警銅鑼灣隨機截查疑叫口號人士 中年女子拒被屈嗌「五一」「港獨」獲放行

逾百市民繼續不斷遊走銅鑼灣市面，偶爾齊嗌「光時」、「死黑警」等口號；警方曾大範圍推進，隨機截停個別市民查核。其中一名防暴警疑恐嚇一名中年女子：「你違反《國安法》呀！你嗌口號呀嘛！嗌『五大訴求 缺一不可』『香港獨立』呀嘛！」，威脅要以限聚令票控。

中年女子未有招認，反稱「係你講『香港獨立』咋！」，更大聲質疑警員「我犯法你咪拉我，點解要票控我？點解你唔拉我？！」獲防暴警回應「你都痴線嘅！」並放行。

中年女子離開時高罵警員「呢班仆街」，遭女防暴警要求她保持禮貌後再鬧多句「對住呢班狗唔洗禮貌！」女防暴不忿，隔空高呼「我唔係狗，我係警察！」

現時銅鑼灣市面仍有市民逗留行走，陸續有商舖商場落閘；二百警力繼續駐守戒備。