【西餐】煎西冷牛扒

平價雪藏牛扒多數伏,唔理美國usda prime定澳洲巴西,伏在你以為係雪花油脂其實大多數係筋,花舊幾兩三舊去食舊鎅唔開全塊筋嘅牛,你會喊出嚟!

日本產和牛扒就真雪花,但雪花太油膩唔係人人鐘意.

不過呢排試過幾次donki隻西冷牛扒同牛腱扒,發覺cheap得嚟唔差甚至可以煎出扒屋牛扒質素.(兩隻牛扒個人認為西冷較好.)

點擇最好就係越少白邊越少白色筋脂最好.

解凍(放金屬器皿半小時以上就會自動解雪),用廚房紙印乾血水.先用黑胡椒灑遍牛扒兩邊封鎖20分鐘,到要煎時先落灑鹽牛扒兩面(原因係鹽會拿實牛肉,煎時先落最好)

,同埋預備錫箔紙.

米豬蓮星廚煎牛扒法開始

大火燒熱煎pan(高熱),再下油.下了鹽嘅牛扒即時放pan煎30秒反轉另一面再煎30秒. 立即夾起放錫箔紙上回溫.

煎pan熄火.等10分鐘後細火開爐下一片無鹽牛油煮溶後開大火,放返兩塊牛扒落pan兩面各煎30秒. 上碟成功.(20秒都可以)

上埋琴日碗南瓜湯 是晚西餐 完成!

大火燒熱煎pan(高熱),再下油.下了鹽嘅牛扒即時放pan煎30秒反轉另一面再煎30秒. 立即夾起放錫箔紙上回溫.

煎pan熄火.等10分鐘後細火開爐下一片無鹽牛油煮溶後開大火,放返兩塊牛扒落pan兩面各煎30秒. 上碟成功.(20秒都可以)

點解唔係用牛油煎20秒再反身煎20秒再淋牛油煎10秒再上碟回溫切

利申 米支那3星大廚

全程用牛油煎太油膩同易濃(尤其高溫煎),最後加牛油回pan煎係幫牛扒增加一點牛油香又唔會油霖霖.

可食用

我之前有做埋煎蒜片(一口牛+蒜片好好味),不過功夫就多咗,撕蒜頭衣再切蒜片幾花時間因為我會用到半個蒜頭,但就更好味.

如果蒜片做法,就係待牛扒錫箔紙中回溫5分鐘後,就開煎pan較中細火煎蒜片,煎到微焦約莫要2,3分鐘,再放入牛油溶解.煎pan內蒜片推去鍋邊,再開大火回放牛扒兩面各煎2,30秒,就有牛油香+蒜香風味.

正呀

有蒜好好多

反擊喇劣牛

出血水？

如果係急凍嗰啲

食前一日要放雪櫃普通格

食前幾個鐘放出嚟室溫，應該唔會出水

如果出血水嘅話咁即係佢啲肉汁都走埋出嚟。

咁會無咁好食。