因管理不善而在全港連鎖院線市佔率排名中節節下跌的娛藝院線又執一間！與黃百鳴 Cinema City 齊名

因管理不善而在全港連鎖院線市佔率排名中節節下跌的娛藝院線（UA Cinema）又執一間！MCL 母公司尋日宣布以作價 5600 萬收購 UA 旗下嘅 K11 Art House，同埋將會承租同樣位於尖沙咀、現由百老匯營運嘅 The ONE 戲院。

UA 喺社交網頁貼出通告，話 K11 Art House 會喺 3 月開始易手，而現有 K11 Art House 嘅會員會籍全數會終止，受影響顧客需要親身前往 K11 Art House 辦理退款手續，積分會按比例兌換成禮券，但只可以喺易手後嘅 K11 Art House 使用。而大批會員喺社交網站表達不滿，話 UA 之前鼓勵自己嘅會員升級去 K11 Art House 嘅會籍，而且享有同院線旗下戲院嘅優惠；但如今會籍被終止，會費要再交過，而且會籍等級要由頭計起，加上戲院數目越來越少，批評 UA 越做越頹。

今次亦係 UA 喺 10 年間第 11 次執戲院，而今次執完之後 UA 亦都會得返 6 間戲院，少過昔日四大院線但如今市佔率排第五、有 7 間戲院嘅嘉禾，首次成為排名第四嘅連鎖院線，與黃百鳴持有嘅 Cinema City 齊名。UA 嘅市場佔有率曾經同市佔第一嘅百老匯不分上下，如今戲院數目同告節節下跌，大埔、深水埗戲院又遲遲未開張，市場佔有率保唔保得住雙位數，仍成疑問。

而今次嘅公佈意味著百老匯 The ONE 都會易手。易手後，MCL一系嘅院線數目同樣會增加兩間至 13 間，超越百老匯嘅 12 間，首次成為全港最大院線；而今次亦係 MCL 一系繼 2002 年新港中心戲院結業後，再次踏足尖沙咀。

★ 因管理不善而在全港連鎖院線市佔率排名中節節下跌的娛藝院線（UA Cinema）於網站通知顧客有關 K11 Art House 執笠事宜

MCL老細上水未

如今市佔率排第五、有 7 間戲院嘅嘉禾，首次成為排名第四嘅連鎖院線，與黃百鳴持有嘅 Cinema City 齊名。

UA係衰撚過黃伯

利申：閱讀理解攞A

叫得「因管理不善而在全港連鎖院線市佔率排名中節節下跌嘅娛藝院線」，衰過任何戲院都係正常現象

🍊