[有劇透] 點睇STEINS;GATE個「科學理論」

就係講緊世界線收束

間唔中就會見到有人講STEINS;GATE咩神作

但講真，「世界線收束」真係好撚唔科學

講到個世界會care一條友死唔死咁重要得閑到搵唔同方法去整死佢

（會唔會變成對科學本質嘅哲學探討）

OK，我當你返到過去都改變唔到歷史

但明明好撚多嘢都改變到喎

點解世界只係對一個人嘅死情有獨鍾？

係神作, 點, 係咪唔份氣, 隻抽啦

換條世界線咪可以唔洗死

有乜問題?

係果條世界線到所有人夠鐘要死,就一定要死,同死神來了一鳩樣

咩叫「所有人」

大戰爆發, 咪「所有人」要死囉

不過佢意思係所有注定要死嘅人要死, 就要死

同埋你開呢個post我仲諗住你想討論咩空想科學嘅議題

點知入到黎講命運論唔科學

命定唔係問題，如果定咗咪改唔到囉，但又改到啲又改唔到啲

其實我一路講緊まゆり

唔通真係講微波爐有冇可能用嚟穿越時空咩

個證立好虧，用未來不可改變， 加If P or not P黎證明命定論，本質上係tautology等於冇講過野

入到真結局條世界線咪唔洗死

咁我試吓格硬解答你條問題

點解世界會(淨係)圍住まゆしぃ轉?

如果你咁問, 你亦可以問, 點解倫太郎係唯一一個觀察者(唔講zero嘅故事)

咁就只會得出一個好メタ嘅答案, 因為佢係主人公

但係只要你接受呢個メタ嘅前提

再加上生死有命呢一個假設

咁我會咁樣解釋

因為倫太郎係觀察者, 即係唯一一個可以令世界出現變化嘅人(正確黎講觀察到世界變化嘅人, 變相我咃見到嘅就會係佢改變咗世界)

所以倫太郎周圍嘅人同事, 越接近佢就越容易出現變化

就好似佢係一個幅射源頭咁, 越接近佢就越易出現變種

結果呢個唯一有影響力令本來唔會有變化嘅世界出現變化嘅人越盡力試圖迴避まゆしぃ嘅死, 生死有命呢個倫理為咗抵消倫太郎嘅影響力就會令整個"處死まゆしぃ"嘅規模變大

一切係因為倫太郎係觀察者, 所以我咃先見到倫太郎觀察內嘅事物圍住佢改變

倫太郎觀察唔到嘅嘢有冇改變根本就唔重要, 因為冇人觀察到, 即係冇改變(冇人會察覺到咩先係original, 所有當下發生嘅事就會變成original)

唔好話我咁樣答係一方通行

我明白你嘅意思（即是唔係針對まゆり）

但本身「生死有命」呢件事已經奇怪

死喺呢個宇宙間有咩意義

（又牽涉到哲學問題喇）

你嘅哲學問題係一個永遠討論唔完嘅議題, 而我想講嘅係隻game同你#1嘅題目

得罪講句『「世界線收束」真係好撚唔科學』係一個偽命題

喺Steins;Gate之中, 「世界線收束」或者「生死有命」之所以成立

係因為倫太郎觀察到有多嘢可以改變, 唯獨佢觀察到嘅死亡最終係改變唔到, 導致倫太郎成為唯一一個有能力證明「世界線收束」呢件事發生緊嘅人

即係, 唔係「世界線收束」本身成唔成立嘅問題, 而係倫太郎嘅觀察確立咗「世界線收束」呢個事實, 佢觀察到嘅就係有, 觀察唔到就冇, 觀察到可以改變嘅嘢就係可以, 觀察到唔可以改變(冇能力改變, e.g.まゆしぃ嘅死)嘅嘢就係唔可以, 聽落好似好屈機, 但係倫太郎嘅角色定位就係咁嘛

而現實上, 唔會出現觀察者, 當然冇人去證實命運有冇得改變, 乜嘢係改變到, 乜嘢係改變唔到, 改變前係乜, 改變後又係乜, 同埋「世界線收束」會唔會出現

如果唔係講隻game, 而係純粹討論哲學問題, 咁又係另一個topic, 同隻game嘅前題相差太遠(有觀察者同冇)

sor, 我知你係想轉去討論哲學, 但係我嘅思維方式係一樣還一樣

關於死亡既描述係為左活著既生命所講

簡單啲講，觀察者本身亦會影響觀察結果，所以我地睇倫太郎就係世界圍住まゆしぃ轉

（#16）

即是你嘅意思係，「世界線收束」只係倫太郎唔知點解（因為本來嘅解釋「世界線收束」已經變咗唔係解釋，只係事後嘅總結）改變唔到まゆり嘅死，然後佢對呢個現象嘅總結

如果我冇理解錯，咁只係將「世界線收束」呢個名唔再用嚟指「倫太郎改變唔到まゆり嘅死」嘅原因

都係存在住「點解個世界咁想まゆり死？」呢個問題（或者換個講法，「點解倫太郎可以改變到咁多嘢但都改變唔到まゆり嘅死」）

拉遠少少講，即是如果倫太郎根本唔careまゆり死唔死，佢只係想改變るか嘅性別，可能就會意外地發現佢改變唔到，但就好容易進入到まゆり唔使死嘅世界線

都係唔明點解你唔明

全部人都會受因果律/世界嘅限制,夠鐘要死就要死,但對於中間唔涉及生死問題嘅,個因果律/世界完全who fucking cares

我明你講咩，但你唔係答緊我講嘅嘢

退一萬步，有樣嘢叫「生死有時」，但原來扮死就可以逃過一劫？

你好似都未明哂我講咩

個重點係倫太郎嘅視點見到啲乜(相信自己見到啲乜)

倫太郎作為觀察者, 佢唯一改變唔到嘅就係佢觀察到嘅死亡(呢點係佢觀察中得到嘅結論)

只要過去嘅倫太郎觀察到(相信自己睇到)クリス嘅死亡, 呢一點成立咗就得

事實上有冇死唔重要, 重點係喺嗰一刻佢"觀察"到死亡, 咁就足夠(呢點亦係佢觀察中得到嘅結論)

簡單黎講, 只要倫太郎觀察到嘅事, 就係法則嘅證明

問 點解個法則係用A嘅形式運行, 而唔係按B嘅形式運行? 係無意義

因為倫太郎有超然嘅視點, 佢用超然視點去睇同位世界而得到嘅結論就係答案

以我理解唔係世界care唔care某個人死

而係有好多個平行世界有唔同結果

同一個世界線都係基於命定論既存在

主角只係跳黎跳去搵出一個女主唔會死，同埋地球局勢好D既世界

劇情將佢地轉左去一個較理想既世界生活，但係其他世界線依然存在，即係仲有千千萬萬個

まゆり/ 紅莉栖一定會死

但其中有一個世界線既倫太郎發現左依樣野而不斷係咁多個'server'入面login logout

應該仲要咁啱個位係世界線分歧點先可以用扮死,唔係嘅話只會受世界線收束影響,呃唔到世界?

即係咁, 如果你有超然視點睇到god hand, 咁你已經證明咗god hand存在

只係你無辦法證明畀同位世界嘅人睇你用超然視點睇到嘅god hand係True

但係如果有上位世界望住你, 你就提供咗兩個事實畀上位世界嘅人知, 你嘅同位世界有god hand呢件事, 同埋你有超然視點去觀察同位世界有god hand呢件事

god hand=倫太郎觀察到嘅一切現象 (唔好誤會, god hand唔一定代表有意識嘅神)

超然視點=觀察者視點

同位世界=Steins;Gate嘅世界

上位世界=睇緊Steins;Gate嘅觀眾

世界線分歧點係倫太郎出嘅第一封d-mail

因為一切都係命運石之門嘅選擇!

如果你話β線同Steins;Gate線嘅分歧點又的確係

好難明咩

α世界線=嘟嘟嚕死

β世界線=助手死

卡通片第一集開始喺β世界線

DR.中鉢發表會正常舉行

倫太郎聽到大叫 見到成地血瞓喺地嘅助手

肥仔做緊電話微波爐實驗 倫太郎send 第一封D-mail 助手被人捅咗一刀

send完變咗α世界線

時光機出現在廣播塔 DR.中鉢發表會取消

做電話微波爐實驗 膠香蕉

見到助手冇死

唔記得邊集講開著樓下電視+做電話微波爐實驗 令到成層樓震 先send到d-mail

α世界線所有撤銷D-mail 返β世界線

#20

在α世界線[變動率0.337187]的8月13日會死

每撤銷一封D-mail，她就會延後一天死亡。

23β救助手失敗 ->命運石之門0

第八集 其中一幕新聞係俄羅斯地震

DR.中鉢逃往俄羅斯，時光機論文未被銷毀

俄羅斯做時光機實驗令到倫太郎由β去到α世界線

肥仔提及喺β世界線 電話微波爐同時光跳躍機銷毀咗

send咗d-mail 有冇改變到るか性別 都會喺α世界線都係要死

#22

薛丁格貓

第1集 倫太郎聽到大叫 見到成地血瞓喺地嘅助手(死亡) β世界線收束

第23β 倫太郎桶錯落助手度 自己大叫 見到成地血瞓喺地嘅助手(死亡) β世界線收束

第23&24集 23集救助手失敗睇未來倫太郎條片 24集倫太郎幫助手擋刀 放血痛到大叫 見到成地血瞓喺地嘅助手(生存) 入S;G線

（#23）

佢觀察到死亡，所以佢改變唔到「佢觀察到死亡」呢件事（因此只要照舊「觀察到死亡」就得，人死唔死唔重要）

但秋葉原一街毒嘢都係佢觀察咗無數次嘅嘢喎，咁又輕易改變咗？

都話唔係佢觀察到嘅嘢唔可以改變

而係佢觀察到嘅死唔可以改變(改變唔到佢"觀察到"呢個事實)

呢個就係佢觀察到嘅法則

問 點解個法則係用A嘅形式運行(同一世界線內, 死以外佢可以觀察到改變), 而唔係按B嘅形式運行(同一世界線內, 死以外佢都唔可以觀察到改變or包括死在內佢都可以觀察到改變)? 係無意義

因為倫太郎有超然嘅視點, 佢用超然視點去睇同位世界而得到嘅結論就係答案

如果唔接受佢嘅超然視點睇到嘅事象等於法則呢件事嘅話, 咁永遠都係兜同一個圈喎

另外再重覆提一點, 重點唔係有冇死, 而係佢本身(相信自己)觀察到嘅死

フェイリス老豆有冇死本身唔係佢觀察內嘅事, 所以先會喺α世界線出現フェイリス老豆生同死兩個分支

（#32）

我嘗試換個講法：

點解倫太郎轉咗一萬條（當係一萬啦，唔知個數字係幾多）世界線，都冇一條係まゆり唔使死？因為嗰一萬條都係まゆり要死嘅世界線囉

你嘅意思係咁？

改變秋葉原係菲利斯唔係倫太郎

send完d-mail 父親冇死 菲利斯喵喵咪冇接手佢老豆啲生意 秋葉原咪賣電器囉

你的答案很有用！

フェイリス老豆牽涉生死,係第三條世界線嚟喎

你當一萬條beta世界線,中間嘅支節唔同,你重覆做唔同野去避開死亡,只係改變到支節,姐係係呢一萬條入面跳嚟跳去,只會殊途同歸

α世界線所有支線嘟嘟嚕死

β世界線所有支線嘟嘟嚕冇死

γ世界線所有支線嘟嘟嚕有絕症

喺α內點換支線都係死

你哋知唔知我問緊乜㗎

仍然唔明你點解唔明

我唔係講緊佢入面嘅劇情符唔符合個設定，而係個設定科唔科學

所以用個設定做框架講劇情點解合理係冇關係

終於理解咗你問乜,亦理解咗九七答咗你

不過我覺得世界線收束其實幾科學,同歷史趨勢/命運論幾似

個人/組織/國家嘅缺陷係注定毀滅嘅話一定會毀滅,無論支節係點

同程式有bug一樣,會發生嘅話始終會發生

我都係嗰句啦，一條友（まゆり）死唔死原來咁重要，以致係「世界大勢不可逆」？

我明你意思,姐係死果個係港豬,幾時死都對世界無影響

據我理解啦,Steins Gate個命運論/世界只對生死有限制,apply to 所有人,幾時死就幾時死

你好似拗緊明明幾時死都無所謂啦?

"世界唔係咁諗"?