[35年以來首次]俄佬火箭炒車 美俄太空人平安逃生

美俄兩名太空人原定在周四下午，於哈薩克拜科努爾太空發射場，乘搭俄羅斯「聯盟號」太空船前往國際太空站，然而「聯盟號」發射升空後出現問題，二級推進器突然熄火，兩人須於哈薩克進行緊急降落，醫生抵達現場後證實兩人沒有受傷。

事後當局派出四部直升機前往搜救，美國太空人哈格（Nick Hague）及俄羅斯太空人奧夫欽寧（Alexey Ovchinin）與控制中心保持無綫電聯絡，兩人目前狀況良好，毋須醫護人員為他們進行治理。

有目擊者稱，「聯盟號」升空初時沒有異樣，但其後運載火箭出現故障，幸兩名太空人及時成功逃生。

報道指，目前國際太空站的物資仍然充足，今次補給行動失敗，不會影響太空站的運作。

今次是自1983年以來，俄羅斯載人太空發射任務首次遇挫。「聯盟號」太空船以可靠見稱，也是目前太空人來往國際太空站的唯一載具。

---------------------------------------------------------------------------------------------

講講呢單野有幾罕見

雖然火箭到而家出事比率係依然高到2-10%到(即係平均每幾十次就會炒一次，不論美俄歐日中都係)，但由於載人嘅太空任務一年得幾次，所以對上一次發射時出事已經要數到1986年震驚全球嘅穿梭機挑戰者號意外(*)，然後前蘇聯年代1975、1983年試過兩次(好似今次咁都係成功逃生)，就係得3次。

今次佢兩個都算命大，稍有差池都死得

而由於美國接替穿梭機載人嘅太空船(有兩個，一個波音，一個SpaceX)仲未搞掂(大概出年年頭到啦，由2011年7月穿梭機退役計落足足7年半以上)，而家唯一載到人去國際太空站條路係斷左嘅(#)

(*) 穿梭機最大問題係冇有效逃生方法，基本上要太空船完整先有機會飛到番地面，所以我老婆二、三家姐1986、2003兩次意外全員喪生咁慘就係咁解

(#) 神舟............係冇辦法同國際太空站對接嘅，算吧啦

太空探索到目前為止，都係一個高風險項目。

絕對agger

有老婆

為咗研究太空武器？

有排都未整到Macross上太空

早一陣時，話有篇 牛頓 寫關於 "世界末日" 的文章，內容指 "世界末日" 只係 "舊世紀" 完結，"新世紀" 來臨。

今日我地人類嘅太空計劃技術只可以講係"皮毛"，就好似 原始人 懂得 "鑽木取火" 一樣，如果要達到好似 Star Trek 個一類，可以超光速飛行去到其他星系，人類就真係去到另一個 "新世紀"，到時就真係可以叫 "宇宙世紀"。

Macross 本身都唔係人類科技

我哋只能等

炒車原因見以下片段:

火箭第一級4 part分離時其中一個撞番落火箭到，背後原因係壞sensor導致分離出錯(估計係組裝工人問題撞壞咗)

學嘢

但睇落似係過早分離?

分離嗰吓仲噴緊燃料