拒撤遇車禍學生遲到記錄 中學校長：天意有時係咁

大埔孔教學院大成何郭佩珍中學近300名師生上月因一宗交通意外而遲到，校方堅持保留記錄令學生失去獲得本學期勤學現金獎的機會。校方周三召開長達半小時早會解釋決定，重申豁免懲罰但取消奬勵的做法合理，校長梁秋雲更指天意難違，學生應接受遲到的事實，「天意有時係咁，我哋人生要面對，無任何人做錯事、無任何人要為個件事負責，但係終歸有人受傷害，呢個係所謂呢天意，係咪？」

相關新聞：中學生遇車禍集體遲到失勤學獎 學校拒認不近人情：應預留時間防突發事故

記者 賴莉娜

有學生向《蘋果》提供早會錄音，學校訓導組老師、副校長伍偉昌和校長梁秋雲輪流在早會上發言，令平日最多15分鐘的早會延長一倍時間，中六考試都要延遲開始。訓導組先宣佈開會後決定不會將今次遲到計算到學生每學期累積遲到記錄內，日後同樣只會在大埔區全區交通癱瘓下才豁免對學生的留堂懲處，學校會檢查學生住址核實。副校長伍偉昌一再重申學生遲到是事實，「你唔可能話畀人聽因為個日大塞車，我整個中學生無遲到過！」認為學校已酌情處理懲罰並非無人情味，又指學校溝通大門長開，學生有意見應直接向老師反映，「唔需要經由第三者轉達」。

校長梁秋雲總結發言時稱上學不遲到原是學生本份，但去年有教師反映要做到全年無遲到、無請假「好艱難」，校方才接納建議增設勤學獎，「唔係一定要獎勵你，但奬勵你嘅原因就係覺得真係好難做到㗎喎原來，天意人事真係唔係你控制之內，竟然你都做得到」，最後又勉勵受影響學生「仲有下學期㗎嘛」。

向《蘋果》投訴的中六陳同學（化名）稱校方誤以為學生不忿失失勤學獎，「但係處理手法先係重點」。他指校方一方面認同學生不能控制意外、要接受天意，一方面又要求學生預留足夠時間上學，要求並不合理，「佢哋根本冇得避免，就算預早幾多時間一樣會遲到，所以佢哋無得攞勤學獎係唔合理，因為佢哋本身唔應該要付出代價」，他反問「係咪代表今次所有因此遲到嘅學生，都只係冇預早時間而遲到？」

https://hk.news.appledaily.com/local/realtime/article/20161110/55893719?fbclid=IwAR1Y1ztHaAgW63YVP9TJNvdiosi8u7YvVJGvYw4rR5SeIhA8tK0AOtYOnnA

孔教係咪信天命不可違

校規唔係天命啦 炒車勉強可以算係天命

依家校長嘅行為係將君命夾硬屈做天命

就係呢啲咁嘅人 揸住雞毛當令箭

先至有陳勝吳廣起義 或者 依家嘅反修例運動

呢條校長就係叫啲學生唔好懷疑命運

放大嚟睇 即係叫你哋就算做奴隸都唔好反抗 呢個係你嘅天命

天命最高

打柒佢再話係天意

天意 no.1

香港教育就係畀呢啲人搞彎哂