只要堅持落去，無論成效點樣，一定會有更多人加入

羊羣效應講明：「一樣嘢愈多人做，做嗰樣嘢嘅人數就會愈嚟愈多」，當一樣嘢愈多人做，加入嘅人就會愈多，即係只要堅持，加入我哋嘅人係會幾何級數咁上升。

無論你只係做咗Twitter，有幫助。

無論你只係做咗Reddit，有幫助。

無論你只係做咗TVB，有幫助。

無論你只係幫襯黃店，有幫助

無論你乜都冇做，但為咗運動而強身健體，有幫助。

唔好話無用，你有做嘢就有用，只係佢單一嘅成效好細，但合埋一齊就會好大。

---------------------

想諗下，如果一樣嘢冇人做，仲會唔會有人想做？打爛隻窗唔係好多人做，所以正正係要由打得爛隻窗嘅人堅持，其他人就會跟住。

只要你有做嘢，就有用。要叫自己堅持落去，當其他人見到你嘅堅持，佢哋就會有心加入，唔好因為見到冇人加入而放棄，「IFC都唔係一日起好」，只要堅持，一定會有人嚟。

但如果你放棄，原本想加入嘅人都會走。「如果肯踏出一步嘅人都放棄，其他人仲會唔會有勇氣去行？」

但「肯踏出一步嘅人」唔係某啲特定嘅人，每個人都可以係。

只要你肯提醒自己，只要你肯付出時間同心機，你就係嗰個「肯啫出一步嘅人」，其他人都會跟住你。

------------------

食黃店冇用？打國際線冇用？貼文宣冇用？寫信畀手足冇用？關注12港人冇用？

全部都有用。而且佢哋合埋一齊嘅效果仲有用。

所以，由今日開始，已經冇做嘢嘅人，開始做返。已經做緊嘢嘅人，做多啲。

咁樣嘅話，就會有更多人見到我哋嘅堅持，就會加入我哋。

就算見唔到黎明，只要唔放棄搵落去，一定會搵到，只係時間嘅問題，但放棄，就永遠都搵唔到。

你問我要搵幾耐？我只可以同你講，你做多啲嘢，就可以快啲搵到。

順帶一提，如果要計逐漸加入羊羣嘅其他羊，可以用Compound Interest 計

你地就係咁樣玩殘自己個囉咁都唔撚明