《乜代宗師》深圳拍攝遭質疑　黃子華：自掏腰包賣樓拍戲　非合拍片　只想拍畀香港人睇

《乜代宗師》深圳拍攝遭質疑　黃子華：自掏腰包賣樓拍戲　非合拍片　只想拍畀香港人睇

有網民發起罷睇「紅色」賀歲片，藝人黃子華自編自導自演、自掏腰包的電影《乜代宗師》，受網民非議，原因是有指影片為了製作人員的人工問題，而改在深圳取景。黃子華今日在 facebook 拍片解釋，自己賣了一層樓拍戲，他承認戲中部分場景在深圳拍攝，因成本較低，但強調這部電影非合拍片，「這部戲完全只是想拍畀香港人睇，一套香港嘅電影，點解要唔揀合拍片，因為我係想自由自在拍戲，無論題材、表達手法，我唔想有人去 censor 我。」

黃子華指出，從新聞得悉有指他收了數百萬片酬，以致成本不足，《乜代宗師》最終要返內地拍攝。他承認，的確有「剝削」台前幕後的工作人員，「叫所有人收平一些」，但他自己身兼導演、編劇，分毫也未有收取，「唔單止一毫子都無收，真實的情況是賣樓拍這套戲。」

他說，「這套戲非合拍片，第一拍的心態已經是這套戲，係完全只是想拍畀香港人睇，一套香港嘅電影，點解要唔揀合拍片，因為我係想自由自在拍戲，無論題材、表達手法，我唔想有人去 censor 我，應該點樣點樣拍，想自由自在忠於我嘅 concept 拍出來。」他形容，「（《乜代宗師》）係香港人投資，香港人賣樓，拍一套剩係畀香港人睇嘅戲。」

黃子華指出，自己對電影翻本並無信心，「無信心，是輸少當贏…以我套戲的 budget ，係無可能返本，我甚至無想層樓可以返嚟，但有無可能返間房，甚至廁所呢？就算只是返水龍頭，我都係預咗，但我可以自由自在拍。」

黃子華指出，自己多年無做導演，「我問好熟行的監制，我賣咗樓，在香港可以拍幾多日？佢話 15 日，但我套戲需要 50 日。」

除了錢以外，另一原因需要大廠房，「如果要在香港拍，我唔單止要賣呢個單位，仲要賣我住緊個單位。」他指出，自己只能做到質素最好，「全行都認為我呢個傻佬，賣咗層樓，90 幾% 無得翻盤，我希望講返真實情況畀大家聽，睇唔睇，唔係好緊要。」

喺呢個混亂時代仲會去拍戲

除非套戲入面有啲道理

唔係既你揀錯時間完夢喇子華神