河佢
我對物業範圍有唔同理解 可唔可以走入去禮賓府或者老解軍營順手借d嘢返屋企用啊
我對物業範圍有唔同理解 可唔可以走入去禮賓府或者老解軍營順手借d嘢返屋企用啊
唔得
只可以當嗰道係垃圾房
又話香港無地,要倒錢填海。
但又大大方送地畀人,林病呢個係乜玩法?
將深圳河同沙頭角河引Q埋去尖沙嘴, 到時九龍新界冇得避
咁邊個既理解先岩
咁邊個既理解先岩
香港:我跟國務院令,不過深圳唔係咁睇喎,可能佢啱啦,哈哈哈