[分析] 咩係熱狗？點解咁多人被熱狗？兼談本土派嘅源流

舊一代嘅民主派，冇好好咁區分過香港同中國——呢個姑且唔討論，當係時代嘅局限先

自從自由行後（特別擴大到啲N線村鎮後），香港人多咗直接接觸中國人，對其舉動反感，由反水貨客（i.e. 走私賊）起，現代所謂嘅本土主義萌芽

民主派嘅大佬文化，令其主流論述由一啲無法擺脫「中港一家」思維模式嘅大佬所把持

不幸地，當時民主派出位嘅「年輕一代」係一班喺反高鐵時成名嘅左膠，對呢種「本土主義」十分反感，以咩殖民主義去視之

但當然，民主派有一啲人睇出呢個係應該發展嘅方向（范國威毛孟靜等人）；喺呢個「本土萌芽期」，所以「本土」嘅人曾經一度和睦共處，例如陳云根曾經endorse范國威

食住呢個勢，范國威亦成功被高登推入立法會（2012年）

但隨住民主派主車羣無意靠攏本土，「初代本土派」之間產生分歧；本來由泛民想去發展本土嘅人，始終要喺「跟民主派大隊」（從以繼續可以喺「泛民生態圈」入面生存）及「跟隨本土主義」之間作出選擇；決裂喺2013年六四發生

由於希望同中國切割（或類似原因啦），非泛民系初代本土派（例如陳云根）開始叫人杯割2013年六四，引起民主派主流極之不滿；亦因此，跟隨民主派大隊嘅范國威等被本土派掃地出門——呢個時候，開始明確地出現「泛民」同「本土」嘅對立

幾乎係同時，失去咗泛民（但可以話只係泛民邊緣人）政治人物嘅本土派，卻迎來新嘅「政治注資」，就係啱啱脫離人民力量嘅黃毓民及其旗下嘅半獨立組織熱血公民加入本土派（可以話係睇準時機啦）

可能因為黃毓民能言善辯，或者驚喜於竟然有大人物加入啦，黃毓民好快成為本土派嘅「教主」，將佢屌泛民嘅agenda同時成為咗本土派嘅「教典」

自此，本土走上咗「屌泛民」之路——呢度我要再次指出，泛民一開始自行拒絕本土主義，係造成呢個現象嘅最大原因——因為好多本土主義新血喺呢個時候加入，視教主為本土權威，因此「本土」同「屌泛民」密不可分，糾纏近十年，「唔屌泛民」成為咗「唔本土」嘅充分條件

泛民由於對黃毓民嘅反感，將呢個反感都投射喺本土主義身上，造成佢哋直頭覺得本土派就係中共嘅鬼（呢個錯誤嘅認知，直到梁天琦嘅出現先至被改正）

熱血公民某程度上以一種邪教形式運作，以屌曬其他人（諗下健吾？）嚟確立追隨者嘅忠誠

亦因熱血公民為本土派唯一有規模組織，所以喺泛民及其支持者認知中，舉本土主義去屌佢哋嘅，基本上都係「熱狗」；一啲深受黄毓民．熱血公民影響嘅獨立本土派，因為表現上難以分辨，所以被歸類為熱狗

呢啲其實有啲狡猾，因為被熱狗嘅人心中，「熱狗」係一個會籍咁嘅嘢，要入咗熱血公民先叫熱狗；但相對當使用「泛民」時，卻無須理會對方是否有「泛民」某黨嘅會籍，只要似係泛民支持者就適用——其實呢度，就好似我哋叫「五毛」，唔會先去分辨佢哋有冇收過中共嘅五毛一樣

隨住更多人喺一無所獲（同時由「泛民」主導——雖然事實上，雙學同民主派主流有相當多分歧，但喺泛民本土嘅對立下，雙學亦歸類為泛民）嘅佔領之後對泛民失望，本土派亦開始有自己嘅大型行動（光復行動），一個並非教主手下（唔好同我拗咩熱血公民係唔係教主手下喇屌）嘅本土組織本民前一戰成名

雖然本民前唔係教主手下，但畢竟都係聽咗佢多年本土教誨，尊其為教主，喺myradio開咪，因此喺泛民眼中，同為一黨；但其實，發生過黄台仰要喺myradio為與泛民同台而道歉嘅鬧劇

之後就係梁天琦嘅出現，佢對泛民係一個震憾彈——因為本土派自從與泛民割蓆後，首次出現一個可以喺感情上reach到泛民及其支持者嘅人，令佢哋認知到本土派其實想要咩，唔係一班單純出嚟反泛民嘅鬼（呢件事用咗幾年先慢慢滲到入佢哋心中）

再之後就係2016選舉；雖然同持包括「反泛民」等本土理念，亦係本民前友好嘅青年新政好尷尬地冇跟過教主（例如好似黄台仰被教主「收編」入myradio咁），因此不斷被懷疑是否真．本土派——教主呢種將冇跟過佢嘅人踢出本土派嘅意圖，反而催生咗一個冇佢嘅本土派出現（「本民青」）；其後再隨教主陣營自行瓦解，大致上擺脫咗教主嘅本土派就出現咗同泛民和解嘅可能——呢件事就喺2019年，雙方面前出現極大危機（送中）嘅時候達成

郊登好似冇

其實熱普城都主導唔到本土派,如果唔係就唔會最後分裂,熱血公民無認過自己係本土派,係陳雲認自己係本土派開山祖師

佢有囉

利申：聽過一排熱血時報

我印象係未到選舉,初頭係公開唔認

應該佔中之前已經有講

push

老實講飯民入面叫做唯一正常少少有進步嘅只有黃之鋒果枝中箭,因為佢地係永世都唔洗選嘅,所以先似番個人樣

乜依家熱狗仲算本土

以前

民主派

不過宜家咪又係唔同意飯民意見嘅就係熱狗

佢同戴耀廷呢啲只係（曾經）被人民推咗做泛民共主，又唔係泛民系統出身，其實冇泛民嘅顧慮，只係被屈入泛民

所以戴生只要一念之間諗通，就可以出嚟講法治喪屍，冇包袱

因為熱狗重行緊反泛民（而家加埋反本土派）嘅呢條路

我覺得熱狗心態已經植根咗喺某啲本土派心入面

凡事都反咗泛民先

情況形同泛民反毓民一樣

完全忽略咗毓民提出啲議案講緊啲乜

完全忽略泛民喺依年當中嘅覺醒

包括D100主持或明或暗表示支持獨立支持勇武

三個字講晒就係私怨撚

私怨上腦分唔到事非黑白

就算唔信神棍陳雲都仲有唔少人係更加不相信泛民

但人哋出錢出力救啲義士喎

你唔係要啲老骨頭企前線做靶卦

利申試圖解釋嘅時候試過被泛民

神棍陳雲仲反防疫添

真熱狗其實已經不成氣候?

我會覺得飯民只係著一著機,尤其係選完區議會之後已經完全故態復萌

呢班人永遠只可以夾佢上戰車,宜家俾佢攞咗主導權,基本上玩撚完

點解會覺得泛民狗攞咗主導權

現實係疫症攞咗主導權

疫症前題下得軟性路線仲可以行到

鍵盤Twitter線 立法會過半線

當前打得最火烈係內會拖延戰

你錯覺係泛民攞主導權

但背後文宣都係本土派

你係唔係只要涉及泛民嘅立場就覺得佢哋全部都泛民先

沈旭暉呢啲又唔建制又唔泛民咁又係咩

好心黃藍就咪鬼再分泛唔泛民

幫到大局咪得囉你理鬼佢咩人

買銀離子搓手液可保全族平安

我唔會否認拖死內會做得好,因為的確做得好

但又係咪肯以後都係咁先?以飯民往績睇就不敢恭維喇,遠嘅唔講,淨係一個月前乜鳩西九工程撥款都揸流灘放水俾政府過

嚟到2020年大家仲要拗議會有無用,已經係虛耗大家時間同資源

都係果樣野,飯民個大局永遠係選舉,同香港人個大局係唔同嘅

咁呢刻你除咗信佢仲有冇其他選擇先

望住呢一年齊心協力你都仲覺得焦土好過齊心咁我冇說話好講

焦土原先係要炸醒班on9

而家一年後要醒應該醒晒

咁我會覺得嘗試以前做唔到嘅過半會實際啲囉

我都唔明爭凳仔有咩好拗

如果唔去爭，唔通而家搞緊嗰班人會即刻搖身一變去勇武咩？

而且雖然我都唔覺得有可能爭到，但好多人都指出過，個目標係要逼中共出手出得有幾核突得幾核突

或者話，點睇泛民，可以拆做以下幾個對事實嘅認知嘅小問題

（好多時就係根本未有共識就去爭論一啲更加上層嘅問題）

一　泛民是否由同一個意志（美國代理人又好，肥佬黎隻狗又好）控制？（反例：親中派就係由同一個意志，即中共，控制）

二　泛民（或泛民各派，如果問題一嘅答案係否定嘅話；下略）反對政府，其實反對到咩地步（反對政策，反對執政者，反對制度，反對中國，都係唔同層次嘅反對）？

三　泛民以咩準則去分配佢啲嘅資源（包括去開會投票嘅時間）？

四　泛民嘅目標係咩（例如議席，或者等政府收編）？

五　有咩會令到泛民改變佢哋嘅方向？

每一樣都好似可以講一堆嘢，所以我問完就撇先

劉病試下唔好試圖令人打千字文

利申開始手震

想打咪打囉

我好驚睇千字文

利申唔想打

打完冇錢賺又嘥時間又攰

一

烏合之眾,例如民主黨都定期都有人轉投政府架啦,純粹一個利益集團,既收黎智英水喉,又收香港人贖罪券

二

一國兩制殘而不廢,佢地到宜家都係

三

點知佢地點分餅

四

議席,民主黨都定期有人轉投政府啦

五

飯民又奸又蠢,涉及自身利益果陣精甩尾,對其他野就蠢過豬,活脫脫香港人走精面表表者,要改變佢地可能要香港人自己都改變咗先

但係其實個問題係，想入立法會就冇得講脫支 (港獨/歸英/歸美)

俾你投得嘅只可以話想中國實現真一國兩制 (民主回歸/永續)

中箭話公投都DQ

我覺得班飯民蠢唔曬，知其實而家中國係可以DQ埋犯民，垃圾會100%左狗，所以要做個樣話支持一國兩制

當然亦有真心支持，例如李卓人

所以我覺得冇野係可以改變佢哋嘅方向，除非你係gphone戴耀類參選唔到先可以講真心話

總結：即使犯民全體支持脫支，都唔會明講，所以佢地會繼續傻下傻下

快手覆一句先：講同做明明係兩樣可以分開看待嘅嘢

我覺得咁樣只係一廂情願塞字入飯民口

真！😭