摩佬負林伯 紅魔互射12碼不敵打比郡

【now.com體育】重遇不浪漫！周二英聯盃第3圈，紅魔曼聯主場迎戰英冠的打比郡，摩連奴重遇林柏特，果然教識徒弟無師父，10人應戰之下末段追成2:2，可惜互射12碼爆冷出局。

保羅普巴賽前傳出被「永久禠奪隊長資格」，今場不在比賽名單，但仍留在板凳上，而曼聯正選陣容依然強大，盧卡古、桑馬達、安東尼馬迪爾、尼曼查馬迪等皆有落場，老將艾舒利楊格戴起隊長臂章。

甫開賽3分鐘，紅魔面對大量空凳，無阻早早打開紀錄，無人看管的桑馬達禁區內妙射破網，領先半場。換邊後形勢大變，哈利威爾遜（Harry Wilson）直射罰球，攻破羅美路的大門，追成平手。67分鐘，羅美路在禁區外犯手球領紅被逐，紅魔剩下10人應戰，李爾格蘭後備入替把關。

完場前5分鐘，打比郡趁人多打人少，偷雞成功，後備入替的積克馬利諾近門頂入，反超前2:1。補時階段，同樣後備入場的費蘭尼追成2:2平手。

英聯盃由今季開始，90分鐘言和後馬上互射12碼，頭5輪的盧卡古、楊格、費蘭尼、費特洛迪古斯和馬迪爾悉數命中。進入「突然死亡」，達洛治和馬迪仍能中鵠，可惜菲爾鍾斯的射門被前利物浦門將卡臣撲出，紅魔爆冷以7:8出局，師父摩佬首次重遇徒弟林柏特，吃了一記當頭棒。

其他賽果，水晶宮憑安祖斯唐辛梅開二度，作客西布朗大勝3:0；李斯特城作客狼隊互交白卷，互射12碼贏3:1；般尼茅夫主場補時絕殺，驚濤駭浪以3:2險勝布力般流浪。

圖片來源 : ©AFP

抵啦魚拉突

啲隔行唔見晒

我睇到有隔行喎

between，wilson 嗰球靚到呢

唔該賣撚走普疤

原先隔幾行,而家得一行

球波勁飄,同埋睇精華打比郡啲組織好過曼聯多多聲

算把啦,摩佬死佢都未死

同埋呢場都無普巴

根本係摩佬廢

最戇鳩係山齊士天價人工都簽

你係其他球員見到佢一嚟到就頂薪有咩感覺

轉會政策好有問題

仲衰過當年鍠一年一星

獌直頭係鳩買

買咁多進攻球員返嚟泊巴士

防中都叫做有馬迪頂住，但佢都31，要搵定人接班

後防靠鍾斯屎波寧連迪路夫真係睇到屌

其實靴里拉雖然唔係星級，但都畀人睇到係有心踢

摩佬硬係要搞分化唔撚出

仲有馬達,明明有料但永遠後備

摩佬根本就係超級無間道，你睇佢攪到隊波似乜？