【唔知邊個but double may】安采妮拍片促經理人陳達仁停「極刑」：諗過結束自己

陳達仁旗下藝人26歲的安采妮（原名馮殷），昨日在網上發佈了一條長達34分鐘的自白，片中語帶嗚咽指控經理人有控制狂。在4年的合作中陳達仁試過過以GPS追縱行縱、轟炸式的電話短訊、騷擾自己家人及朋友，她聲稱曾因此萌生輕生念頭，全靠家中狗狗，令自己有活下去勇氣。影片中不難察覺安采妮跟已婚的陳達仁關係瞹眛，女方又表示陳達仁正在搞離婚，但片中只強調二人經理人關係。

相關新聞：【點解要查行蹤】陳達仁反駁安采妮：知道以前旅行唔係咁簡單

安采妮是愛狗之人，家中收養多隻毛孩，昨日她在一個寵物領養、暫托的平台發放該條指控陳達仁的影片，一開始她作自我介入「你好我係安采妮呀，今日係2020年嘅5月17號唔知大家仲記唔記得我呢，我差唔多成個月冇upload FB......因為係想避開陳達仁呢個人。其實本身諗住直接消失，平平靜靜過自己生活，但係我受到嘅騷擾係十分之大，我同屋企人所受到騷擾都好大、好困擾我哋。」她透露陳達仁開直播，又狂網台節目聲言「尋找安采妮」，所以要拍片呈清同交代。

她講到2016年開始跟陳達仁合作做網台節目，頭半年一切正常，雙方好似朋友有傾有講。漸漸陳的控制慾變強，經常問起自己行縱，她說︰「問我識乜嘢朋友，又send訊息畀我朋友，騷擾佢哋，都鬧過佢哋。就算同表姊出街，都要視像聽表姊把聲證明同佢一齊，就算滿足晒佢，都不斷whatsApp要知道正確地點，幾點完，幾點去到下一點，好困擾，同朋友食晚飯，就話我去飲酒，佢就send咗160個訊息畀我朋友係咁鬧，鬧人哋媽咪，又話要去人哋間店舖『幫襯』，後來發現咗佢喺我架車裝咗GPS，所以我去到邊佢都知道。佢會send嚟話你而家停喺油站喎、你而家去到邊度喎，超速喎，影響我駕駛，做所有嘢都影響你心情。試過去馬爾代夫旅行，未必聽到電話，就係咁send訊息鬧。」她透露陳達仁又會安排助手跟縱自己，一見到跟男生一起，就會拍片影相，之後陳達仁就會瘋狂短訊轟炸。

她解釋一直以來陳達仁都會用退租來威脅，因為自己沒有收入證明，要由陳出面租︰「佢知我好鍾意間屋，搬走狗狗會冇地方住，所以成日話打畀業主退租。4月1日我同位狗友喺樓下放狗，佢助手報告完，陳達仁又發顛。佢要求同我拖手喺樓下行。」答應要求之後，拖手時陳達仁專登大力握住安采妮的手，又要她在狗友面前打招呼介紹自己，她在影片中話︰「唔可以咁樣同呢個人一齊，咁樣同落地獄冇分別，寧願死咗佢，如果咁樣。諗緊嚟緊生活每日畀佢監控、冇晒自由去到邊24小時睇到實。她一直忍到4月20日取回3隻狗的骨灰才離開。

不過安采妮話對方仍糾纏，試過上媽咪屋企騷擾報警收場，又去騷擾朋友。她透露另一方面陳達仁在佢網上會扮深情尋找自己，她在片中無奈話︰「點樣搵我搵到好辛苦，你有冇諗過，我係唔想畀你搵到呀，陳達仁，唔想呀。好想有返自己人生，唔想畀你控制。你係FB LIVE話畀人知知我住邊，咪係靠假賬號攞我朋友料，畀你搵到我又點，最多咪再搬，你成日話大家修好、原諒你，自己做得唔好，食緊藥脾氣好返。冇錯做演員係由細到大夢想，我寧願放棄出去打返份工，之前搵到份工，踏踏實實去做一啲嘢，你又要搵我老細搞到冇咗份工。演戲嘅夢想都可以放棄，就係唔想見返你。我算嘞，正正常常做返啲嘢，你放過我啦，過去4年諗過好多方法結束自己，多得一班仔女支持我，先撐到今日，媽咪因為你喊過好多次，因為你。希望睇到大家share，我好辛苦晚晚發惡夢，可唔可以收手，而家唔知幾時見到阿爸阿媽，因為驚你跟到條線，你放過我啦，唔想再同你有瓜葛，打份工就夠，因為你放棄演員夢想。今生今世都唔想再見到你。」

本名馮殷的安采妮，2歲時做過童星。2013年拍攝電影《澀青》出道，其間被發現何浩文上她家玩狗，令戀情曝光。之後又被影到跟溫超在街頭熱吻傳出緋聞。

額，溫超屌過不了　

Doub你屎忽

桃？

Moto

最重要嘅相呢

Ok

Close case.