恐怖故試寫
雖然未必有人睇,但想試吓喺呢個平台更故,請各位多多指教。
呢個故我都有喺其他嘅平台更新,有興趣可以去搵吓。
聽講只要成為越多人相信同恐懼嘅存在,靈體就會變得越強大。靈體慢慢會失去原本嘅思想,越嚟越接近傳言中嘅角色,最終成為真真正正嘅惡靈。
最近幾個月,出現咗一個新嘅都市傳說。
如果太夜都仲未返屋企,喺街度流連嘅話,有機會會遇到鬼打牆嘅情況。搵路嘅時候,會有一個著紅色連身裙細路女突然喺身後出現,主動問人係咪搵佢。
無論答佢係定唔係,第二日清醒後都會發現自己企喺危險嘅地方,懸崖邊、海邊、甚至係天台......只要一叉錯腳,就會跌落深淵死亡。
天水圍係最先傳出呢個都市傳說嘅地方,所以呢個都市傳說中嘅細路女,被人稱為天水圍迷路女童。隨住傳言越嚟越誇大,發生嘅靈異事件都越嚟越多,發生事件嘅地區開始擴大。
迷路女童而家轉化為惡靈嘅指數係75%......
👌
我都依加都唔明網故價值係邊?商業故起碼質素有保證 點解睇二打六寫故?
恐怖故一句都夠:
有隻頭一尺粗的烏龜問瀨川音符:「等我幫你量化寛鬆好嗎?」
我都依加都唔明網故價值係邊?商業故起碼質素有保證 點解睇二打六寫故?
有留意嘅話,就會發現有部分網故文筆好,但會冇乜人睇。喺連登嗰邊嘅連登仔傾向於睇甜故,同比較簡單易明嘅。
當然網故都有唔少寫得好,好似墨說同邦拿。
而我都係無聊先寫,中學畢業之後,其實已經冇太多機會去執筆寫文。睇到自己文筆有進步,的確係滿足嘅。
而家主要去學寫粵文。
其實呢面主要係試寫,如果唔啱郊登仔口味,就由得佢沉喇。
關於粵語創作,此文值得一讀。似是比較偏激,但亦有道理。
宋元明清而來的白話文不是直錄口語,而是經過淬煉而入文。
故此我認為,粵語創作可藉白話文為骨架,於適當地方用粵語為佳。
文章有講,食飯,飲水等詞可以取代吃飯,喝水。
即係好似三及第咁
三及第幾有趣,其中有一例:
報紙如《先導》,報道也文白粵夾雜:「英蘇關係,至今仍大纜攪唔理,互換覆文,水歸水路,亦未嘗無因也。」
可見粵白套語可以入文,但非取代文言之意也
天色已經入夜,因為迷路女童呢個都市傳說最近被廣泛流傳,令唔少人心寒,提早返屋企。本身有悲情城市之稱嘅地方,更添一份沉重嘅感覺。
「沙啦沙啦」
路上基本上得返少量行人,幽靜嘅環境,連風吹過樹葉所發出嘅聲音都異常清晰。暗黃嘅街燈,令街道更加陰森恐怖。
「好驚......」
「只係一個細路女惡靈,可能一拳已經可以搞掂佢,都唔洗特登搵靈媒啦。」
「我已經準備好相機,如果真係影到靈體,賣俾傳媒應該可以賺好多錢。」
四個年輕男女走喺路上,不停嘻笑玩鬧,令緊張恐怖嘅氣氛緩和咗唔少。唯獨一個著住西裝嘅男人,遠遠跟喺佢哋後面,無聊咁打喊露。
「行咗咁耐,連一個細路仔嘅影都搵唔到,真係無聊。果然都市傳說都係呃人,我地影相打完卡就走啦。」四個年輕男女拎出相機自拍,見到遠處無所事事嘅男人,就大聲叫佢:「仲成碌木企喺度,過嚟幫我哋影相。」
「係係......」男人接過佢嘅相機,無奈咁應承。跟咗佢哋成晚,一早就想早啲完成任務返屋企瞓。
打完卡之後,佢哋就直接轉身離開。
「費用方面,因為冇遇到靈體,聽日會再重新報個價俾你哋。」男人慌忙咁走到佢哋面前,提醒佢哋。
「吓?你做得靈媒,連幫手搵傳說中嘅迷路女童都搵唔到。浪費我哋咁多時間,最後咩都冇做到,分明係呃人。我哋一蚊都唔會俾,唔上網唱衰你間公司已經算好。」原本仲笑容滿臉嘅年輕人聽到費用兩個字之後,瞬間變咗一個尖酸刻薄嘅嘴臉。
佢哋直接上自己嘅私家車離開,留底靈媒先生一個人喺原地。靈媒先生無奈咁打開銀包,望一望裡面所剩無幾嘅銀仔,自言自語:「唉......又要做白工,行路返屋企算。」
四個年輕人上到車之後,又繼續嘻笑。其中一個拎起相機,睇返剛才影嘅相。
「咦?」佢發現相裡面仲隱約影到一個矮小嘅紅色身影企喺佢哋身後,每一張相都有。
佢以為自己眼鏡污糟咗,擦一擦眼鏡,又擦一擦螢幕。檢查一吓鏡頭,並冇污糟同劃花嘅痕跡。四個人輪流zoom大張相,擘大眼再睇清楚相中嘅紅色身影。
「哥哥姐姐,你哋係咪搵我啊?」
後座突然傳嚟細路女嘅聲,令佢哋嘅表情僵硬咗,皮膚瞬間起曬雞皮。
「啊!!!」
佢哋受到驚嚇,車失控撞到大樹。車頭嚴重變形,開始冒起煙,佢哋都昏迷過去。喺遠處嘅靈媒先生聽到巨大嘅聲響之後,即刻向出煙嘅位置跑過去。
上咗紙言睇,幾好睇有少少少少三聯牟宗三影子
上咗紙言睇,幾好睇有少少少少三聯牟宗三影子
多謝支持
你嘅故都要加油
上咗紙言睇,幾好睇有少少少少三聯牟宗三影子
多謝支持
你嘅故都要加油
唔加架喇小小嘗試 好睇就自然多人睇 唔好睇咪寫俾自己睇
上咗紙言睇,幾好睇有少少少少三聯牟宗三影子
多謝支持
你嘅故都要加油
唔加架喇小小嘗試 好睇就自然多人睇 唔好睇咪寫俾自己睇
試吓冇壞
我一開始都係貪得意寫膠故,想寫嚟笑
呢度墳場未夠恐怖?係咪睇唔起我哋郊登仔
「喂!你哋有冇事啊?」靈媒先生趕到嚟,即刻衝上去睇佢哋嘅情況。
車頭嚴重變形,開始冒出黑煙,好似隨時會爆炸咁。車上嘅人全部都昏迷,靈媒先生粗略喺心裡面點吓佢哋齊唔齊人。
一......二......三......四......
見到全部齊人,靈媒先生就準備救人。
「五......」
聽到身後多咗把細路仔聲報數,靈媒先生嚇咗一嚇。即刻轉過身,發現多咗個細路女企喺佢後面,而且企得好近......
細路女大約五歲左右,著住亮麗嘅紅色公主裙。五官可愛又精緻,大個絕對有潛力成為一個靚女。蒼白嘅臉色對比下,令擦咗鮮紅色唇膏嘅嘴唇顯得更加鮮豔。好似剛吸完血一樣,令人對佢嘴角嘅色彩產生懷疑。
到底係普通唇膏啊?定係血漬......
前面就係車禍現場,但佢一啲都唔驚,安安靜靜咁望住靈媒先生。見靈媒先生都望住佢,佢輕輕拉住靈媒先生嘅衫角,擺出一個甜美嘅笑容,但語調平穩呆板:「哥哥,你係咪搵我啊?」
表情同語調嘅反差,令人感覺好詭異。黑色嘅眼珠冇絲毫笑意同光彩,一同佢對視,就好似要跌落深淵一樣,意識變得遲鈍。被看透靈魂,心裡面嘅想法會表露無違,做出下意識嘅動作。
表情呆滯嘅靈媒先生不自覺咁踎低身,向細路女精緻嘅臉伸出手,用手指輕輕將佢嘴角畫出界嘅紅色擦走。明明只係單純嘅動作,但畫面仲帶住絲絲嘅曖昧。
呢個畫面......好熟悉......
諗起上一個做呢個動作嘅男人,細路女嘴角嘅笑容都越嚟越天真無邪,俾人嘅感覺都越嚟越危險。
靈媒先生緊緊捉實細路女嘅膊頭,並冇再做出細路女預想中嘅動作。細路女有啲疑惑,靜靜咁等待靈媒先生之後嘅動作。
「你已經唔記得咗我?我已經等咗你幾個月,見到你仲咁精神就好啦。」靈媒先生表情依然呆滯,証明佢而家嘅動作同說話,仲係反映住內心。
細路女聽到佢搵咗自己幾個月之後,有啲驚愕,原本扯住靈媒先生衫角嘅手都鬆開。
呢個細路女喺呢個時間仲喺街度,著住紅色連身裙,周圍問人係咪搵佢,的確同迷路女童嘅都市傳說似到十足十。
若果靈媒先生未見過眼前嘅細路女,應該都會誤會。但偏偏佢一眼就認出,呢位小朋友就係幾個月前搵過佢幫手嘅小客人。
雖然衣著裝扮同之前好大出入,但因為種種嘅原因,令佢對呢位小客人印象異常深刻。
幾個月前,有一個身形瘦小嘅細路女嚟到靈媒先生嘅除靈事務所。
細路女身上嘅衫好殘舊,已經洗到發白。一手拎住印有眼前男人大頭嘅傳單,另一隻手就小心翼翼咁抱住裝有寵物烏龜嘅箱。
手上嘅傳單印有大量誇大嘅宣傳字句,雖然有啲字佢唔太明白,但總覺得傳單裡面嘅靈媒先生係個好厲害嘅人物。
「哥哥,你可唔可以將我除靈?」細路女抬起頭,認真咁問眼前嘅男人。用無害嘅外表,講出無比嘅詭異說話。
呢度墳場未夠恐怖?係咪睇唔起我哋郊登仔
我其實幾鍾意呢度
靜有靜嘅好
我都依加都唔明網故價值係邊?商業故起碼質素有保證 點解睇二打六寫故?
乜都踩左先嘅人真on9
第一眼睇到天水圍以為又係六角星單野
而我都係無聊先寫,中學畢業之後,其實已經冇太多機會去執筆寫文。睇到自己文筆有進步,的確係滿足嘅。
而家主要去學寫粵文。
其實呢面主要係試寫,如果唔啱郊登仔口味,就由得佢沉喇。
你肯定唔知膠登仔獨有文化啦 鞭屍
我點都會留意下呢個故
btw 我都好耐無睇網故
對上個次睇網故係 個套咩赤紅枯樹沙卷葉 既天堂私服故仔 好似由向舉鐵兄致敬既巴打寫
第一眼睇到天水圍以為又係六角星單野
唔係啊
我是但作㗎
而我都係無聊先寫,中學畢業之後,其實已經冇太多機會去執筆寫文。睇到自己文筆有進步,的確係滿足嘅。
而家主要去學寫粵文。
其實呢面主要係試寫,如果唔啱郊登仔口味,就由得佢沉喇。
你肯定唔知膠登仔獨有文化啦 鞭屍
我點都會留意下呢個故
btw 我都好耐無睇網故
對上個次睇網故係 個套咩赤紅枯樹沙卷葉 既天堂私服故仔 好似由向舉鐵兄致敬既巴打寫
多謝支持
靈媒先生見細路女只係嚟惡作劇,原本臉上親切有禮嘅服務業微笑僵硬咗。
細路女一直抬起頭等待佢回應,等到條頸已經開始好攰,所以再補充一句:「我會俾錢㗎。」
細路女喺自己嘅銀包仔拎出剩低嘅全部銀仔,遞俾靈媒先生。靈媒先生冇接受,擺出一個陰森恐怖嘅表情。然後用旁邊嘅食鹽灑向細路女,想嚇怕佢,都借此證明細路女並唔係靈體。
細路女冇避開,仲主動伸手接住食鹽。食鹽落喺佢身上,身體一啲變化同不適都冇。佢輕輕咁搖搖頭,表情好失望。
「係請我食?可以除靈㗎?」細路女眼定定咁望住手上嘅鹽粒,慢慢咁伸出脷,由下而上,將手上嘅鹽全部舔乾淨。
「仲未夠啊......我仲可唔可以食?」目光轉移到枱面上嘅細包食鹽,輕聲問。
靈媒先生都仲未反應過嚟,細路女已經迅速咁拎起食鹽,抬起頭,直接將剩餘嘅鹽都倒落口。靈媒先生嚟唔切阻止,只能夠震驚咁瞪大眼,睇住事情嘅發生。
好痛苦......
食鹽除靈,睇嚟係有效.....
「咳咳咳......」味蕾無法突然接受咁重口味,細路女直接將難受嘅表情流露出嚟。
好彩嗰包鹽只係剩返少少,食完之後,細路女意猶未盡咁用條脷舔一舔嘴角遺留嘅鹽粒。雖然痛苦,但佢嘅眼底閃爍住一絲瘋狂,令人心驚。
「點解啊?點解我仲未被除靈?」
細路女突然衝埋去捉實靈媒先生嘅衫角,再一次祈求佢:「請你將我除靈......」
「夠啦!唔好再玩啦!你咁樣食法,唔好話係靈體,就算係人類都會死,快啲飲水!」靈媒先生接受唔到細路女嘅瘋狂,將佢推開。然後即刻搵樽水,灌落細路女嘅口。
「小朋友,你絕對係人類嚟,一睇就知除唔到靈。快啲返屋企,媽媽等你開飯啊。」靈媒先生長期冇生意做已經好煩躁,都冇心情再同小朋友玩,唔耐煩咁想趕走佢。
「真嘅?冇理由㗎,明明媽媽話我係惡魔嘅女啊......如果我消失咗,佢就會開心。只要媽媽開心,只要佢鍾意我,我咩都會做㗎......」細路女好堅持,唔似講笑,反而似被人長期洗腦咁。
而靈媒先生聽完之後,不可思議咁望住眼前嘅細路女。正常嘅小朋友根本冇可能講得出呢啲說話,應該係佢嘅家長成日喺佢面前提,先會影響到佢。
「唉......入嚟啦。」靈媒先生一臉無奈咁嘆咗一口氣,轉身俾細路女入去坐。
佢搵咗好耐,但公司只係得咖啡同啤酒,完全冇啱小朋友飲嘅飲品同點心。佢最後喺西裝褸衫袋拎咗一盒喉糖,倒一粒遞俾細路女:「你食唔食糖啊?」
細路女望住眼前嘅喉糖,猶豫咗一陣先接住。低聲講一句:「多謝。」
佢同其他小朋友嘅反應好唔同,拎到糖之後,感覺好緊張,好抗拒。糖嘅外層被佢手指嘅溫度溶化,令手指有啲黏黏嘅感覺。
「點解唔食?」靈媒先生總覺得眼前嘅細路女好古怪同詭異。
「粒糖有冇蟲喺裡面?」細路女仔細咁觀察粒糖,天真咁問。
細路女而家會轉化為惡靈嘅指數係0%......
LM一鍵留名
我都依加都唔明網故價值係邊?商業故起碼質素有保證 點解睇二打六寫故?
乜都踩左先嘅人真on9
hi
「呃咳咳......呃......」
「嗯哈哈哈哈......」
一見到糖,就抅起細路女唔太好嘅回憶。腦海回響住自己嘅乾嘔聲,同記憶中某個男人嘅取笑聲重疊。
拆開糖紙,裡面彩色嘅糖好靚好吸引,散發出陣陣香甜嘅氣味。糖中間嘅色彩好似識流動一樣,隱約變換住唔同嘅顏色。
細路女因為緊張,手指微微用力,唔小心喺糖嘅外殼整出一個小缺口。佢望入去,發現糖裡面有一條黑色小蟲將頭微微露出嚟。
細路女嚇咗一跳,佢驚恐咁將糖掉落地下。黑色嘅小蟲卡喺缺口出唔到嚟,帶住沉重嘅外殼喺地下慢慢蠕動。
「粒糖有咩問題?快啲食啊。」男人滿臉笑容,扮到完全唔知情咁。
呢個男人係媽媽嘅男朋友,媽媽好愛好愛佢。就算自己被打、經常被眼前嘅男人整蠱,媽媽都只係默默咁注視,甚至轉身離開。因為媽媽嘅默許,令細路女一向唔敢拒絕男人嘅要求。
喺男人嘅目光注視下,細路女用微微抖震嘅手,將地下嘅糖執返起嚟,放入口......
甜美嘅糖,其實糖衣毒藥。亮麗嘅外殼低下,其實包住一條活生生而且醜陋嘅黑色小蟲。
明明想直接吞咗粒糖,但黑色小蟲喺幾番掙扎之後,終於喺小缺口爬出嚟,重獲自由。感覺到小蟲喺自己嘴裡面不停蠕動,細路女只係想作嘔。
「唔好浪費啊......」男人注意到細路女想將蟲嘔返出嚟,佢瞬間收起笑容,用威脅嘅語氣對細路女講。
「嗯......」細路女驚恐咁應咗一聲,就努力想將小蟲吞落肚。
小蟲嘅求生意欲好強,不停咁想向外邊爬。細路女盡量避開唔敢咬條蟲,足足吞咗好幾啖口水先成功將蟲吞落肚。
事後細路女始終都係忍唔住生理反應,不停乾嘔。
「嗯哈哈哈哈......」耳邊只有男人惡作劇成功嘅取笑聲。
靈媒先生同其他大人一樣,用懷疑嘅目光望住細路女,開聲打斷佢嘅思緒:「當然唔會,啲糖我今日先買......」
細路女注意到之後,心跳漏咗一拍,忍住嘔心嘅感覺,將糖快速放入口,想即刻吞落肚。無奈佢喉嚨實在太細,卡住咗,令佢差啲呼吸唔到:「咳咳咳......」
「你唔鍾意嘅話可以唔洗迫自己食啊......」靈媒先生緊張咁幫佢拍一拍後背,方便佢將粒糖咳返出嚟。
「好食......」普通嘅糖,令細路女覺得好驚豔。
靈媒先生開始意識到細路女嘅家庭背景好複雜,細路女嘅價值觀嚴重扭曲,動靜都過分嘅小心翼翼。除咗外表之外,其他地方都完全唔似一個五歲嘅細路。
靈媒先生沉思咗一陣,對佢講:「我唔會將你除靈,返去啦。」
細路女唔死心咁問:「咁請你做我師傅,教我用靈能力。」
佢覺得只要能自己夠學識用靈能力,就可以自己幫自己除靈。
鞭返上嚟 等後續
細路女 你需要既唔係除靈 係杜蟲藥
鞭返上嚟 等後續
我仲有喺其他地方更新咗好多
細路女 你需要既唔係除靈 係杜蟲藥
靈媒先生拍一拍佢嘅頭,再補充一句:「我唔會教你,無論任何嘅能力就好,只可以用嚟幫人,絕對唔可以用嚟傷害人或者自己嘅心。」
細路女聽到之後,失望咁低下頭。
「但有其他問題嘅話,都可以上嚟搵我嘅。」靈媒先生喺西裝袋度拎出一張卡片,遞俾細路女,然後自豪咁對佢講:「我係除靈界嘅新星,易玄光。好好記住,多啲向同學宣傳吓啊。」
「真係?我仲可以再上嚟?」細路女若寵受驚咁抬起頭望住易玄光。
「嗯!你聽日再過嚟啦!」易玄光覺得自己反正都冇咩生意做,都唔介意得閒幫吓個細路女糾正返個思維。
細路女接過卡片之後,慎重咁袋好,然後重新抱起自己裝烏龜嘅寵物箱。烏龜好迷你,長度應該只有一個十蚊嘅大小,嬌小可愛。
由細路女嘅動作可以睇得出,佢將烏龜仔當朋友同家人一樣珍惜。間中會同烏龜仔傾偈,但其實純粹係佢自己自言自語。
聽到佢無厘頭嘅自言自語,易玄光都只係得啖笑,呢個都算係細路女佢唯一可愛同似返五歲嘅地方。
細路女不時偷瞄眼前嘅大哥哥,覺得佢同自己認知中嘅大人好唔同,令佢忍唔住親近同信任對方。佢猶豫咗一陣,決定大膽開口問:「既然我以後仲會嚟,咁可唔可以俾青青暫時住喺你度啊?」
「隻烏龜叫青青?」易玄光伸過頭過去,好奇咁望一望烏龜仔。
「係,媽媽話青青太臭,叫我掉咗佢。但係......」細路女平時最聽媽媽嘅說話,無論媽媽提出咩要求都會照做。但今次佢緊緊抱住寵物箱,好明顯係唔舍得。
除咗剛才一剎那嘅瘋狂,眼前嘅細路女每個動作都小心翼翼,乖巧到令人心痛。難得佢能夠露出期盼同信任嘅眼神,令人唔忍心去拒絕。
「可以,但我只係俾個位佢住,唔會理佢,你要自己負責照顧佢啊。」易玄光一時心軟,就應承咗。
「嗯!約定啦!」細路女好驚喜,心情好咁跳住離開。
結果等咗幾個月,細路女都冇再出現過......
易玄光一回過神,即刻拉細路女去安全地方:「小妹妹你行遠啲,我要救其他哥哥姐姐先。」
易玄光掂到細路女隻手嘅時候,被佢身上嘅溫度嚇一嚇:「你點解凍到好似冰咁?乖乖地等我。」
細路女收起笑容,呆呆咁睇住易玄光將車裡面嘅人一個個咁搬到佢旁邊。佢疑惑咁問:「點解要救佢哋?」
明明佢哋班人尖酸刻薄,都唔係咩好人......
「哈哈哈......幾個月冇見,你依然都係咁古怪。因為佢哋係我嘅客人啊,出咗咩事我負擔唔起。」易玄光無奈咁笑。
「我唔明......」單純嘅細路女始終都諗唔明,唔俾錢嘅點解都算係客人。
喺易玄光打電話叫救護車期間,細路女負責睇住昏迷嘅四個人。
其中一個受輕傷嘅女仔終於清醒過嚟,困惑咁望一望四圍嘅環境。當見到細路女之後,一臉驚恐咁用雙手支撐起身體,不停後退。
「救命啊......係你......你係佢!」佢用抖震嘅手指細路女,有啲語無倫次。
見到佢狼狽可笑嘅樣,細路女忍唔住咧嘴偷笑,然後行埋去,細聲喺佢耳邊講:「姐姐,你唔係特登嚟搵我咩?你醒咗,而家我哋可以一齊玩,開唔開心?」
「啊!!!」
突然聽到有女性刺耳嘅尖叫聲,只係喺附近打電話嘅易玄光即刻趕返過去。
原本昏迷嘅四個年輕人都唔見咗,現場得返細路女一個。
寒風輕輕吹過,吹過樹葉,發出「沙啦沙啦」嘅聲。細路女踎喺地下,專心咁研究飄到佢腳邊嘅落葉。
易玄光覺得好詭異,正常如果嗰幾個年輕人醒返,離開嘅時候,佢都應該會發現。
「佢哋去咗邊?」
「去咗尋寶......我話咗俾佢哋知,收埋寶藏嘅地方。」細路女一邊用輕快嘅語氣天真咁講,一邊玩地下嘅落葉。
寶藏?
易玄光覺得好頭痛,完全理解唔到嗰班十幾二十歲青少年嘅思想。
「噉你呢?你住喺邊?我送你返屋企。」易玄光雖然好攰,但始終唔放心細路女一個人。
「你可以送我返屋企?」細路女呆咗一吓,終於抬起頭,認真咁問佢。
「當然,都唔知你屋企啲大人諗咩,咁夜仲俾你一個細路出街。」易玄光抬頭望一望天色,而家已經係凌晨。
「約定啦......」
一陣風吹過,吹起易玄光凌亂嘅短髮,細路女輕輕喺佢耳邊留低一句說話。
易玄光即刻回頭,但已經唔見細路女嘅身影。細路女剛才企嘅地方,只係剩低幾片樹葉,被風吹起,喺空中飛舞。
「我哋仲會再見......」
細路女嘅聲音,再次喺易玄光耳邊響起。但太過於虛無縹緲,好似風咁,吹過就即刻消散。所有都好似幻覺一樣,好冇真實感。
第二日起身,易玄光只係覺得身體異常嘅沉重,好攰。瞓過頭嘅佢,食埋早餐先慢吞吞咁行返公司。
同平常唔一樣,佢喺遠處已經見到有客人企喺佢公司門口等佢。見到佢返嚟,都心急咁衝上去迎接佢。
見到其中一個男仔拎住攝錄機,易玄光有種不祥嘅預感,以為佢哋真係打算將自己放上網,話佢扮靈媒呃人。
「易師傅終於返嚟啦!」
「救吓我哋啊!」
「幾多錢我哋都會俾㗎!」
佢哋一臉恐懼,捉住易玄光求救。你一言我一語咁同時一齊講嘢,聽到人頭痛。
「停停停!一個一個講,到底發生咩事啊?你哋琴晚靈探完,唔係仲好地地咁走去尋寶咩?」易玄光面對呢啲屎忽痕又鍾意一齊圍威喂嘅年輕人,心裡面只有唔耐煩。
「尋寶?邊個同你講㗎......」
幾個年輕人聽到之後,臉色瞬間變得蒼白。只感覺背後有一陣寒意,不自覺咁退後,遠離易玄光。
「啊!!!」
琴晚車禍後,第一個清醒嘅女仔突然驚恐咁抱住頭尖叫,好似精神失常咁。
「係佢!一定係佢啊!係迷路......唔唔......」
女仔未講完,拎住攝錄機嘅男仔突然伸出手,迅速咁掩蓋住女仔嘅嘴,阻止女仔將之後嘅說話講出嚟。
女仔不停掙扎,拍打佢嘅手,但佢反而更加用力。佢全程低下頭望住地下,身體忍唔住抖震,唔敢抬頭望向易玄光嘅方向。
佢偷瞄自己攝錄機嘅螢幕,正在錄影嘅畫面裡面,出現紅色嘅裙角......
迷路女童而家轉化為惡靈嘅指數係81%......
等等 一個十蚊長度 係十蚊銀 定十蚊紙...
個易生都幾流wow 細路女變左鬼都分唔出既