前大交合高級主任報英撚天氣

睇大灣輝訪問發現

在英港燦支持下

保重

好老實，個人只係欣賞佢唔肯宣誓而離職

但真係唔覺得班人走佬去外國

然後走去開外地廣東話新聞/天氣頻道

有乜咁值得支持，甚至吹奏

呢類行為同以前啲人移民

走去開中文電台，開中國城圍爐完全冇分別

宣揚同保存香港文化/語言，同圍爐係兩回事嚟

如果個心係歸向香港, 咁圍爐本身係有需要, 甚至比任何一個族群都有需要, 香港人呢個民族太脆弱, 歷史文化語言根底係混合外來文化, 又冇血統論或者冇宗教呢類唔「理性」嘢營造向心力

總之唔好學中國人咁變咗自成一國咪得囉, 呢點亦都冇可能, 亦可以斷定咁講, 如果有群體係產生呢個跡象, 呢個群體根本就唔係想為香港做啲乜, 而只係諗緊自己, 咁呢班人對香港人黎講就已經成為咗外人, 理黎都嘥氣

我就唔buy拎中國做論比呢套, 中國人有自己嘅國家, 佢哋係將魔手向外伸延, 係殖民, 係受國家機器影響或者控制, 係做緊損人(他國)利己(中國)嘅事, 香港係完全相反, 係去咗外國伸隻手黎香港, 情況根本完全唔同

同意某程度上，任何群體都係一種「圍爐」表現

不過就算係咁，都有程度同目的嘅分別

個人唔支持，甚至反對嘅

係嗰種只係純為圍爐取暖

小圈子一班人緬懷舊香港嘅群體/頻道

呢類外地廣東話新聞/天氣頻道

觀眾只會得所謂外地香港人

以宣傳/保留香港文化，或融入外國生活嘅角度

仲衰過你走去開餐廳

衰啲講，咁做嗰啲人

只係想將以前喺香港嘅生活，照板煮碗直接搬去外國繼續返

所以我真係完全唔明，點解有人會支持同吹奏

（可能因為有大灣輝加持）

佢呢個頻道最多咪係方便吓啲年紀大同學歷唔高嘅人

我諗唔駛放到佢咁大

追求方便嘅香港人打開部電話已經知道天氣

點會為咗沉醉喺呢啲昔日香港生活嘅feeling而咁神心日日打開條片睇

又唔係靚女睇

乜去到外地就要否定晒自己語言同文化咩

英國有印度, 中東, 東歐佬佢地班友就唔少鄉里會社就係黎圍爐取暖

班友自己人講野都係講返印度話, 中東話, 東歐話仲有自己電台,

D中東,東歐貨車佬印度的士佬炸機都炸返自己話D歌,

睇幾分鐘天氣等如放唔低以後生活, 香港就係太多未見過世面乜柒都屌左先既井底蛙

fucking moron

仲有一點要講, 外地廣東話新聞喺「統戰」角度上係好重要

如果畀親中媒體搶佔咗呢一個地盤, 咁咪會有啲「冇色/淺色」嘅人睇咗錯誤資訊囉

香港人而家唔係淨係講緊移民定居安家樂業咁簡單, 做每一件事都可以係「現代戰爭」嘅一部分

即係咁講啊，

我就當佢咁做真係純粹係ON9想圍爐緬懷香港

咁今時今日留喺香港嘅話又可以做啲乜嘢去保育廣東話/抗爭?

同埋你去類比佢依家做緊嘅嘢同以前港英移民有乜分別

個分別就係佢哋搞嘅時候有冇諗過咁嘅目的性

我就唔係好信幾廿年前啲人搞電台係有諗過要保育廣東話而去搞掛?

我覺得係視乎心態，究竟係因為想圍爐唔融入，定會融入但緬懷過去

美加有 little Italy 唔代表意大利裔唔融入

是旦啦，每個人都有自己諗法。

融入同保留自己文化都重要嘅。

我真係睇唔出，開個外地廣東話新聞/天氣頻道

可以對保存香港文化幾有幫助

即係如果我喺大陸/香港，播英文新聞就係保存𡁵英國文化？

Respect

之前學整包嗰陣同啲同學講開當地移民嘅文化，普遍都係話嗰啲移民唔駛識當地語言都生存到，係因為佢地多數會去返嗰個社區道工作同附近住。

有呢啲社區係令到想移民嘅人個心態覺得易啲

但至於去唔去融入返外國嘅文化，可能要下一代先得。

依樣真，唔係個個咁好適應力。

天氣變幻莫測 ...

呢個問題即係同問緊依家食黃店對有乜用一樣

無用之用

語言文化都係文化嘅一種

而呢個文化喺香港已經俾北方侵蝕到面目全非

咁所以留唔到全屍，都唔好一樣都唔留。

第時總會有人考古嘅。

我係咁諗

無錯，語言係文化一部分

但咁唔等於用某種語言，講新聞或純資訊題材就有某種文化

比較嘅話，CCTVB膠劇隨時都仲有香港文化

個人覺得其實就算唔做任何嘢，或純圍爐都唔算咩大問題

反而最大問題係，你夾硬搵理由

FF咁做好有用或好有意義，去逃避現實

呢個其實亦係香港人之前一直崇拜，所謂「議會路線」嘅問題