曼聯怒炒蘇B

曼聯辭退領隊蘇斯克查 卡域克暫代領隊

體育

發佈時間 2021-11-21 18:44 最後更新時間 2021-11-21 19:07

英超球會曼聯辭退領隊蘇斯克查。曼聯在社交網站證實，蘇斯克查已不再是領隊，感謝他所做的一切。

球會在聲明中形容，蘇斯克查永遠是曼聯的傳奇，但遺憾要作出今次艱難決定，雖然過去數星期球隊表現令人失望，但不應掩蓋蘇斯克查過去3年，為球隊長期成功重建基礎所做的工作。助教卡域克將暫代領隊一職，帶領球會本周到西班牙，出戰維拉利爾的歐聯分組賽，會方會物色一名臨時領隊帶領球隊至季球結束。

曼聯星期六在聯賽，作客1比4不敵屈福特，是近7場聯賽以來第5場敗仗，賽後已傳出蘇斯克查帥位不保。

蘇斯克查球員生涯，在1996至2007年效力曼聯，到2018年紅魔鬼解僱時任領隊摩連奴後，由他出任看守領隊，之後正式接掌帥印，過去兩季協助曼聯取得聯賽季軍及亞軍，但今季12戰只取得5勝，目前排積分榜第七位，落後榜首的車路士12分。

蘇B不要走

車迷上

由莫耶子開始曼聯一低潮就搵領隊祭旗

曼聯呢10年成績麻麻高層對領隊幾乎0信任都有影響,

球員又恃才傲物,麥鳩咁踢英格蘭踢到識飛, 踢返曼聯就篤屎咁

人地阿仙奴上年打護級咁濟都未炒阿迪達, 仲畀佢玩捉鬼

雲高爾, 摩連奴, 蘇B個個都2,3年就走, 耶子由畀人笑佢天才到贏利記

我覺得高層同球員問題遠多過領隊能力, 今次就搵施丹, 咁換法下次又搵邊個呢,

有邊個想教一隊冇support又搵人祭旗既波呢利申49000