微軟將研究主機新功能「FPS Boost」是否能夠支援 Xbox 360 或更舊世代遊戲

微軟早前宣佈會於 Xbox Series X｜S 主機上新增「FPS Boost」機能（相關報導），Xbox 程式管理總監 Jason Ronald 接受外國 Youtube 頻道 Kinda Funny Games 時表示，目前將會主力針對 Xbox One 年代遊戲進行幀速率提昇工作。

由於 Xbox One 於機能上最為接近 Xbox Series X｜S，所以優先處理 One 年代遊戲嘅「FPS Boost」將會係最實際嘅選擇；不過，Xbox 360 以及初代 Xbox 上面其實亦有大量出色經典作品，喺遊戲開發商未有進行重製｜高清嘅情況之下，唔少玩家都好奇「FPS Boost」到底會唔會日後同步應用到舊世代遊戲上面。

Jason Ronald 表示，佢地明白玩家嘅考量，工作室其實亦有就唔同嘅 Xbox 360 或更舊年代嘅遊戲進行「FPS Boost」測試，不過目前尚未能獲得最令人滿意嘅成果，亦發現部份舊遊戲實在難以於次世代主機上面遊玩。不過，佢亦強調，工作室亦會嘗試不同嘅程式調整，希望能夠做到新舊遊戲都能夠於主機上面運作嘅美滿方法。