拿去花吧. PTGF

蕃茄
#1 資深
17/02/21 13:32

過去咗喇,慶幸呢段PTGF經歷已經過去咗,我唔係一個好女仔,但我好努力想做一個好女仔。

行街 $500/hr (包拖手)

Lunch $700/1.5 hrs

Dinner $1000 /2.5 hrs

Room Plan

$2800 /1Q/1hr

$4800 /2Q/2hr

其他另議,只上酒店,不上車,不上屋企。港島區先付100蚊訂金。100% not agent,可街等。

以上係我做PTGF嘅價目表,我唔需要名牌手袋同埋最新iPhone,把心一橫做呢行只因為爭人錢,仲要係打工所以爭人錢,你話諷刺唔諷刺?

當時我入行做保險,聲稱有底薪,其實根本唔係底薪,只係預支畀我,你跑到單跑到數就會扣返,你開唔到單就要還錢畀公司,希望你有做過呢行嘅讀者可以明白,因為一般未做過嘅街外人係唔明,仲可能質疑你個故事好假,正確嚟講,係質疑我嘅遭遇好假,搵藉口畀自己做PTGF。

我係單親家庭,媽媽腰骨有事,搵工唔容易,搵到,又腰痛頂唔住,我想賺多啲錢養家,但發覺自己嘅學歷同能力有限,有考慮過再進修,所以當我手上有一份Sales工同埋保險工offer嗰陣,我揀咗後者,貪佢時間可以自己控制,可惜望返轉頭,我先知自己揀錯。

受唔住保險份工嘅不合理捽數,一辭職就畀公司追返啲人工,冇辦法之下問咗幾個friend借,原來好多人仲燶過我(或者只係唔想借畀我啦)。問人借錢嘅過程當中,有個女仔friend話佢做緊PTGF,因為欠緊好多卡數,但我需要嘅銀碼好細,提議我同佢一齊做,仲話我應該好快可以還清保險公司條數,賺埋學費再進修都得。

初時覺得好荒謬,冇諗過有人叫我入行做PTGF,不過之後幾日係咁畀人追數,加上問人借錢嗰陣有好多說話聽,我竟然認真考慮起上嚟,思前想後,打返畀我朋友。

我:「Elaine,係咪可以跟你一齊做?可唔可以講多啲畀我聽?」

問咗一啲細節,我已經覺得大開眼界,然後Elaine就帶我進入呢個新世界。

我問Elaine:「可唔可以齋食飯,唔同人搞嘢?」

Elaine:「你仙女下凡咪得囉,好心你啦,不如豁出去,嗱嗱聲搵夠仲好啦!你唔係想買車買樓㗎嘛,你想還晒保險公司啲錢同埋讀書啫,隨時一兩個月都搞掂啦!」

我認識嘅Elaine,喺PTGF嘅世界同圈子裡面有另一個英文名,而我,為穩陣起見亦都改咗另一個名,就係我投稿用嘅「Dada」。

開始時,我唔敢立即答應人哋ML plan,希望先接出街plan,等自己熱下身之餘,亦可以揀合眼緣嘅客先去酒店,PTGF有呢樣好,唔係個個行埋嚟都要接,佢揀我,我都可以揀佢,喺TG聯絡嗰陣,我甚至會叫對方「自介」。

頭幾個客人都比較宅,唔識形容,總之係宅,有一個仲要矮過我,佢哋同我出完街之後,好多都會搵我再約ML plan,反而有個幾高大威猛嘅男仔,佢同我食完lunch就冇再搵我,所以呢,又係我揀人,人揀我。

有冇啲客係TG傾計時已經reject?有!有啲問我拎價目表時,會有好多要求,例如問SM幾錢?上車搞得唔得?去佢屋企搞得唔得?我唔想有危險,呢啲客一律唔接。

後來遇到個客叫Nelson,30幾歲,四眼斯文樣,連續三四次約我出街同埋Dinner,因為我入行冇耐,所以Nelson呢種已經算係熟客。我哋兩個出街氣氛唔錯,大家會講下工作,佢做啲唔知咩工程,聽咗都唔知講乜,不過我嘅職責就係好似女朋友咁聽客傾訴,所以係工作嘅一部分,我並唔介意。

Nelson對我嘅工作一樣好有興趣:「有冇遇過變態客?」

我:「又冇喎,通常TG會問清楚玩咩先,叫我著校服搞算唔算變態?」

Nelson:「搞錯呀,你個樣超齡喎,著校服都似咩?」

我:「你唔好理,阿姐我有市場,吹咩?」

Nelson:「你同幾多個客搞過呀?」

我:「搞嘢就得幾個咋,我其實做咗兩個月都冇,你都冇幫襯我啲ML plan啦!係咪純粹想有拍拖feel,唔一定要搞?」

Nelson:「唔……我想同你傾一個deal。」佢忽然認真起上嚟。

我:「咁凝重嘅,唔慌好嘢喎,講明先,唔玩變態,SM免問。」

Nelson:「唔係唔係,唔好誤會,我想你扮我女友,嚟緊年三十晚上我屋企食團年飯,另外初一同初二陪我拜年,一萬蚊一餐飯可以嗎?但你知屋企飯局唔似出街食,時間會耐好多,總之我約你6點,如果超過11點先走,我再加鐘畀你好唔好?。」

我:「真係咁簡單?一萬蚊一餐飯唔使搞嘢?」

Nelson:「唔使,真係食飯,不過我屋企算係大家族,你盡量配合下,到時氹多啲老人家。」

我:「可以呀,唔好反悔。點解唔正正經經搵個女朋友啫?呃老人家好咩?」

Nelson:「我爸爸身體唔好,佢成日話自己過唔到今年,我梗係想佢長命百歲啦,不過佢身體係差咗好多,近三個月入咗兩次醫院,我唔想佢有遺憾。」

返去同Elaine講呢年事,佢鬧咗我一大餐:「咪講咗我哋唔可以上客人屋企囉!唔上車唔上屋企呀!你畀人溶咗都唔知咩事,快啲推啦!」

我:「答應咗喇,同佢食過幾次飯,份人幾好,唔似變態。」

Elaine:「變態佬點會話自己係變態㗎!佢可能set個局引你上去咋,你點知佢屋企係點呀?叫天不應叫地不聞呀!」

我同Elaine因為呢單嘢嘈咗幾句,最後我堅持接Nelson嘅生意,因為我希望盡早上岸,後來Elaine態度亦軟化,佢叫我留低Nelson嘅地址電話,嗰幾晚會keep住打畀我,一定要報平安。

年三十,我應約去Nelson屋企食團年飯……

#2 DutalaTortoise
17/02/21 15:16

聽舊同事講

要同有錢佬做生意好簡單

唔需要同佢講細節

只要佢叫你隊哂成支烈酒你照做就得

#3 資深
13/05/22 09:35

$4800, 屌你咩

#4 九七淪陷
13/05/22 10:02

以為入咗講故臺

#5 陽州炒飯
13/05/22 14:42

too long...

本主題共有 5 則回覆,第 1 頁。