解答篇：「パンツ」係乜嘢？

今日喺呢個POST問咗呢個問題，有好多出色嘅答案，而家等我都答一答。

「パンツ」呢個詞語，識少少日文嘅都唔陌生。講起「パンツ」，就聯想起底褲，我都係，但係喺其他意境上又有冇聽過「パンツ」呢個詞呢？

例如喺Radio有時會聽到パーソナリティ(主持)喺講日常生活時提到「パンツ」，究竟係咪又一定係講緊底褲呢？而家同大家探究吓呢個題目。

試一試如果喺amazon search「パンツ」，會出現咩結果？

的確見到底褲，但係仲有其他褲混埋一齊。

淨係呢張圖都已經出現ジョガーパンツ・チノパンツ・ガウチョパンツ・レギンスパンツ・スキニーパンツ，有棉褲、高喬褲、牛仔褲等各式各樣嘅パンツ。

唔通呢啲都係底褲？當然唔係。唔通amazon出錯？唔會掛，再search吓樂天。

都係咁。

「パンツ」，除咗底褲仲有另一樣意思，就係褲。

為咗深入瞭解，首先睇睇「パンツ」嘅語源。

//パンツは、英語「pants」からの外来語。英語の「pants（パンツ）」は、「脚衣」「ズボン」を意味する「pantaloons（パンタルーンズ）」の短縮形。//

根據語源由来辞典 () 所講，パンツ係取自英文pants呢個詞語，而pants呢個英語本身係指 脚衣(從兩足穿上嘅衣物)。辭典就推測，由於近代日本當時只有ふんどし一詞，而無詞語對應當時從外國流入嘅底褲，所以就取用pants（パンツ）一詞去對應。

ふんどし(褌)

再睇吓新英和中辞典 () 解釋pants。

//《複数形》

1《主に米国で用いられる》

aズボン，パンツ 《★【類語】 ⇒trousers》

a pair of pants ズボン 1 着

bスラックス

2《主に英国で用いられる》

a(下着の)パンツ

bパンティー//

喺美國，pants係指褲，而喺英國，pants就係指底褲。

而家睇返語源由来辞典，パンツ嘅意思係

//【意味】 パンツとは、ズボン。スラックス。ズボン式の肌着。ブリーフ。ショーツ。パンティー。//

パンツ喺日本既可以解「ズボン」(褲...pants嘅美國用法)，亦可以解「パンティー」(底褲...pants嘅英國用法)

咁日本人點區分「パンツ」係褲定內褲呢？講嘢嘅時候係一句文字，一段文章咁解，基本上可以透過前言後語去理解個意思。而語源由来辞典亦有提到，其實兩種情況吓「パンツ」嘅讀音係有分別。

//また、「下着のパンツ」と「ズボンのパンツ」を区別するため、下着は「パ」、ズボンには「ツ」にアクセントが置かれる。//

*「下着」即係內衣褲

底褲嘅「パンツ」重音喺「パ」度，而褲嘅「パンツ」重音喺「ツ」度。讀日文嘅時候要留意吓喇。

一般黎講，男性都係用「パンツ」黎形容底褲。如果真係好怕錯嘅話，可以好似上句咁講明係「下着のパンツ」，或者用「アンダーウェア(underwear)」去形容底褲。

要提一提，即使喺日本，唔同性別唔同年齡層嘅人對於運用「パンツ」一詞都有唔同感覺。「パンツ＝ズボン（褲）」呢個用法係比較現代嘅事，亦比較傾向係女性用，唔係話日本人就一定會喺日常用「パンツ」黎指「ズボン（褲）」。

想知更多？就登入黎subscribe我嘅郊登頻道啦！

¯\_(ツ)_/¯

屌你係咁貼底褲圖

起office背住靚女同事開post

陣間比佢以為我係變態

好詳細

高質po

而褲嘅「パンツ」重音喺「ツ」度

想像唔到係點

個ツ高音啲？好怪

真理褲才是皇道

去咗廁格先夠膽load圖

記憶中美式用法西褲都可以係叫pants

求其搵咗條link

當佢第一次講パンツ嘅時候, 個ツ係重音

之後又變咗パ做重音(我諗係因為之後有ワイド連住, 所以唔駛做個accent出黎)

パンツ

trousers

重音同高音一樣嘅咩🤔

sub jir

我成日認為「パンツ」一詞係由「パンティー」變出嚟

郊登頻道

曾經我都有咁諗過

空想嘅function

日語教學