睇完近距離愛上你真係覺得好滿足

台灣近幾年嘅bl作品都驚喜處處

青春悸動或者寫實虐心嘅都有

本身本住對永遠的第一名嘅質素期待續集

可惜第二名的逆襲個劇本同剪接都爛出新境界

帶住失望惋惜同空虛去睇近距離愛上你

無乜期望嘅情況下

對住咁搞嘢嘅劇情逐漸睇到上咗癮

仲對副cp偽兄弟線着迷

飾演細佬嘅林嘉威

將腹黑嘅思想行為

癡迷執著嘅愛戀

追求成功後嘅活潑調皮

通通都發揮得淋漓盡致

至於飾演呀哥嘅安俊朋

將對細佬嘅情感糾結

係咪向家人坦白性向嘅不安恐懼

接受細佬後嘅魅惑甜蜜

亦表現得爐火純青

兩個人將偽兄弟情侶嘅故事都演得飽滿

塑造到角色立體

營造到情人之間嘅火花流動

全力以赴咁去演

當然主cp同其他演員都做得好

老實講睇得越多bl作品

演員有冇心去演真係容易睇到

最難得係4位主演喺上節目電台宣傳

都拋低曬包袱唔會話扭扭擰擰

喺宣傳期無爆出不和唔配合啲無謂嘢

而家睇曬套劇雖然有唔捨得

但都開心睇到一套唔錯嘅作品

衷心祝福4位主演未來有好發展

最後都要講句武漢肺炎去死

四個換做error

好多謝你善心打破0回覆

Error就擺明革命兄弟情

不過會期待香港版大叔的愛

有冇30歲處男咁好睇先

係郊登少有嘅長文

如果講雙男主角嘅內心感情描寫

比唔上30歲魔法師細膩

但如果想搞笑得嚟套嘢又言之有物嘅話

近距離可以一睇

好感動竟然有人覆

Gayyyyyyyyy

我都鍾意睇故仔

但作為過來人我麻麻地bl

唔緊要

我出post都係講咗自high就算

咁你應該睇埋遠古BL 劇﹝天若有情﹞

鄭伊健迷姦吳岱融

呢pair我知但唔係兩情相悅同悲劇收場麻麻地

唉我知呢套我用濾鏡睇

其他人應該覺得難以接受

覺得想幫近距離兄弟線平反下

近距離兄弟兩個無血緣關係

劇情對白有嘗試喺親密行為前後表達偏向酒後亂性

細佬嘅對白: 我好愛好愛的人就是你

呀哥嘅對白: 太好了 你好愛好愛我 我也好愛好愛你

呀哥事後喺床唔係一嘢彈起反而係回味後先覺唔對路

同劇劇情上有另一男人欲對另一cp中嘅人落藥迷姦

而嗰個人被另一cp嘅伴侶打一身再被調職

喺兩者情節對比下可以睇到明確分別

古祖嘅天若有情係一個好悲嘅故事

親細佬愛上一個唔應該愛嘅人因為係親呀哥

愛嘅方式同過程亦係傷盡呀哥

係一段由一開始就錯嘅愛戀

天若有情嘅編劇喺90年代寫出呢類咁禁忌嘅故事

可以話係好前衛好大膽嘅事

比起批判我覺得會傾向係電視創作嘅突破

將哀傷到極致嘅發展包裝喺曲折緊湊嘅故事

天若有情呢個劇本係爭議但亦高難度

個人覺得影視之類屬藝術嘅表達個空間其實可以廣

就好似主機同電腦遊戲大作咁

題材同內容都好百花齊放

就咁武斷話睇咗就扭曲人思想

同打血腥game就引伸會導致暴力傾向一樣

成件事太唔公平

‎林子閎好靚仔但第二輯真係炒晒車

黎緊好似會拍第三輯

呀呀呀有同好

第一季真係神作

第二季爛到

第三季係講表哥同余真軒嘅故事

表哥嗰對個人設搞到咁複雜好驚又寫爛

第一季真係好sweet

除左YU 啲戲太屎有時出左戲

表哥真軒條線...其實覺得啲病設定有少少膠但佢兩個係正既

余真軒無辜大眼個可憐樣

期待張睿家同石知田嘅表現

成班gay毛

加入我們吧

大叔的愛6月28首播

呀呀呀呀