[入坑求指導] RE:0開始的動物界生活之關於新海誠喚醒我動物屬性這檔事

估都估唔到我都會有半隻腳跌入動物坑嘅一日..........

如題: 事緣前幾個禮拜DiuTV播秒速五厘米時無意中睇到，點知好似中左邪咁

第二日睇埋言葉之庭即刻急性中新海誠毒

當到中秋前播到你的名字時已經毒性發作到全身 (詳見各有關post)

結果我開始認真考慮搵更多動畫黎睇

於是就有呢個求大家推介睇乜好 + 預定自己做影評嘅post啦

先講由於時間不足關係，中短期內應該會睇動畫電影為主 (暫時可能都係每月1-2個咁上下)

目前預定睇住呢D先:

- 聲之形

- 新海誠早期作品(星之聲+雲之彼端)

- 烏大俊/吉卜力系列(以前大概睇過一半到，不過好多都冇睇哂，起手應該會由完全未睇過嘅幽靈公主開始)

- 細田守作品 (前排最新果套落左畫未? 一係就由穿越時空的少女開始)

- 在世界角落找到愛

- 今敏作品(好似係哲學+黑暗風格? 咁受人讚賞留意下先)

………其實呢堆都去到2019啦，不過如果大家有咩必睇動畫介紹，就係下面提出意見啦

我唔會考慮追新番架啦，所以推介D歷年神作就OK，長篇果D亦暫不考慮，電影版或一季度嘅就算

補充一下我D口味:

簡略版:

科幻風/人生體會有感型/偏文學型等優先

搞笑/日常/難民/校園/純愛類等亦可考慮

冒險/後宮/偶像/肉類等就應該睇唔落

詳細版:

嚴格黎講我動畫又唔算係由0開始嘅……不過比起大部分人都接觸得少(比我妹仲少好多)

人地捉小精靈果個年代我就沉迷SimCity，所以記憶中就係叮噹小丸子仲有N年前果個小露寶(!)(另加Scooby Doo/飛天小女警等歐美代表)之類

之後雖然時不時都有接觸動畫，但從未試過真正有興趣睇落去

以下係我有見過嘅動畫，基本上都係唔多過兩三集，但又唔知點解大部分都覺得OK(少部分如龍珠等口味就真係唔合):

- 男兒當入樽(好似係睇足一季，幾熱血下)

- Keroro (幾集，笑位整得幾好，我應該係Kururu D friend黎)

- 柯南(幾集，其實仲好過唔少推理日劇)

- 交響情人夢(幾集，又啱口味喎)

- 進擊(2-3集，故事設定好似幾好)

- 銀他媽(2-3集，都係睇笑位?)

- 鬼太郎(2-3集)

- 1集嘅好似仲有好幾個(遠有亂碼1/2、網球王子、Touch、棋靈王、頭文字D、Lupin III等，近有SAO)，不過都冇咩印象(除左足球小將，個節奏真係)

至於以下作品，我只係憑坊間說法有以下印象:

- 高達: 完全冇睇過

- 數碼暴龍: 完全冇睇過

- 鋼之煉金屬師: 完全冇睇過

- EVA: 完全冇睇過，好似有個機師叫綾波麗? (ry

- One Piece: 有個飛仔叫路飛，佢好似比人通緝緊? (ry

- Naruto: 只知其名，其他不詳

- 魯魯修: 只知其名，其他不詳

- 小圓: 只知其名，好似好勁，其他不詳

- 死亡筆記: 而我不知道L是誰

- 涼宮春日: 某學生會會長，好似好勁 (ry

- K-On: 幾個女仔夾band，好似係

- 京吹: 幾個女仔夾orchestra，好似係

- 俺妹: 有個男仔個有個MK妹，然後佢妹有個綽號黑貓嘅對手(?)

- SAO: 一個MK仔同一個MK妹入左遊戲世界打機(好似係)

- GTO: 2012年日劇版勁到癡線，尤其本田翼(誤)

- GuP: 女子坦克專業高中(?

- HxH: Hunter who?

- 動物朋友: 動物農莊D friend (好似係)

…………………等等啦

其他喜好:

- 小說: 完全雜食派(由金庸、倪匡、村上春樹、Agatha Christie、魔戒、Asimov、Arthur C Clarke到輕小說都有，咁多年黎好似只棄過Twilight小說版，莫言同Thomas Pynchon作品)

- 電視劇: 受老豆影響全家近幾年睇左好鬼多日劇，基本上大河劇以外咩都睇哂(連NHK晨早劇都睇左好多)，質素真係好高，不過睇得太多連刑偵劇案情都已經識背，係時候轉下口味；歐美劇對上一套有追已經係Monk神探阿蒙(Breaking Bad? Game of Thrones? 咩黎架?食得架?)

- 電影: 好少睇，上次入電影係幾年前套Gravity，而且口味真係唔咁講(例: 某次搭飛機時睇完戰狼300之後接住睇Frozen……)

- 漫畫: 唔睇

- 其他: 艦女人好似係因為我以前有睇過唔少二戰海戰D書所以莫名奇妙咁開始玩，同動物界0關係

如果係咁，你地會點推介呢?

未來呢度我應該會寫下評分同評價咁啦，大家遲D可以參考下

Steins;Gate

請補eva hunter 鋼鍊(03版應該岩你d) 幽游白書

浮游泉大冒險

唔知大臺版同支那網以外有冇得睇所以唔係幾敢推介

Btw新海誠唔算特別

商業味好重

專睇反烏托邦, 未來科幻

樂園追放, 來自新世界, 翠星上的加爾岡緹亞, 攻殼機動隊, 少女終末旅行

有興趣再講啲

‎

如果要睇希望你搵到有日文版同非支那網

再見螢火蟲

和議

加入難民營

最好補埋龍珠

LM

re0都係近年少有高質番

有時間一定要睇

強烈建議睇左no game no life先

神作

唔識

幫推

你是個毒撚肥又矮啊

家畜世界

歡迎來到NHK

月巴雪

飛越顛峰（Gunbuster），應該啱曬你要求

唔睇唉媽枉為人

大家說對不對

動物朋友

肥柒矮開後宮

但係冇二季

今敏

睇埋攻殼機動隊

淨係睇1995嗰套都得

2你有時間先睇

押井守套《空中殺手》都正

漫畫

龍珠(熱血 戰鬥 王道): 漫畫版係一流 故事節奏明快唔拖(當然你話打完一個boss又出新boss咁就另計啦 我意思係一篇入面) 由其菲利篇同斯路篇簡直係神作 打鬥分鏡清楚易睇好流暢 就算呢個年代睇 都唔覺得老套

男兒當入樽(熱血 運動): 動畫冇去到全國大賽 所以睇漫畫版啦 漫畫打山王果場我睇左超過6次 真係冇得彈 神作

幽遊白書 (戰鬥 ): 富奸對奸角同主角群嘅描寫係一流 同年代作品入面 壞人都係好邪惡 侵略世界咁 (龍珠果d) 但係幽白入面嘅奸角描寫得幾有趣 我自己覺得呢個年代睇有少少老套 不過係一套好作品

hunter x hunter (戰鬥 鬥智 反王道): 我最鐘意嘅漫畫 係一套鬥智戰鬥漫 並唔係熱血類 每一個篇章都各有特色 其中 念 呢個設定我覺得係其中兩個最好嘅戰鬥系統(第二個係jojo替身) 當中最令我深刻一定係蟻篇 劇情峰迴路轉 對兩位主角(小岡 基路亞)嘅感情描寫得非常細膩

火影 (熱血 戰鬥 王道): 因為細個成日睇coco某套抄佢嘅漫畫 所以好鐘意火影 火影第一部係好好睇好熱血 果陣戰力仲未失控 每個角色都有得發揮 其中中忍考試同三忍篇我係最鐘意

鋼煉 (科幻 戰鬥 些少哲學): 漫畫版係神作 設定有趣 伏筆埋得靚 結尾出呼意料同時非常合理 bug少 每個角色都對劇情推進好重要 鋼煉當中有一段極震撼劇情 到依家網上面都成日有人提 而且套野係幾啟發到你思考

動畫版(03)係同漫畫中段開始唔同 有興趣可以睇

其實範圍可以擴大D

根據我而家做緊D基本research，連四月是你的謊言都可能係射程範圍內喎🤔

小說

文學少女 (偏文學型 校園純愛 些少推理): 以主角同文學少女為中心 解決校園/朋友嘅事件 故事情節係以世界名著為藍本 (人間失間 銀河鐵路之夜 窄門之類) 係幾有趣嘅一本書 有興趣可以睇埋作者下一部 光還在地球之時 係以源氏物語為藍本

冰果 (偏文學 校園推理 青春): 有動畫 節能少年比好奇大小姐係咁逼佢解決唔同事件 當中作者對於青春嘅描寫係幾真實 並冇果種中二無病呻吟 而且對於角色個性嘅塑造同描寫亦都好出色 強烈推薦

咁呢套岩唔岩

冒險/後宮/偶像/肉類等就應該睇唔落🤔

動畫

乒乓: 好多人比佢畫風嚇走左 但係其實好好睇 作畫好流暢 好有動作感 而且對角色性感描寫塑造都係一流

小說講漏左

狼與辛香料 (科幻 中世紀 商業 純愛): 講大概中世紀晚期 主角係一個旅行商人 某次巧合之下同豐收神嘅狼少女一齊旅行同做生意 故事情節有趣 亦都關於唔少基本經濟商業 而且好甜好閃 強烈推薦

動畫 遊戲

steins gate (科幻): 講述主角偶然發明左個時光機 前半段幾悶 但係中段開始好好睇 強烈推薦

攪笑嘅話可以睇下

笨蛋測驗召喚獸(小說 校園): 講一間學校用考試分數分班 每一個學生都有一隻召喚獸 佢嘅強度取決於你考試分數 班級之間可以發動召喚獸戰爭 睇落好似好認真咁 但係套野係笑片黎 我幾推薦

男子高中生日常(動畫): 一班男高中生on99咁 幾好笑

純愛青春

櫻花莊寵物女孩: 愛情 追夢 乜都有 幾好睇 幾推薦

冰果(校園/推理/純愛/人生體會有感型/偏文學型

天元突破(人生體會有感型/熱血

四疊半神話大系(人生體會有感型

歡迎加入NHK！(人生體會有感型/純愛

stein gate(科幻風/人生體會有感型

化物語(人生體會有感型/偏文學型

fate ubw(人生體會有感型/熱血

銀河鐵路之夜之前睇wiki

感覺好神

龍珠可以試下直接睇龍珠Z或者龍珠改(cut左多餘劇情嘅Z

我細個唔鍾意龍珠 (屋企人迫住睇

之後突然想睇返 發現好撚好睇

3日睇左70集

艦女人

不了

high school fleet

同意

唔記得推物語

化 / 傷物語 （物語系列）

聲の形

ヴァイオレット エヴァーガーデン （violet evergarden）

天元突破

唔介意個孫燒俾你嘅就睇下 ベルセルク (烙印戰士) （因為未完。。。動畫好似呢排有新OVA，不過都未追到漫畫）

無可挑剔的戀愛喜劇

芳文社 睇蘿莉百合

グリザイアの果実呢？

呢套都半肉?