坐人電單車真係好恐怖😭

今日又係唱著鐘聲響起歸家的信號 準時收工走人

聽到男同事話去深水埗 心諗順路就問佢一唔一齊走

點知捉蟲入屎眼 我唔記得佢揸開電單車

就被佢捉去坐佢電單車

大佬呀 我連單車都唔識 點坐你電單車

於是我用一堆藉口推搪 我唔識踩單車我好多袋要拎男女唔好太親近

跟著佢一一解決晒 仲叫我搭佢膊頭或者揸後面對扶手

佢仲話自己揸咗廿幾年 冇試嘅

點知咁先仆街了

條友一踩油就踩副盡 我個口都未合就被啲風撞到打開咗

過圈過到好似幪面超人咁45度

又係啲貨車間穿嚟穿去

仲揸到去19x km

我從來都唔怕跳樓機過山車

但今次生命真係受到威脅

一加速個人就後面衝 一急煞就向前仆

啲路唔平個人仲會向上彈吓彈吓

我又唔記得拉面罩 啲沙入晒對眼同個口

個樣好似玩緊顏藝咁

而我雙手緊握對扶手

但唔知你哋知唔知 握咗其實都冇咩用

個人一樣向前仆向後仆 向上彈向下彈

去到中段終於麻木

亦都明白要放鬆唔好同啲風同慣性鬥力

就好似做人咁 唔好咁執著

隨著環境逆來順受

我慢慢開始走跑馬燈

喺生命受到威脅吓反思緊人生

反思緊寧願坐p都唔好坐揸咗幾十年電單車嘅人

啲人係癲㗎 冇性㗎

所以我想問 深水埗邊度有公廁可以補妝

0分

香港有邊條路可以渣到19x

陰間路

觀塘

你哋未經歷過就覺得好笑

當笑話擺喺現實 就係一件好撚恐怖嘅事

兩個麻甩佬屎忽撞棍FF gay post

呢個post已經癲過我過往嘅post總和

咁睇少自己

小

你呢句已經癲過成個post

暫時3比3平手

鴫絲仲會唔會再發功呢？🤔

200KM/H

連尾燈都見唔到。。。。點~解~~~~~~~

最憎呢ｄｏｎ９

以為好威

利申：坐過後座，攬住條中年麻甩　唔核突架咩

享受生死邊緣,試多幾次應該看破紅塵

你知就好喇，仲唔發功反擊

暴君 mk II

㩒三角是咪可以減速

跳車囉

原來郊登仔冇人玩過電單車

睇你哋唔起呀

諗你個顏藝樣同前面條友個得烕樣就想笑[sosad]