【訓左冇睇】米紙 同 MilkMill 有咩關係？？

【訓左冇睇】米紙 同 MilkMill 有咩關係？？

典解分裂左？？

呀澤哥咪話接收生果籽既？

有冇搞到？？

我鐘意millmilk多啲 更休閒

從頭到尾都無搞過

好似名都改埋, 叫咩果苗？？果乜。。。

果籽阿姐領軍去咗milk

然後搞新平台mill milk

有水喉自然可以做返以前做開嘅片

米紙係果籽食版記者自己搞

無錢無後台一腳踢,自然無以前咁多資源

佢夠講到曾經接觸過飲食男女

其實只接觸過一個人

到佢出po 話請咗人,先知佢請咗一個人

仲以為真係大水喉

唔係啊，最後佢咪有講果籽啲人自己各有盤算唔駛佢去請嘛

同埋你都feel到佢個台oversized但又做唔到view數同收入嘅balance

佢只係接觸咗一兩個果籽記者

但無話請

要請晒果籽嘅記者，重做果籽，根本無可能嘅事

佢哋有成4、50人，單係人工已經唔係小數目

所以都係得過講字

以做一條普通4分鐘訪問片為例,

一個記者/一個攝影師只係基本，拍攝時間最少3、4個鐘

然後記者仲要聽bite ，寫返vo 稿出嚟

再加一個剪片剪接，一個designer 做cover 圖，再有人錄VO

一條片嘅成本係好高

當年有會員課金,都只係做到收支平衡

喱SHOW自己教煮餸食黃店都係益咗啲黃店

自己都係蝕

咁養唔到多條TEAM都合理，

其實可能都係應該向PATERON 方向走，自己開個平台再去收錢

得個幾個節目都係做唔黎

而YOUTUBE長遠都係做唔過

其實佢只係做食

要養一team 食版記者,當四個記者

每人大約15k 至20k 人工,我信佢有能力

問題係佢根本只係抽水+吹水

無諗過真係請

而點解要複製返以前啲片咁難

因為除咗記者，攝影師+剪片+編輯都好重要

以前啲人訪故仔，由搵料/度故/訪問/剪片，中間幾多工序同心機，仲有人力物力

但會欣賞嘅人唔多,唔執笠大家都唔當係寶

咁唔知佢條數點計喎

蘋果請得起但蘋果蝕住幾多錢黎做大家都知

有能力唔代表要做蝕本生意

佢都算係生意人唔好諗到佢係肥佬黎咁瞓埋條命落去

我最唔鍾意蘋果嘅地方係

佢其實係一堆應該係GEN得返收入返黎自負盈虧嘅嘢

但永遠都搵唔到方法去令到佢收支平衡

話就話唔係樣樣嘢都講錢

實際係佢規模太過大，裡面又好傾向肥上瘦下

我以前個DEPARTMENT最頂嗰個可以每年搭頭等飛機去歐洲「工幹」，

嗰班人未去到蝕大錢都未俾人炒

不過我唔知大樓嗰邊係咩環境啦...

如果當年其實拆細佢可能會更好

但確實黃營又真係得佢一個金主出錢出力去搞

當然亦可以倒返轉黎睇係香港人犯賤，唔執都唔去撐

傳統媒體沒落係事實,網絡世界主導,大部分媒體都萎縮

係得肥佬仲係咁燒錢

早期推會員制係無人課錢,因為大家都覺得新聞係免費

甚至19年之前,無乜人尊重記者添

因為無去了解過記者係要做啲乜

依家無咗先覺得記者重要

佢真係無諗住開嘅

純抽水啫,抽完就有人課金畀佢

佢只係請咗一個佢嘅熟人,而呢個熟人咁啱係蘋果做咁解

我哋唔係佢出post 都唔知呢件事

當刻人人都守喺公司,邊埋版邊等結果